លោក ស៊ុន សុវណ្ណារិទ្ធិ ផ្តល់អំណោយជូនដល់គណបក្សប្រជាជនកម្ពុជា ឃុំបន្ទាយព្រាល សម្រាប់ចែកជូនប្រជាពលរដ្ឋដែលបានកំពុងធ្វើចត្តាឡីស័ក

កំពង់ឆ្នាំង៖ នៅទី១៥ ខែសីហា ឆ្នាំ២០២១ លោក អ៊ុន សំអុល ប្រធានក្រុមការងារថ្នាក់ខេត្ត លោក ហ៊ិន សុវ៉ាន់នី, លោក ខឹម ចាន់នឿន, លោក ឈួរ ណូរី ក្រុមការងារថ្នាក់ខេត្ត ចុះជួយឃុំបន្ទាយព្រាល បាននាំយកអំណោយ របស់លោក ស៊ុន សុវណ្ណារិទ្ធិ ប្រធានគណៈកម្មាធិការគណបក្សប្រជាជនកម្ពុជាខេត្តកំពង់ឆ្នាំង និងលោកស្រីជូនដល់គណបក្សឃុំបន្ទាយព្រាល សម្រាប់ចែកជូន ប្រជាពលរដ្ឋដែលបានកំពុងធ្វើចត្តាឡីស័ក និងជួបការលំបាកខ្លាំងក្នុងបរិបទកូវីដ-១៩ នៅក្នុងឃុំ។

សម្ភារៈដែលបាននាំយកទៅប្រគល់ជូនរួមមាន៖ អង្ករ ៥០០ គីឡូក្រាម, មី ២០ កេស, ទឹកបរិសុទ្ធ ២០ កេស, ទឹកស៊ីអ៊ីវ ២០ យួរ, ទឹកត្រី ២០ យួរ, ទឹកអាកុល ១ កាន និងទឹកអាកុលដប ចំនួន ៥០ ដប។ រួមជាមួយនេះផងដែរ លោក ស៊្រិន ពុទ្ធី ប្រធានក្រុមការងារថ្នាក់កណ្តាលចុះជួយឃុំបន្ទាយព្រាលបានឧបត្ថម្ភបន្ថែមជូនប្រជាពលរដ្ឋចំនួន ១៥ ខ្នងផ្ទះដែលកំពុងធ្វើចត្តាឡីស័ក ដោយទទួលបាន ថវិកា ៥០ ០០០ រៀល ក្នុងមួយខ្នងផ្ទះ សរុប ៧៥០ ០០០ រៀល ៕