ព្រឹទ្ធសភា នឹងបើកកិច្ចប្រជុំពេញអង្គ នៅថ្ងៃទី២៩ មិថុនា ដើម្បីប្រកាសទទួលស្គាល់សមាជិកព្រឹទ្ធសភាថ្មី

ព្រឹទ្ធសភា នឹងបើកសម័យប្រជុំពេញអង្គ នៅថ្ងៃទី២៩ ខែមិថុនា ឆ្នាំ២០១៧ ខាងមុខនេះ ក្រោមអធិបតីភាព លោក សាយ ឈុំ ប្រធានព្រឹទ្ធសភា ដោយពិភាក្សាលើរបៀបវារៈចំនួន២ នេះបើតាមការប្រកាសរបស់អគ្គលេខាធិការដ្ឋានព្រឹទ្ធសភានៅថ្ងៃទី២៧ ខែមិថុនា ឆ្នាំ២០១៧នេះ។

អគ្គលេខាធិការដ្ឋានព្រឹទ្ធសភា បានអោយដឹងថា របៀបវារៈ២នោះ រួមមាន៖
១៖ ការប្រកាសទទួលស្គាល់សមាជិកព្រឹទ្ធសភាថ្មី
២៖ ពិនិត្យ និងអោយយោបល់លើសេចក្តីស្នើច្បាប់ ស្តីពីការបោះឆ្នោតជ្រើសតាំងសមាជិកព្រឹទ្ធសភា៕