លោក គួច ចំរេីន ជួបសំណេះសំណាលជាមួយក្រុមយុវជនស្ម័គ្រចិត្ត ដែលបានចូលរួមសកម្មភាពប្រយុទ្ធប្រឆាំង និងទប់ស្កាត់ការីករាលដាលនៃជំងឺកូវីដ-១៩

ព្រះសីហនុ៖ នៅថ្ងៃទី២៦ ខែកញ្ញា ឆ្នាំ២០២១ លោក  គួច  ចំរេីន  សមាជិកគណៈកម្មាធិការកណ្តាគណបក្សប្រជាជនកម្ពុជា  អនុប្រធានគណៈកម្មាធិការគណបក្សប្រជាជនកម្ពុជា  ខេត្តព្រះសីហនុ  និងជាអភិបាល  នៃគណៈអភិបាល ខេត្តព្រះសីហនុ  បានជួបសំណេះសំណាលជាមួយក្រុមយុវជនស្ម័គ្រចិត្ត ចំនួន ៨១នាក់ ដែលបានចូលរួមសកម្មភាពប្រយុទ្ធប្រឆាំង និងទប់ស្កាត់ការីករាលដាលនៃជំងឺកូវីដ-១៩ ក្នុងភូមិសាស្ត្រស្រុកស្ទឹងហាវ ខេត្តព្រះសីហនុ។ 

លោកអភិបាល ខេត្ត  បានថ្លែងការកោតសរសើរ និងវាយតម្លៃខ្ពស់ចំពោះក្រុមយុវជនស្ម័គ្រចិត្ត ដែលបានចូលរួមជាមួយរាជរដ្ឋាភិបាល និងអាជ្ញាធរខេត្ត ក្រុង ស្រុក ក្នុងការចូលរួមប្រយុទ្ធប្រឆាំង និងទប់ស្កាត់ការឆ្លងរាលដាលជំងឺកូវីដ-១៩នាពេលកន្លង។ 

ក្នុងឱកាសនោះ លោក គួច ចំរើន ក៏បានពាំនាំការផ្តាំផ្ញើសួសុខទុក្ខពីលោកនាយករដ្ឋមន្ត្រី  ហ៊ុន សែន  ជូនចំពោះក្រុមយុវជនស្ម័គ្រចិត្តរបស់យើង ដែលបានចូលរួមយ៉ាងផុល ផុសក្នុងសកម្មភាពប្រយុទ្ធប្រឆាំង និងទប់ស្កាត់ការឆ្លងរាលដាលជំងឺកូវីដ-១៩ ពិសេសក្នុងយុទ្ធនាការចាក់វ៉ាក់សាំងបង្ការជំងឺកូវីដ- ១៩។ 

ជាមួយគ្នានេះ លោក គួច ចំរើន ក៏បាននាំយកថវិការបស់លោកនាយករដ្ឋមន្ត្រី  ហ៊ុន សែន និងលោកស្រី ប៊ុន រ៉ានី ហ៊ុន សែន ឧបត្ថម្ភជូនក្រុមយុវជនស្ម័គ្រចិត្តស្រុកស្ទឹងហាវ ចំនួន៨១នាក់ ក្នុងម្នាក់ៗទទួលបានថវិកា ចំនួន២០ម៉ឺនរៀល  ៕