Tuesday, November 29, 2016

គ.ជ.ប ពន្យាពេលចុះឈ្មោះបោះឆ្នោត ០១ថ្ងៃ

នៅថ្ងៃទី២៩ ខែវិច្ឆិកា ឆ្នាំ២០១៦នេះ គណៈកម្មាធិការជាតិរៀបចំការបោះឆ្នោត (គ.ជ.ប ) បានបញ្ជាក់ថា ឹនឹងមានការពន្យាពេល ចុះឈ្មោះបោះឆ្នោត ០១ថ្ងៃទៀត នៅគ្រប់ឃុំ សង្កាត់ គឺបិទបញ្ចប់ត្រឹមថ្ងៃពុធ ទី៣០ ខែវិច្ឆិកា ឆ្នាំ២០១៦ ត្រឹមម៉ោង៥:៣០នាទីល្ងាច។
សូមជម្រាបថា ដំណើរការចុះឈ្មោះបោះឆ្នោតថ្មី គឺចាប់ផ្តើមពីថ្ងៃទី០១ ខែកញ្ញា ដល់ថ្ងៃទី២៩ ខែវិច្ឆិកា ឆ្នាំ២០១៦។ គ.ជ.ប បញ្ជាក់ថា ប្រជាពលរដ្ឋដែលមានអាយុ១៨ឆ្នាំឡើង ហើយមានសិទ្ធិ ចុះឈ្មោះបោះឆ្នោត មានចំនួនជាង៩.៦លាននាក់ ហើយគិតត្រឹមល្ងាចថ្ងៃទី ២៨ម្សិលមិញនេះ មានពលរដ្ឋខ្មែរដែលបានចុះឈ្មោះបោះឆ្នោត ប្រមាណជាង៨០%ហើយ៕

No comments:

Post a Comment