អំណោយដ៏ថ្លៃថ្លារបស់លោកនាយករដ្ឋមន្រ្តី ហ៊ុន សែន និងលោកស្រី កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ត្រូវបានផ្តល់ដល់ប្រជាពលរដ្ឋពិការជើងដោយសារឆក់ខ្សែភ្លើង

បន្ទាយមានជ័យ ៖ នាថ្ងៃទី២០ ខែកញ្ញា ឆ្នាំ២០២១ លោក អ៊ុ រាត្រី អភិបាលខេត្តបន្ទាយមានជ័យ និង លោក ប៉ាន់ខែម ប៊ុនថន នាយករងខុទ្ទកាល័យលោកនាយករដ្ឋមន្រ្តី ហ៊ុន សែន នាយករដ្ឋមន្ត្រី បាននាំយកអំណោយដ៍ថ្លៃថ្លារបស់ លោកនាយករដ្ឋមន្រ្តី ហ៊ុន សែន និង លោកស្រីកិត្តិព្រឹទ្ធបណ្ឌិត ផ្តល់ជូនប្រជាពលរដ្ឋឈ្មោះ នួន ថា អាយុ ៤៨ ភូមិតាសៀវ ឃុំគោកកឋិន ស្រុកថ្មពួក ខេត្តបន្ទាយមានជ័យ ពិការជើងដោយសារឆក់ខ្សែភ្លើង។

អំណោយរួមមាន រទេះរុញ ១គ្រឿង ថវិកា ២ ០០០ ០០០រៀល អង្ករ ៦០ គីឡូក្រាម មី ៥កេស ទឹកសុីអុីវ៥យួរ ទឹកត្រី៥យួរ ត្រីខ៥យួរ ម៉ាស ៤០០ ម៉ាស ទឹកបរិសុទ្ធ ៣កេស និងផ្លែមៀន១កេស។

ប្រជាពលរដ្ឋទទួលបានអំណោយ និងគ្រួសារទាំងអស់ សូមគោរពថ្លែងអំណរគុណដឹងគុណ និងជូនពរលោកនាយករដ្ឋមន្រ្តី ហ៊ុន សែន និងលោកស្រីកិត្តិព្រឹទ្ធបណ្ឌិត ព្រមទាំងបុត្រាបុត្រីចៅៗ សូមប្រកបដោយសុខភាពល្អ បរិបូរណ៍ ប្រកបដោយពុទ្ធពរទាំង៤ប្រការ អាយុ វណ្ណៈ សុខៈ ពលៈ និងជៀសឆ្ងាយពីជំងឺកដ៍កាចសាហាវ៕