Friday, September 25, 2020

កិច្ចប្រជុំផ្សព្វផ្សាយសៀវភៅផែនការត្រៀមបម្រុងសម្រាប់ឆ្លើយតបសង្រ្គោះបន្ទាន់ គ្រោះមហន្តរាយ ទឹកជំនន់ និងរាំងស្ងួត

 ស្វាយរៀង៖ នៅថ្ងៃទី២៥ ខែកញ្ញា ឆ្នាំ ២០២០នេះ គណៈកម្មាធិការគ្រប់គ្រងគ្រោះមហន្តរាយខេត្តបានរៀបចំកិច្ចប្រជុំផ្សព្វផ្សាយសៀវភៅផែនការត្រៀមបម្រុងសម្រាប់ឆ្លើយតបសង្រ្គោះបន្ទាន់ គ្រោះមហន្តរាយ ទឹកជំនន់ និងរាំងស្ងួត ក្រោមការដឹកនាំរបស់លោកស្រី ឯក សុវណ្ណភារៈ អភិបាលរងខេត្តស្វាយរៀង តំណាងលោក ម៉ែន វិបុល អភិបាលខេត្ត នៃគណៈអភិបាលខេត្តស្វាយរៀង។

កិច្ចប្រជុំនេះមានការចូលរួមពីតំណាងមន្ទីរ អង្គភាព រដ្ឋបាលក្រុង ស្រុក អង្គការដៃគូ និងមន្ត្រីលេខាធិការដ្ឋាន នៃគណៈកម្មាធិការគ្រប់គ្រងគ្រោះមហន្តរាយខេត្ត សរុបវត្តមានចូលរួម ៦០នាក់ ។

នាឱកាសននោះលោកស្រីបានផ្តាំផ្ញេីដល់មន្ទីរ អង្គភាព រដ្ឋបាលក្រុង ស្រុក និងអង្គការដៃគូ នូវចំណុចមួយចំនួនដូចខាងក្រោម៖
១-ត្រូវចូលរួមសហការគ្នាអនុវត្តតាមផែនការនេះ ឲ្យទទួលបានប្រសិទ្ធភាព និងប្រសិទ្ធផលខ្ពស់ ។
២-ជំរុញដល់ប្រជាពលរដ្ឋ ចុះឈ្មោះក្នុងប្រព័ន្ធប្រកាសឲ្យដឹងមុន ១២៩៤ ដើម្បីឲ្យប្រជាពលរដ្ឋ បានទទួលព័ត៍មានអំពីស្ថានភាពគ្រោះមហន្តរាយ មុនពេលគ្រោះមហន្តរាយកើតឡើង ហើយអាច ត្រៀមបង្ការ បានទាន់ពេលវេលា ។
៣-ជំរុញដល់ក្រុង ស្រុក បញ្ចូលទិន្នន័យគ្រោះមហន្តរាយ នៅក្នុងប្រព័ន្ធ PRISM ដែលជាប្រព័ន្ធរក្សាទិន្នន័យទុកក្នុង (Database) ងាយស្រួលក្នុងការគ្រប់គ្រង និងការប្រើប្រាស់ទិន្នន័យ ។
៤-ពង្រឹងរចនាសម្ព័ន្ធ នៃគណៈកម្មាធិការគ្រប់គ្រងគណះកម្មធិការគ្រោះមហន្តរាយស្រុក ក្រុង និងឃុំ សង្កាត់ និងក្រុមការងារគ្រប់គ្រងគ្រោះមហន្តរាយថ្នាក់ភូមិ ៕





No comments:

Post a Comment