ឯកឧត្តម Zhao Jin
រដ្ឋមន្រ្តីផ្នែកផ្សព្វផ្សាយនៃគណៈកម្មាធិការបក្សកុម្មុយនីស្តចិន
ខេត្តយូណាន និងលោកជំទាវ Bu Jinguo ឯកអគ្គរដ្ឋទូតចិនប្រចាំកម្ពុជា
ក៏មានវត្តមានជាអធិបតីនៅក្នុងពិធីបើករាត្រីសមោសរនោះផងដែរ។
នៅពេលថ្លែងបើកកម្មវិធី ឯកឧត្តម ខៀវ កាញារីទ្ធ
រដ្ឋមន្រ្តីក្រសួងព័ត៌មានបានមានប្រសាសន៍ឲ្យដឹងថា
រាត្រីសមោសរនិទាឃរដូវនៃទំនាក់ទំនងកម្ពុជា-ចិន ដែលរៀបចំ
ឡើងក្រោមកិច្ចសហការរវាងក្រសួងព័ត៌មាន នៃព្រះរាជាណាចក្រកម្ពុជា
និងទូរទស្សន៍ខេត្តយូណាននៃសាធារណរដ្ឋប្រជាមានិតចិន ឆ្នាំ២០១៥
នឹងធ្វើឱ្យប្រទេសទាំងពីរកាន់តែរឹតចំណងសាមគ្គីភាព
និងមិត្តភាពកាន់តែរឹងមាំដូចមាស និងយូរអង្វែង។
ឯកឧត្តមរដ្ឋមន្រ្តីបានថ្លែងបន្តថា ក្នុងនាមក្រសួងព័ត៌មាន
ខ្ញុំមានកិត្តិយសដ៏ឧត្តុង្គឧត្តម និងសោមនស្សរីករាយយ៉ាងខ្លាំង
ដែលព្រះរាជាណាចក្រកម្ពុជាយើងមានកិត្តិយសក្នុងការទទួលរៀបចំរាត្រី
សមោសរនិទាឃរដូវនៃទំនាក់ទំនងកម្ពុជា-ចិន ដែលពុំធ្លាប់មានពីមុនមក
ហើយក៏ចាត់ទុកជាមហោស្រពខ្នាតធំជាប្រវត្តិសាស្រ្តរបស់ព្រះរាជាណា
ចក្រកម្ពុជាយើង។
ឯកឧត្តមរដ្ឋមន្រ្តី ក៏បានថ្លែងកោតសរសើរដល់ទូរទស្សន៍ជាតិកម្ពុជា
និងទូរទស្សន៍ខេត្តយូណាន
ដែលបានខិតខំប្រឹងប្រែងសហការគ្នាបង្កើតនូវមហោស្រពរាត្រីសមោសរនេះ
ឡើងក្នុងគោលបំណងផ្លាស់ប្តូរវប្បធម៌ដ៏ផូរផង់រវាងប្រជាជាតិទាំងពីរ
ជាពិសេសពង្រឹង និងពង្រីកនូវចំណងមិត្តភាពរវាងកម្ពុជា-ចិន
តាមរយៈសិល្បៈក៏ដូចជាការចូលរួមអបអរសាទរបុណ្យចូលឆ្នាំថ្មីប្រពៃ
ណីចិន ឆ្នាំមមែ ដែលជាឆ្នាំមាស ដែលនឹងខិតមកជិតខាងមុខនេះ។
ឯកឧត្តមរដ្ឋមន្រ្តីបានបញ្ជាក់ថា មហោស្រពរាត្រីសមោសរ
និទាឃរដូវនៃទំនាក់ទំនងកម្ពុជា-ចិននេះ គឺកើតចេញជាផ្លែផ្កាឡើង
តាមរយៈកិច្ចសហប្រតិបត្តិការរវាងអគ្គនាយកដ្ឋានទូរទស្សន៍ជាតិកម្ពុជា
នៃក្រសួងព័ត៌មានជាមួយស្ថានីយវិទ្យុ
និងទូរទស្សន៍ខេត្តយូណានក្នុងកិច្ចសហប្រតិបត្តិការ
លើដំណើរការទូរទស្សន៍ឌីជីថល DTMB
ដែលកិច្ចសហការនេះបានចាប់ផ្តើមតាំងពីឆ្នាំ២០១១ រហូត
