កំពង់ឆ្នាំង៖ លោក នួន ដាញ៉ិល រដ្ឋលេខាធិការក្រសួងឣភិវឌ្ឍន៍ជនបទ និងជាអនុប្រធានក្រុមការងារថ្នាក់កណ្តាលចុះជួយស្រុកសាមគ្គីមានជ័យ និងជាប្រធានក្រុមការងារថ្នាក់កណ្តាលចុះជួយឃុំស្វាយ និងក្រុមការងារថ្នាក់កណ្តាល កាលពីព្រឹកថ្ងៃទី១៤ ខែសីហា ឆ្នាំ២០២១ បាននាំយកនូវអង្ករចំនួន ២តោន ផ្តល់ជូនដល់រដ្ឋបាលឃុំស្វាយ សម្រាប់ត្រៀមបម្រុងទុកចែកជូនដល់ប្រជាពលរដ្ឋដែលត្រូវធ្វើចត្តាឡីស័ក្តពាក់ពន្ធ័នឹងជម្ងឺកូវីដ-១៩ នៅក្នុងឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង។
សប្បុរសជនដែលបានផ្តល់អំណោយក្នុងនោះរួមមាន៖
១. លោក នួន ដាញ៉ិល អនុប្រធានក្រុមការងារថ្នាក់កណ្តាលចុះជួយស្រុកសាមគ្គីមានជ័យ និងជាប្រធានក្រុមការងារថ្នាក់កណ្តាលចុះជួយឃុំស្វាយ ចំនួន ១ ៥០០គីឡូក្រាម។
២. លោក អ៊ុក ប្រជា អនុប្រធានក្រុមការងារថ្នាក់កណ្តាលចុះជួយស្រុកសាមគ្គីមានជ័យ ទទួលបន្ទុកឃុំស្វាយ ចំនួន ២០០គីឡូក្រាម។
៣. លោក ស្រី សុទ្ធា អនុប្រធានក្រុមការងារថ្នាក់កណ្តាលចុះជួយឃុំស្វាយ ចំនួន ២០០គីឡូក្រាម។
៤. លោក ស៊ឺ ម៉ូរ៉ាណាល់ អនុប្រធានក្រុមការងារថ្នាក់កណ្តាលចុះជួយឃុំស្វាយ ចំនួន ១០០គីឡូក្រាម។
ឆ្លៀតក្នុងឱកាសកាសនោះដែរ លោក នួន ដាញ៉ិល បានធ្វើការណែនាំដល់រដ្ឋបាលឃុំស្វាយ សូមបន្តធ្វើការផ្សព្វផ្សាយនូវវិធានការរបស់ប្រមុខរាជរដ្ឋាភិបាលកម្ពុជា គឺ៣ការពារ ៣កុំ និង ២ ចូលរួម ស្របតាមការណែនាំរបស់ក្រសួងសុខាភិបាលផងដែរ ៕
No comments:
Post a Comment