វាជារឿងគួរឲ្យហួសចិត្តខ្លាំងណាស់នៅពេលដែលឧក្រិដ្ឋជនម្នាក់មានទោសរុំខ្លួន បានសន្យាឲ្យមន្ត្រីអនុវត្តច្បាប់នូវការតម្លើងប្រាក់បៀរវត្សរ៍ខ្ពស់ ប្រាក់ឧបត្ថម្ភ និងការតម្លើងឋាន្តរស័ក្តិជាដើម ក្នុងពេលដែលខ្លួនឯងបានប្រព្រឹត្តខុសច្បាប់ ហើយរត់យករួចខ្លួនទៅរស់នៅសោយសុខឯស្រុកបារាំង។ ទោះមិននិយាយចំឈ្មោះគេដឹងជាទូទៅថា ឧក្រិដ្ឋជន សម រង្ស៊ី ដែលច្បាប់កម្ពុជាកំពុងតាមរកមុខដូចបូស បានចេញវីដេអូឃ្លីបជាបន្តបន្ទាប់ ញុះញង់ បំផុសបំផុសទឹកចិត្តមហាជន និងទិញទឹកចិត្តកងកម្លាំងប្រដាប់អាវុធឲ្យបែរចុងកាណុងធ្វើរដ្ឋប្រហារផ្តួលរំលំរដ្ឋាភិបាលស្របច្បាប់ ដែលកើតចេញពីការបោះឆ្នោតមានប្រជាពលរដ្ឋទូទាំងប្រទេសជាង ៨៣% បានចេញទៅបោះឆ្នោត។
គិតត្រឹមថ្ងៃនេះ ឧក្រិដ្ឋជន សម រង្ស៊ី មេឧទ្ទាមក្រៅច្បាប់មានទោសមិនតិចជាង ១០ទេ ហើយរត់គេចខ្លួនមិនហ៊ានប្រឈមចំពោះមុខច្បាប់។ បើឧក្រិដ្ឋជនរូបនេះ កំពុងរត់គេចពីសំណាញ់ច្បាប់ ហេតុអ្វីបានជាអួតអាងឲ្យបុណ្យស័ក្តិ ឋានៈតួនាទី និងការតម្លើងប្រាក់បៀវរត្សរ៍ ប្រាក់ឧបត្ថម្ភ ដល់កងកម្លាំងប្រដាប់អាវុធទៅវិញ?(Sic)
ជាការពិតណាស់ នេះគឺជាល្បិចដ៏រាក់កំផែលរបស់ឧក្រិដ្ឋជនជំនាញខាងញុះញង់ គឺធ្វើនំអត់ម្សៅ។ ទណ្ឌិតរូបនេះ ភ្លេចគិតថា ខ្លួនគឺជាមុខសញ្ញាដ៏សំខាន់របស់មន្ត្រីអនុវត្តច្បាប់ និងកងកម្លាំងប្រដាប់អាវុធគ្រប់ប្រភេទកំពុងស្វែងរកចាប់ខ្លួនបំផុត។ ម្យ៉ាងវាគ្មានហេតុផលអ្វីដែលកងកម្លាំងប្រដាប់អាវុធ ដែលកំពុងបំពេញតួនាទីបានយ៉ាងល្អក្នុងការថែរក្សាការពារសុខសន្តិភាព សុវត្ថិភាពសង្គម និងភាពសុខសាន្តរបស់ប្រជាពលរដ្ឋ ត្រូវងើបបះបោរប្រឆាំងរដ្ឋាភិបាល តាមការញុះញង់របស់ក្រុមឧទ្ទាមក្រៅច្បាប់នោះដែរ ពោលគឺគេមិនចាក់អង្ករ យកអង្កាមនោះឡើយ។
