ក្រុមគ្រូពេទ្យស្ម័គ្រចិត្តរបស់លោកនាយករដ្ឋមន្រ្តី ហ៊ុន សែន បន្ត​ចុះ​ព្យាបាល​ជូនប្រជាពល​រដ្ឋ​ដោយ​ឥគិត​ថ្លៃ​ជាង ៣០០០​នាក់ ក្នុង​ឃុំតាលោ ស្រុក​បាកាន

ពោធិ៍សាត់៖ ថ្ងៃទី១៤ ខែកក្កដា ឆ្នាំ២០១៨នេះ ក្រុមគ្រូពេទ្យស្ម័គ្រចិត្តរបស់លោកនាយករដ្ឋមន្ត្រី ហ៊ុន សែន បានបន្តចុះព្យាបាលជំងឺជូនប្រជាពលរដ្ឋដោយឥគិតថ្លៃជាង ៣០០០​នាក់ នៅអនុវិទ្យាល័យរហាទិលថិត ក្នុងភូមិរហាទិល ឃុំតាលោ ស្រុកបាកាន ខេត្តពោធិ៍សាត់។

ដោយសារថាតំបន់ខាងលើនេះ ជាតំបន់ដាច់ស្រយាល ហើយក៏ជាកន្លែងសមរភូមិក្ដៅកាលពីជាង ៣០ឆ្នាំមុន ទើបតែនៅឆ្នាំ១៩៩៨ ក្រោមគោលនយោបាយឈ្នះ ឈ្នះ របស់លោកនាយករដ្ឋមន្ត្រី ហ៊ុន សែន ទើបតំបន់នេះទទួលបានសន្តិភាពពេញលេញ ប្រជាពលរដ្ឋរស់នៅបានសុខស្រួលសប្បូរសប្បាយ។ គួរបញ្ជាក់ថា លោកនាយករដ្ឋមន្ត្រី ហ៊ុន សែន ជាបន្តបន្ទាប់បានអោយក្រុមគ្រូពេទ្យស្ម័គ្រចិត្ត ទៅព្យាបាលជំងឺជូនប្រជាពលរដ្ឋដោយមិនគិតថ្លៃដល់ទីកន្លែងគ្រប់ភូមិឃុំ៕