លោក ស៊ុយ សែម អញ្ជើញជាអធិបតី ក្នុងពិធីប្រគល់-ទទួល «សម្ភារៈ ឧបករណ៍ និងបរិក្ខារតេស្តមេរោគកូវីដ១៩

ពោធិ៍សាត់៖  លោក  ស៊ុយ សែម រដ្ឋមន្ត្រីក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាល ចុះជួយខេត្តពោធិ៍សាត់  និងលោក ម៉ៅ ធនិន អភិបាលនៃគណៈអភិបាលខេត្តពោធិ៍សាត់ នៅថ្ងៃទី២៥ ខែកញ្ញា ឆ្នាំ២០២១ បានអញ្ជើញជាអធិបតី ក្នុងពិធីប្រគល់-ទទួល «សម្ភារៈ ឧបករណ៍ និងបរិក្ខារតេស្តមេរោគកូវីដ១៩  ប្រភេទPCR ដែលផ្តល់ជំនួយដោយ ទីភ្នាក់ងារថាមពល បរមាណូអន្តរជាតិ ក្រោមគម្រោង INT0098 ជូនដល់មន្ទីរសុខាភិបាល នៃរដ្ឋបាលខេត្តពោធិ៍សាត់»។

ពិធីនេះត្រូវបានធ្វើឡើងនៅបរិវេណ ស្រុកប្រតិបត្តិសំពៅមាស ស្ថិតក្នុងភូមិពាលញែក២ សង្កាត់ផ្ទះព្រៃ ក្រុងពោធិ៍សាត់ ដោយបានការអញ្ជើញចូលរួមពី លោក លោកស្រី ជាគណៈប្រតិភូអមដំណើរ ប្រធានអនុប្រធានមន្ទីរអង្គភាពនានាជុំវិញខេត្ត កងកម្លាំងប្រដាប់អាវុធទាំង៣ ប្រធានODs និងមន្ទីរពេទ្យបង្អែក  ព្រមទាំងមន្ត្រីសុខាភិបាលជាច្រើនផ្សេងទៀត។