កាកបាទក្រហម ទទួលជួបសំណោះសំណាល និងទទួលអំណោយជាសម្ភារៈសង្គ្រោះបឋម ជាទឹកប្រាក់ចំនួន ៤, ០៥០ ដុល្លារអាមេរិកពីលោក

នៅថ្ងៃទី០៣ ខែសីហា ឆ្នាំ២០១៧ លោកស្រី ពុំ ចន្ទីនី អគ្គលេខាធិការកាកបាទក្រហមកម្ពុជា បានទទួល ជួបសំណោះសំណាល និងទទួលអំណោយជាសម្ភារៈសង្គ្រោះបឋម ពីលោក Dr. Rey Shuey តំណាងអង្គការ ខេមសេហ្វ (Camsafe) គិតជាទឹកប្រាក់ចំនួន ៤, ០៥០ ដុល្លារអាមេរិក នៅទីស្នាក់ការកណ្តាលកាកបាទក្រហមកម្ពុជា។

ក្នុងឱកាសនោះដែរ លោកស្រីអគ្គលេខាធិការ បានថ្លែងអំណរគុណ ដែលអង្គការបានផ្តល់សម្ភារៈសង្គ្រោះបឋម ហើយកាកបាទក្រហមកម្ពុជានឹងយកសម្ភារៈទាំងនេះ សម្រាប់ជាជំនួយក្នុងការបណ្តុះបណ្តាលវិជ្ជាសង្គ្រោះបឋមដល់មន្ត្រី យុវជន និងអ្នកស្ម័គ្រចិត្តកាកបាទក្រហមកម្ពុជា តាមសហគមន៍ដើម្បីបង្កើនចំណេះដឹងរបស់គាត់ អាចជួយសង្គ្រោះជីវិតជនរងគ្រោះមុនពេលបញ្ជូនមន្ទីពេទ្យ។

ជាកិច្ចឆ្លើយតប លោក Dr. Rey Shuey បានថ្លែងអំណរអំណរគុណដល់លោកស្រីអគ្គលេខាធិការ ដែលបានអនុញ្ញាត អង្គការខេមសេហ្វ បានចូលរួមការងារមនុស្សធម៌ជាមួយកាកបាទក្រហមកម្ពុជា អាចជួយសង្គ្រោះជីវិតប្រជាពលរដ្ឋដែលរងគ្រោះដោយគ្រោះថ្នាក់ផ្សេងៗបាន៕