ស្វាយរៀង៖ នៅព្រឹកថ្ងៃទី១៦ ខែសីហា ឆ្នាំ២០២១នេះ លោក ម៉ែន វិបុល អភិបាល នៃគណៈអភិបាលខេត្ត និងជាប្រធានកិត្តិយសសមាគមអតីតយុទ្ធជនកម្ពុជាខេត្តស្វាយរៀង បានអញ្ជើញជាអធិបតីក្នុងពិធីបើកយុទ្ធនាការចាក់វ៉ាក់សាំងការពារជំងឺកូវីដ-១៩ ដូសជំរុញ(ដូសទី៣ អាស្ត្រាហ្សេនីកា) ក្នុងគោលការណ៍ស្ម័គ្រចិត្តជូនដល់សមាជិកសមាគមអតីតយុទ្ធជន និងកងកម្លាំងនៃស្នងការនគរបាលខេត្ត្តស្វាយរៀង ស្ថិតនៅសាលប្រជុំធំអគារ ឃ សាលាខេត្ត។
មានវត្តមានអញ្ជើញចូលរួមក្នុងឱកាសនោះមានលោកឧត្តមសេនីយ៍ទោ ស្នងការនគរបាលខេត្ត និងជាប្រធានសមាគមអតីតយុទ្ធជនខេត្ត លោកស្នងការរងនគរបាលខេត្ត លោកមេបញ្ជាការរងកងរាជអាវុធហត្ថខេត្ត លោកប្រធានមន្ទីរសង្គមកិច្ច អតីតយុទ្ធជន និងយុវនិតិសម្បទាខេត្ត ព្រមទាំងសមាជិកអតីយុទ្ធជន និងលោកគ្រូ អ្នកគ្រូពេទ្យជួរមុខមួយចំនួនទៀត។
លោកអភិបាលខេត្តមានប្រសាសន៍ថា ក្រោមការយកចិត្តទុកដាក់ដ៏ខ្ពង់ខ្ពស់របស់លោកនាយករដ្ឋមន្ត្រី ហ៊ុន សែន ក្នុងការកៀរគរវ៉ាក់សាំង ដើម្បីជំរុញដល់សុខុមាលភាពរបស់ប្រជាជនកម្ពុជា ទាំងមូល ក្នុងនោះខេត្តស្វាយរៀង គណៈកម្មការចំពោះកិច្ចចាក់វ៉ាក់សាំងកូវីដ-១៩ខេត្ត ក៏បានរៀបចំចាក់ដូសទី៣ ដែលជាដូសជំរុញអង់ទីគ័រក្នុងការបង្ការការឆ្លងរាលដាលនៃជំងឺកូវីដ១៩ និងមេរោគបំលែងខ្លួនថ្មី ដែលកំពុងមានវត្តមានមួយចំនួននៅខេត្តស្វាយរៀងរៀងយេីង។
លោកបន្តថា បើតាមការបញ្ជាក់របស់លោកស្រី វេជ្ជបណ្ឌិត ឱ វណ្ណឌីន បានលេីកឡេីងអំពីសារប្រយោជន៍ នៃវ៉ាក់សាំងដូស ទី៣រួមមាន៖
១. ធ្វើឱ្យអង់ទីគ័រ ប្រឆាំងជាមួយមេរោគឡើងខ្ពស់។
២. ជម្រុញឱ្យសរីរាង្គកាន់តែមាំទាំថែមទៀត។
៣.អាចការពារនិងវាយបកនៅវីរុសកូវីដ១៩។
៤. ជួយជម្រុញឱ្យខ្លួនរបស់យើងមានភាពសាំ នឹងមេរោគដែលចូល ខ្លួនយើងកុំឱ្យធ្លាក់ខ្លួនឮឈឺធ្ងន់ឬដល់ស្លាប់។ ៥. ធ្វើឱ្យក្នុងខ្លួនយើង មានប្រព័ន្ធការពារ អាចការពារ មេរោគផ្សេងៗនៅពេលដែលអ្នកឆ្លងមេរោគ លោក ក៏បានអំពាវដល់សមាជិកសមាគមអតីតយុទ្ធជនទូទាំងអស់ ក្រោយទទួលបានការចាក់សាំងការពារជំងឺកូវីដ១៩រួចហើយ ត្រូវបន្តចូលរួមប្រកាន់ភ្ជាប់នូវវិធានការ"៣ការ ពារ ៣កុំ"របស់ប្រមុខរាជរដ្ឋាភិបាលឲ្យបានខ្ជាប់ខ្ជួន៕
No comments:
Post a Comment