ឧក្រិដ្ឋជន សម រង្ស៊ី ជាអ្នកនយោបាយម្នាក់ខ្សោយខាងយុទ្ធសាស្ត្រ មានគំនិតខ្លី គ្មានសមត្ថភាពដឹកនាំបក្សមួយឲ្យបានល្អផង គឺផ្ទៃក្នុងបក្សមានការបែកបាក់ជាចំរៀកៗដែលមិនអាចផ្សះផ្សាបាន កុំថាឡើយចង់ឡើងដឹកនាំប្រទេសតាមរបៀបប្រជាភិថុតិបែបនេះ។ ឧក្រិដ្ឋជនរូបនេះត្រូវដឹងថា ប្រមុខរាជរដ្ឋាភិបាលកម្ពុជាលោកនាយករដ្ឋមន្ត្រី ហ៊ុន សែន ជាអ្នកបង្កើតកងទ័ព ថែរក្សាកងទ័ព និងជាអ្នកទំនុកបម្រុងកងទ័ពយ៉ាងយកចិត្តទុកដាក់។ ជាក់ស្តែង កងទ័ពគ្រប់ប្រភេទដែលបានដាក់ពង្រាយនៅតាមតំបន់ព្រំដែននានារបស់កម្ពុជាជាមួយប្រទេសជិតខាង គឺរង់ចាំចាប់ខ្លួនឧក្រិដ្ឋជន សម រង្ស៊ី និងគូកន ដែលវិលត្រឡប់ចូលស្រុកដើម្បីធ្វើរដ្ឋប្រហារផ្តួលរំលំរដ្ឋាភិបាល និងផ្លាស់ប្តូររបប ក្រោមលេសស្តារលទ្ធិប្រជាធិបតេយ្យ និងសិទ្ធិមនុស្ស។
ដូចគ្នានេះដែរ ប្រជាពលរដ្ឋបច្ចុប្បន្នកំពុងរស់នៅក្នុងសុខសន្តិភាព ស្ថិរភាពនយោបាយ និងកំពុងបំពេញកាតព្វកិច្ចប្រចាំថ្ងៃ គឺធ្វើការ រកស៊ី សិក្សារៀនសូត្រ គ្មានពេលទំនេរស្តាប់តាមការញុះញង់របស់ក្រុមឧក្រិដ្ឋជនស្រេកឃ្លានអំណាចចង់ធ្វើរដ្ឋប្រហារបំផ្លាញសេចក្តីសុខរបស់ពួកគាត់ទេ។ ពួកគេខ្វល់អំពីជីវភាពរស់នៅប្រចាំថ្ងៃ ពួកគេខ្វល់ថា តើនៅក្នុងឱកាសបុណ្យជាតិខាងមុខនេះ គួរធ្វើដំណើរកំសាន្តទៅទីកន្លែងណាដែលសប្បាយ ក្នុងស្រុក ឬក្រៅប្រទេស ពួកគេមិនយកខ្លួនទៅប្រឡាក់ប្រឡូសធ្វើរឿងក្បត់ជាតិតាមឧក្រិដ្ឋជន សម រង្ស៊ី និងគូកនឡើយ។ បទពិសោធន៍មានស្រាប់ហើយ អំពើកុប្បកម្មដ៏ហិង្សានៅផ្លូវវេងស្រេង ស្ពានអាកាសក្បាលថ្នល់ដឹកនាំដោយក្រុមប្រឆាំងកាលពីដើមឆ្នាំ២០១៤ មានស្លាប់ និងរបួស តើអ្នកណាទទួលខុសត្រូវ ទណ្ឌិត សម រង្ស៊ី និងបក្ខពួកមែនទេ? មិនមែនទេ គឺមានតែខ្លួនឯង និងក្រុមគ្រួសារផ្ទាល់ប៉ុណ្ណោះ។ ហេតុដូច្នេះហើយ ប្រជាពលរដ្ឋមិនត្រឹមតែមិនចូលរួមទេ គឺថែមទាំងគាំទ្រចំណាត់ការណ៍ផ្លូវច្បាប់របស់រាជរដ្ឋាភិបាលពេញទំហឹងទៀតផងក្នុងការថែររក្សាសុខសន្តិភាព ស្ថិរភាពនយោបាយ និងការអភិវឌ្ឍន៍។
