ត្បូងឃ្មុំ៖នៅថ្ងៃទី២០ ខែកញ្ញា ឆ្នាំ២០២១លោក ជាម ច័ន្ទសោភ័ណ អភិបាលនៃគណៈអភិបាលខេត្តត្បូងឃ្មុំ បានទទួលអំណោយដ៏ថ្លៃថ្លារបស់លោកនាយករដ្ឋមន្ត្រី ហ៊ុន សែន និងលោកស្រី ប៊ុន រ៉ានី ហ៊ុន សែន តាមរយៈអ្នកឧកញ៉ា ឡេង ណាវ៉ាត្រា ប្រគល់ជូនដល់រដ្ឋបាលខេត្តត្បូងឃ្មុំ។
អំណោយទាំងអស់រួមមាន អង្ករ២០តោន ម៉ាស១០០,០០០ម៉ាស អាល់កុល១,០០០លីត្រ ផ្លែតាង៉ែន (មៀនប៉ៃលិន) ០៥ តោន និងថវិកា ១០០លានរៀល ដើម្បីជាការលើកទឹកចិត្ត និងចូលរួមជួយជំរុញឲ្យរដ្ឋបាលខេត្ត បន្តអនុវត្តន៍វិធានការនានាលើការងារទប់ស្កាត់ការឆ្លងរីករាលដាលជំងឺកូវីដ១៩ ក្នុងសហគមន៍។
ស្ថិតក្នុងឱកាសនោះលោក ជាម ច័ន្ទសោភ័ណ ក្នុងនាមមន្ត្រីរាជការ កងកម្លាំងននិងប្រជាពលរដ្ឋទូទាំងខេត្តត្បូងឃ្មុំ បានថ្លែងអំណរគុណយ៉ាងជ្រាលជ្រៅបំផុត ដល់នាយករដ្ឋមន្ត្រី ហ៊ុន សែន និងលោកស្រី ប៊ុន រ៉ានី ហ៊ុន សែន ដែលបានផ្ដល់អំណោយដ៏ថ្លៃថ្លាតាមរយៈអ្នកឧកញ៉ា ឡេង ណាវ៉ាត្រា ផ្ដល់ជូនរដ្ឋបាលខេត្តនាពេលនេះ សម្រាប់ប្រើប្រាស់ក្នុងយុទ្ធនាការបង្ការទប់ស្កាត់ជំងឺកូវីដ១៩៕
No comments:
Post a Comment