Tuesday, November 29, 2016

កម្ពុជា​នឹង​ធ្វើ​ជា​ម្ចាស់​ផ្ទះ ពាន​រង្វាន់ ASEAN ICT AWARD ឆ្នាំ ២០១៧

លោក គង់ សោមវ៉ាន់ដា ដែលជានាយកប្រតិបត្តិ AI Solution Co,.Ltd ជាសហស្ថាបនិកតោះហ្វាន់ និងជាក្រុមតំណាងពីប្រទេសកម្ពុជាទៅទទួល មេដាយនៅអាស៊ាន ICT Award ២០១៦ បានប្រាប់ឱ្យដឹងថា ឆ្នាំក្រោយកម្ពុជានឹងធ្វើជាម្ចាស់ផ្ទះរៀបចំការប្រកួតនេះ លោកចង់ឃើញយុវវ័យកម្ពុជាចូលរួមប្រកួតឱ្យបានច្រើនជាងនេះ នឹងអាចដណ្ដើមបានមេដាយមាសបានច្រើន ។

លោកក៏បានបន្ថែមទៀតថា លោកពិតជាសប្បាយចិត្តយ៉ាងខ្លាំងដែលពួកយើង ទទួលបានមេដាយប្រាក់ក្នុងការប្រកួតនេះ។ នេះជាមោទនភាពរបស់កម្ពុជា និងក្រុមការងារតោះFund ទាំងមូល ។ ពានរង្វាន់វិស័យ ICT អាស៊ាន (AICTA) គឺជាគម្រោងដែលបានអនុម័តដោយរដ្ឋមន្រ្តីទូរគមនាគមន៍អាស៊ាន។ គម្រោងនេះលើកកម្ពស់ការច្នៃប្រឌិត និងការសហការគ្នាក្នុងចំណោម រដ្ឋាភិបាល អាជីវកម្ម ប្រជាពលរដ្ឋ និងស្ថាប័នផ្សេងទៀត ផ្ដល់ឱកាសអាជីវកម្ម និងការលើកកម្ពស់ទំនាក់ទំនងពាណិជ្ជកម្មលើកម្លាំងវិស័យ ICT នៅក្នុងតំបន់អាស៊ាន។

សូមបញ្ជាក់ផងដែរថា ពានរង្វាន់បច្ចេកវិទ្យាប្រចាំតំបន់អាស៊ីអាគ្នេយ៍ ASEAN ICT AWARD នឹងរៀបចំធ្វើឡើងនៅក្នុងប្រទេសកម្ពុជានៅឆ្នាំក្រោយ។ នេះបើតាមការឱ្យដឹងពីក្រុមតំណាងប្រទេសខ្មែរដែលទៅទទួលមេដាយនៅប្រទេសប្រ៊ុយណេ កាលពីសប្តាហ៍មុន៕


No comments:

Post a Comment