អភិបាលរងខេត្តកំពង់ឆ្នាំង បានជួបប្រជុំជាមួយគណៈប្រតិភូអង្គការកុមារអាស៊ីប្រចាំប្រទេសកម្ពុជា តាមប្រព័ន្ធវីដេអូ ដោយប្រើប្រាស់ថ្នាលបច្ចេកវិទ្យាព័ត៌មាន ZOOM

កំពង់ឆ្នាំង៖ នៅថ្ងៃទី២០ ខែកញ្ញា ឆ្នាំ២០២១ លោក នៃ ចារី អភិបាលរងខេត្តកំពង់ឆ្នាំង បានជួបប្រជុំជាមួយគណៈប្រតិភូអង្គការកុមារអាស៊ីប្រចាំប្រទេសកម្ពុជា តាមប្រព័ន្ធវីដេអូអនឡាញ ដោយប្រើប្រាស់ថ្នាលបច្ចេកវិទ្យាព័ត៌មាន ZOOM។ 

ក្នុងជំនួបនេះអង្គការកុមារអាស៊ីប្រចាំប្រទេសកម្ពុជា បានជម្រាបពីគោលបំណងដើម្បីបញ្ចប់ការគាំទ្ររបស់អង្គការ ជាមួយមណ្ឌលកុមារកំព្រាខេត្តកំពង់ឆ្នាំង នាខែធ្នូ ឆ្នាំ២០២១ខាងមុខនេះ។ 

ឆ្លៀតក្នុងឱកាសនោះផងដែរ លោក នៃ ចារី ក៏បានពាំនាំនូវការផ្តាំផ្ញើសាកសួរសុខទុក្ខ និងថ្លែងអំណរគុណរបស់ លោក ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង ជូនចំពោះអង្គការកុមារអាស៊ីប្រចាំប្រទេសកម្ពុជា ដែលកន្លងមកតែងតែជួយឧបត្ថម្ភគាំទ្រជាសម្ភារៈ ថវិកា ស្មារតី ដល់មណ្ឌលកុមារកំព្រាខេត្តកំពង់ឆ្នាំង ៕