នៅថ្ងៃស្អែកនេះ សាលារាជធានីភ្នំពេញនឹងធ្វើសន្និសីទសារព័ត៌មានពីដំណើរការដោះស្រាយផលប៉ះពាល់របស់ប្រជាពលរដ្ឋនៅតំបន់បឹងកក់

រដ្ឋបាលរាជធានីភ្នំពេញ បានជូនដំណឹងដល់បណ្តាញសារព័ត៌មានជាតិ និងអន្តរជាតិ ថា រដ្ឋបាលរាជធានីភ្នំពេញនឹងរៀបចំធ្វើសន្និសីទសារព័ត៌មានជាសាធារណៈអំពីដំណើរការដោះស្រាយជូនប្រជាពលរដ្ឋរងផលប៉ះពាល់ពីគម្រោងអភិវឌ្ឍន៍តំបន់បឹងកក់។

ការធ្វើសន្និសីទសារព័ត៌មាននេះ នឹងប្រព្រឹត្តទៅនៅថ្ងៃទី២៧ ខែមេសា ឆ្នាំ២០១៧ ស្អែកនេះ នៅវេលាម៉ោង ១៤ និង៣០នាទីរសៀលនៅសាលារាជធានីភ្នំពេញ សាលប្រជុំអគារសាងសង់ថ្មីជាន់ទី១។