កំពង់ឆ្នាំង៖ នៅថ្ងៃទី១៨ ខែធ្នូ ឆ្នាំ២០១៩ លោក លី សុភា ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ឆ្នាំង រួមជាមួយថ្នាក់ដឹកនាំមន្ទីរ និងការិយាល័យ បានអញ្ជើញសាកសួរសុខទុក្ខ និងនាំយកថវិកាជូនលោក កែវ វង្សតារា ប្រធានការិយាល័យ ដ.ន.ស.ភ ស្រុកជលគីរី ដែលកំពុងសម្រាកព្យាបាលជំងឺនៅគេហដ្ឋាន។
ឆ្លៀតក្នុងឱកាសនោះដែរ លោក លី សុភា ប្រធានមន្ទីរ ក៏បានផ្តាំផ្ញើដល់ក្រុមគ្រួសារសូមជួយថែរក្សាអ្នកជំងឺ ព្រមទាំងសូមជូនពរលោក កែវ វង្សតារា ឆាប់ជាសះស្បើយដូចដើមវិញដើម្បីបានមកបំពេញការងារជូនជាតិមាតុភូមិឡើងវិញ។
ក្នុងពេលនោះផងដែរ លោក កែវ វង្សតារា បានបង្ហាញសេចក្ដីសមនស្សរីករាយយ៉ាងខ្លាំងចំពោះថ្នាក់ដឹកនាំ និងមន្ត្រីរាជការក្នុងមន្ទីរដែលតែងតែយកចិត្តទុកដាក់ដល់មន្ត្រីដែលមានជម្ងឺ និងបានគោរពជូនពរ លោកប្រធាន និងសហការីទាំងអស់ជួបប្រទះតែពុទ្ធពរទាំង៤ ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
No comments:
Post a Comment