គួរកត់សម្គាល់ថា ការធ្វើនយោបាយរបស់ឧក្រិដ្ឋជនរូបនេះ តាំងពីដើមទីមកគ្មានសមិទ្ធផលអ្វីបន្តិចទាល់តែសោះជូនជាតិមាតុភូមិ ក្រៅតែពីការញុះញង់ បំបែកបំបាក់ជាតិ បន្តុះបង្អាប់ជាតិសាសន៍ឯង ដើរអង្វរបរទេសកុំមកវិនិយោគ កុំផ្តល់ជំនួយ និងកុំទិញទំនិញពីកម្ពុជា ដែលទង្វើ និងសកម្មភាពរបស់ឧក្រិដ្ឋជនរូបនេះមិនស័ក្តិសមកើតជាជនជាតិខ្មែរទេ។
គេនៅចាំបានថា ឧក្រិដ្ឋជនរូបនេះធ្លាប់បានសន្យាកាត់ដីខ្មែរចំនួន ៤ខេត្ត នៅភូមិភាគឦសានប្រទេសទៅឲ្យជនជាតិភាគតិចយួនដេហ្កា ឬម៉ុងតាញ៉ា ប្រសិនបើរូបគេបានឡើងកាន់អំណាច។ មិនទាន់បានឡើងកាន់អំណាចផង ឧក្រិដ្ឋជន សម រង្ស៊ី ថ្លើមពាសមេឃ ហ៊ានកាត់ដីខ្មែរឲ្យជនជាតិភាគតិចយួនដេហ្កា ចុះទម្រាំបានឡើងកាន់អំណាច តើឧក្រិដ្ឋជនរូបនេះ នឹងធ្វើទង្វើក្បត់ជាតិអ្វីខ្លះទៀតចំពោះជាតិ និងប្រជាជនដ៏កំសត់មួយនេះ។
សរុបមកវិញ ឧក្រិដ្ឋជន សម រង្ស៊ី និងគូកន គ្មានតម្លៃអ្វីសម្រាប់ជាតិ និងប្រជាជនកម្ពុជាទេ។ ប្រទេសកម្ពុជានឹងបន្តបានភាពសុខសាន្ត បើគ្មានវត្តមានក្រុមជនក្បត់ជាតិទាំងអស់នេះនៅក្នុងស្រុក។ ទោះយ៉ាងណាជីវិតនយោបាយរបស់ឧក្រិដ្ឋជន សម រង្ស៊ី និងគូកន នឹងត្រូវបញ្ចប់ក្នុងពេលដ៏ខ្លីខាងមុខនេះ គឺនៅថ្ងៃទី៩ ខែវិច្ឆិកា ឆ្នាំ២០១៩ ពីព្រោះថា បើមិនចូលស្រុក គឺបាត់បង់អ្នកគាំទ្រ ហើយសកម្មជនដែលធ្លាប់គាំទ្រ បាត់បង់ជំនឿលែងគាំទ្រទៀតហើយ។ បើចូលស្រុកជម្រើសមានតែពីរប៉ុណ្ណោះ ទី១.ត្រូវសមត្ថកិច្ចចាប់វៃខ្នោះ បោះចូលឡានដឹកយកទៅញាត់គុកនៅកន្លែងណាមួយ អាចគុកព្រៃស គុកត្រពាំងថ្លុង ឬគុកនៅខេត្តណាក៏បាន (Every where) ហើយបញ្ចប់ជីវិតក្នុងគុកតែម្តងដោយសារវ័យចាស់។ ទី២.អាចត្រូវបាតដៃទី៣ សម្លាប់ ពេលឧក្រិដ្ឋជនរូបនេះជាន់ដីកម្ពុជា៕
ដោយ៖ សេង កំពូល
No comments:
Post a Comment