ជាថ្មីម្តងទៀត
អនុប្រធានគណបក្សសង្គ្រោះជាតិ ឯកឧត្តម កឹម សុខា កាលពីថ្ងៃទី ២១ ខែមេសា ឆ្នាំ២០១៥ នៅឯខេត្តបាត់ដំបង បានលើកឡើងថា
ឯកឧត្តមនឹងរក្សាជំហរចង់ឲ្យមានការផ្លាស់ប្តូរ ហើយឯកឧត្តម កឹម សុខា ក៏បានចោទថា
ប្រមុខរាជរដ្ឋាភិបាលបច្ចុប្បន្ន គឺកំពុងដឹកនាំប្រទេសតាមបែបកុម្មុយនីស្ត
ផ្តាច់ការ ទាក់ទងនឹងការលើកឡើងនេះ ឯកឧត្តម
ទិត សុធា អនុប្រធាន និងជាអ្នកនាំពាក្យអង្គភាពព័ត៌មាន និងប្រតិកម្មរហ័សនៃទីស្តីការគណៈរដ្ឋមន្ត្រី
បានចាត់ទុកថា ឯកឧត្តម កឹម សុខា ថាកំពុងផ្គើនប្រឆាំងវប្បធម៌សន្ទនា និងជាអ្នកនយោបាយជ្រុលនិយម។
ឯកឧត្តម ទិត សុធា បានលើកឡើង ការបន្តរិះគន់របស់
ឯកឧត្តម កឹម សុខា ចំពោះបក្សកាន់អំណាចថា ផ្តាច់ការ និងកុម្មុយនីស្ត គឺមានចេតនាធ្វើឲ្យស្ថានការណ៍នយោ បាយឡើងកំដៅ ដោយការនិយមជ្រើសយកវប្បធម៌ហិង្សា គំនុំ
និងសងសឹក ខណ:ផ្ទៃក្នុងបក្សប្រឆាំងខ្វែងគំនិ តគ្នារវាងមេបក្សគាំទ្រវប្បធម៌ សន្ទនា អនុប្រធានបក្សប្រឆាំងវប្បធម៌នេះ និងញុះញង់ឲ្យមានហិង្សាជាថ្មី។
ឯកឧត្តម ទិត សុធា បានបន្តថា បុគ្គលគ្រប់រូបទាំងអ្នកនយោបាយក៏ដូចជាពលរដ្ឋធម្មតា
ធ្វើសកម្មភាពអ្វីមួយ គួរស្ថិតនៅក្រោមក្របខណ្ឌច្បាប់ ក៏ប៉ុន្តែសំរាប់សំដីរបស់
ឯកឧត្តម កឹម សុខា ដែលថារក្សាជំហរដដែល គឺនៅក្នុងការផ្លាស់ប្តូរ យើងឃើញថា នេះគឺជាពាក្យឃោសនារបស់
ឯកឧត្តម កឹម សុខា ក៏ប៉ុន្តែការផ្លាស់ប្តូរណាមួយ ដែលនាំឲ្យមានមហន្តរាយដល់សង្គមជាតិ
រឺមួយក៏ជាការផ្លាស់ប្តូរណាមួយ ដែលប្រើកំលាំងផ្លូវកាត់ បានន័យថាបំពានលើរដ្ឋធម្មនុញ្ញ
ការផ្លាស់ប្តូរនោះគឺស្ថិតនៅក្នុងវិធានការនៃច្បាប់។
ឯកឧត្តម ទិត សុធា បានគូសបញ្ជាក់ថា នៅក្នុងដំណាក់កាលដែល
ឯកឧត្តម កឹម សុខា កំពុងស្ថិតនៅក្នុងនីតិវិធី នៃការស៊ើបអង្កេតសួរនាំ
ដំណើរការផ្លូវច្បាប់នៅឡើយ ខ្ញុំយល់ថា ការផ្គើនចំពោះនីតិវិធីផ្លូវច្បាប់ វាជារឿងមួយរបស់អ្នកនយោបាយជ្រុលនិយម។
បើទោះជាគេមិនទាន់ដឹងថា តុលាការ នឹងចាត់ការយ៉ាងណាចំពោះ ឯកឧត្តម កឹម សុខា
នៅឡើយនោះ ឯកឧត្តម ពន្យល់ថា ការចាត់វិធានការផ្លូវច្បាប់ណាមួយ វាស្រ័យទៅលើសកម្មភាពជាក់ស្តែងរបស់គាត់បន្តទៅមុខទៀត
ថាតើបន្ទាប់ពីគាត់បាននិយាយថា និងបន្តចលនាផ្លាស់ប្តូរនេះតើគាត់នឹងធ្វើសកម្មភាពអ្វីទៀត
ជាសកម្មភាពញុះញុងបង្កចលាចលនាំឲ្យសង្គមវឹកវររឺមួយក៏គ្រាន់តែជាសារនយោបាយដើម្បីសំយ៉ែញ
ទាញទឹកចិត្តមហាជនឲ្យមានការយល់ច្រឡំថាគាត់ពិតជាមាន មហិច្ឆតាទៅមុខទៅនឹងបានជាគណបក្សមួយដែលអាចដឹកនាំប្រទេសបាន។ ឯកឧត្តម បន្តថា ក៏ប៉ុន្តែសំរាប់ប្រជាពលរដ្ឋ នៅក្នុងយុគសម័យនេះគឺគេមិនជឿទៅលើអ្វីដែលគាត់គ្រាន់តែឃោសនាបោកប្រាស់ប៉ុណ្ណឹងគេជឿតាមនោះទេ
គឺសំខាន់ប្រជាពលរដ្ឋគាត់យល់ថាអ្វីដែលជាអត្ថប្រយោជន៍ពិតប្រាកដដល់រូបគាត់
ដែលគណបក្សណា ផ្តល់ឲ្យគាត់នោះ។
អត្ថបទ៖ ច័ន្ទ ទេវី
No comments:
Post a Comment