នាថ្ងៃទី២៦ ខែមករា ឆ្នាំ២០១៦នេះ សម្តេចនាយករដ្ឋមន្ត្រី ហ៊ុន សែន
បានបង្ហោះនៅក្នុងទំព័រ Facebook ផ្លូវការផ្ទាល់សម្តេចដែលមានឈ្មោះថា Samdach Hun Sen
Cambodian Prime Minister ដោយបានប្រៀបធៀបពីរបប
ប៉ុល ពត នៅឆ្នាំ១៩៧៩ និងការអភិវឌ្ឍន៍កម្ពុជាសព្វថ្ងៃ ដែលការប្រៀបធៀបនោះមានខ្លឹមសារទាំងស្រុងដូចតទៅ
ទីក្រុងភ្នំពេញយើងសព្វថ្ងៃ គឺជនរួមជាតិប្រាកដជាបានឃើញពីការរីកចម្រើននៅនឹងភ្នែកស្រាប់។
ទន្ទឹមនឹងការរីកលូតលាស់ គឺរាជរដ្ឋាភិបាលខិតខំកែរសម្រួលរៀបចំប្រព័្ឋទីក្រុងអោយមានលក្ខណៈកាន់តែល្អប្រសើរឡើង។
តែទោះបីយ៉ាងណាក៏ការអភិវឌ្ឍន៍នៅក្នុងទីក្រុងគឺប្រឈមនឹងបញ្ហាមួយចំនួនដែលត្រូវកែរលម្អរជាបន្តបន្ទាប់ទាំងនៅពេលនេះ
និងទៅអនាគត។
ខ្ញុំចងចាំបានច្បាស់ណាស់ កាលពីយើងរំដោះទីក្រុងភ្នំពេញបានពីររបបប៉ុលពត
នៅឆ្នាំ ១៩៧៩ ដែលទីនេះគឺជាទីក្រុងខ្មោចស្ងាត់ជ្រងំ
យើងក្រលេកមើលទីក្រុងភ្នំពេញសព្វថ្ងៃ ដែលមានកំណើនប្រជាពលរដ្ឋឡើងជិតដល់
២ លាននាក់ និងកំណើនលំនៅដ្ឋាន យានយន្តមធ្យោបាយធ្វើដំណើរគ្រប់ធន់ គ្រឹះស្ថានសិក្សាអប់រំគ្រប់កម្រិត
និងកំណើនមុខរបរ និងប្រាក់ចំណូលដែលធ្វើអោយពលរដ្ឋមានជីវភាពរស់នៅកាន់តែប្រសើរថ្នៃថ្នូរ។
កត្តាទាំងអស់នេះ គឺបានជួយជំរុញសេដ្ឋកិច្ជាតិអោយមានសន្ទុះរីកចម្រើនព្រមគ្នា។
ទោះបីទីក្រុងយើងរីកចម្រើនបែបនេះក្តី ក៏ប៉ុន្តែចំពោះបុគ្គលមួយចំនួនតូចគឺមិនបានឃើញពីភាពរីកច្រើននេះទេ។
ព្រោះពួកគេមិនបានឆ្លងកាត់ការតស៊ូលំបាកវេទនាក្នុងការកសាងទីក្រុងពីក្រោមចំណុចសូន្យរហូតមកទល់ពេលនេះ។
ហើយម៉្យាវិញទៀត ពីព្រោះពួកគេក៏មិនដែលបានកសាងទីក្រុងអ្វីដែរ។ ដូច្នេះគេមិនបានដឹងអំពីការរីកចម្រើពិតប្រាកដមែន។
ខ្ញុំបន្តដឹកនាំ និងខិតខំកសាងទីក្រុង និងប្រទេសជាតិយើងទាំងមូលអោយកាន់តែរីកលូតលាស់លឿនទៅមុខ
ជាមួយនិងការចូលរួមរបស់ជនរួមជាតិ និងយុវជនទូទាំងប្រទេស៕
No comments:
Post a Comment