សម្តេចតេជោ ហ៊ុន សែន៖ មេបក្សសង្គ្រោះជាតិ អស់អីនិយាយហើយ ទើបវិលទៅរកប្រធានបទចាស់

សម្តេចតេជោ ​ ហ៊ុន សែន​ នាយករដ្ឋមន្រ្តី ​នៃព្រះរាជាណាច​ក្រកម្ពុជា​ នៅព្រឹកថ្ងៃទី​ ២៦ ខែសីហា ​ឆ្នាំ២០១៥នេះ ​នៅក្នុងពិធី​ប្រកាសផ្សព្វផ្សាយ ​អំពីគោលន​យោបាយអភិ​វឌ្ឍន៍វិស័យឧស្សាហកម្ម​ នៅកម្ពុជាឆ្នាំ​២០១៥​-២០២៥ ​ដែលធ្វើឡើង​នៅវិមានសន្តិភាព​ បានមានប្រសាសន៍ថា ​«ឥឡូវអស់អីនិ​យាយហើយ ​វិលមករឿងដើម​ដដែល ​"លួចសន្លឹកឆ្នោត"​ ស្អី ហើយចុះ​បើលួចសន្លឹក​ឆ្នោត ម៉េចក៏​ខំចូលសភា!​ ឥឡូវចេញទៅ​វិញទៅ! ​គេបបួល​ស្បថមិនព្រមស្បថទេ ​ឥឡូវស្បថឱ្យ​រន្ទៈបាញ់»​។

សម្តេចតេជោ ​ហ៊ុន ​សែន ​បានលើកឡើងថា ​បន្ទាប់ពីកប់​យោបល់រឿងមួ​លបង្កាច់រាជ​រដ្ឋាភិបាលថាប្រើផែន​ទីក្លែងក្លាយនោះ ​មេបក្សសង្គ្រោះជាតិ​ ឯកឧត្តម​ សម រង្ស៊ី ​បានវិល​ត្រឡប់ទៅរកប្រ​ធានបទដើម ​ដែលបន្ទាប់​ពីបោះឆ្នោតជាតិ​ ឆ្នាំ២០១៣ ​អាណត្តិទី៥រួច​ ហើយដឹងថាខ្លួនចា​ញ់នោះ ​បានចោទ​ប្រកាន់ថា​ គណបក្ស​ប្រជាជនកម្ពុជាលួ​ចសន្លឹកឆ្នោត។ ​សម្តេចបានចាត់ទុ​កថានេះប​ង្ហាញពីភាព​ក្រឡិចក្រឡុច​របស់ ​មេបក្សសង្គ្រោះជាតិ។​

ឯកឧត្តម​ សម ​រង្ស៊ី ប្រធាន​គណបក្សសង្រ្គោះជាតិ​ កាលពីថ្ងៃ​ទី២៣ ​ខែសីហា ​ឆ្នាំ២០១៥ កន្លងទៅ ​បានិយាយទៅកាន់​ប្រជាពលរដ្ឋខ្មែរ​ នៅប្រទេសអូស្តាលី ​ដោយចោទ​រដ្ឋាភិបាលកម្ពុជាថា ​ជាអ្នកលួច​សន្លឹកឆ្នោត ​កាលពីឆ្នាំ២​០១៣។ ​មេបក្សប្រឆាំង​រូបនេះបញ្ជាក់ថា ​បើគ្មានការលួ​ចបន្លំសន្លឹ​កឆ្នោតកាលពី​ឆ្នាំ២០១៣ទេនោះ ​គណបក្សសង្រ្គោះជាតិ​ នឹងឈ្នះ គណបក្សប្រ​ជាជនកម្ពុជា​ដាច់តែម្តង។​

ទោះជាយ៉ាងណា ​ការលើក​ឡើងបែបនេះ ​មិនមែនជាលើក​ទីមួយទេ ​គឺគណបក្ស​ប្រឆាំងដែលដឹក​នាំដោយ ​ឯកឧត្តម​ សម រង្ស៊ី ​តែងតែប្រតិកម្ម ​និងមិនដែលព្រ​មទទួលយក​លទ្ធផលបោះឆ្នោតជានិច្ច​ បន្ទាប់ពីពួក​គេចាញ់ឆ្នោតនោះ។ ​គួរបញ្ជាក់ថា ​ការបោះឆ្នោតជា​តិជ្រើសតាំង តំណាងរា​ស្រ្តអាណត្តិទី៥ ​ដែលធ្វើឡើង​កាលពីខែកក្កដា ​ឆ្នាំ២០១៣នោះ ​គណបក្សប្រជាជនកម្ពុជា​ ទទួលបាន​៦៨កៅអី ​ហើយគណបក្ស​សង្រ្គោះជាតិ​ ទទួលបាន​៥៥កៅអី៕