ដល់ឆ្នាំ២០១២ ក្រសួងព័ត៌មានបានចុះហត្ថលេខាជាមួយស្ថានីយវិទ្យុ
និងទូរទស្សន៍ខេត្តយូណាន លើកិច្ចព្រមព្រៀងសហការប្រតិបត្តិការ
លើវិស័យឌីជីថល TV តាមប្រព័ន្ធ DTMB រវាងអគ្គនាយកដ្ឋានទូរ
ទស្សន៍ជាតិកម្ពុជា និងទូរទស្សន៍ខេត្តយូណាន
នៅក្នុងដំណើរទស្សនកិច្ចរបស់គណៈប្រតិភូក្រសួងព័ត៌មានទៅកាន់
ខេត្តយូណាន។ ឯកឧត្តមរដ្ឋមន្រ្តីបានបញ្ជាក់ថា
ក្រោមកិច្ចសហប្រតិបត្តិការនេះ ភាគីទាំងពីរកម្ពុជា-ចិន
បានឯកភាពគ្នាបង្កើតជាក្រុមហ៊ុនខេមបូឌាឌីជីថល ឌីវី ខូអិលធីឌី
ដែលបច្ចុប្បន្នស្ថានីយ និងអង់តែនបានសាងសង់រួច
និងកំពុងបំពាក់ឧបករណ៍បរិក្ខារបច្ចេកទេស
ហើយនឹងដាក់ឱ្យដំណើរការសាកល្បងនៅខែមេសាខាងមុខនេះ។
ឯកឧត្តម Zhao Jin
រដ្ឋមន្រ្តីផ្នែកផ្សព្វផ្សាយនៃគណៈកម្មាធិការបក្សកុម្មុយនីស្តចិនបាន
ថ្លែងអំណរគុណចំពោះក្រសួងព័ត៌មាន អគ្គនាយកដ្ឋានទូរទស្សន៍ជាតិកម្ពុជា
ដែលបានផ្តល់ការគាំទ្រយ៉ាងពេញទំហឹង
និងសហការយ៉ាងល្អជាមួយទូរទស្សន៍ខេត្តយូណាន
ក្នុងការបង្កើតនូវរាត្រីសមោសរនិទាឃរដូវនៃទំនាក់ទំនងកម្ពុជា-ចិន
នេះឡើង។
ឯកឧត្តម Zhao Jin បានថ្លែងថា ប្រជាជនយើងទាំងពីរ
បានផឹកទឹកទន្លេមេគង្គតែមួយ និងមានវប្បធម៌ ប្រពៃណីស្រដៀងគ្នា
ហើយមានទំនាក់ទំនងពាណិជ្ជកម្មជាមួយគ្នា
ដែលផ្តល់ផលប្រយោជន៍ឱ្យគ្នាទៅវិញទៅមក។
ដូច្នេះប្រជាជននៃប្រទេសយើងទាំងពីរមានទំនាក់ទំនងដូចគ្រួសារតែមួយ
ដែលជាអ្នកជិតខាងល្អ ដៃគូល្អ និងបងប្អូនល្អ
ហើយតាមរយៈការសម្តែងសិល្បៈក្នុងរាត្រីនេះ
នឹងធ្វើឱ្យប្រទេសយើងទាំងពីរកាន់តែជិតស្និទ្ធថែមទៀត។
កម្មវិធីរាត្រីសមោសរនិទាឃរដូវកម្ពុជា-ចិន
ចាប់ផ្តើមសម្តែងដោយក្រុមសិល្បៈមហាស្រពខេត្តយូណាម
បានចាប់ផ្តើមដោយការច្រៀង ជាមួយប្រធានបទឆ្នាំថ្មី
បើកទ្វារសិរីមង្គល ឯសិល្បករកម្ពុជា លោក ឆន សុវណ្ណ រាជ និងកញ្ញា សុខ
សីឡាលីន បានរួមគ្នាច្រៀងបទ ជយោ មិត្តភាព កម្ពុជា-ចិន
ដែលសម្តែងដោយក្រុមសិល្បៈនៃក្រសួងវប្បធម៌ និងវិចិត្រសិល្បៈ។
ក្រៅពីទស្សនិកជនរាប់ពាន់នាក់
ដែលបានទស្សនាដោយផ្ទាល់នៅក្នុងសាលមហោស្រពកោះពេជ្រ
នារាត្រីថ្ងៃទី១០ ខែកុម្ភៈ ឆ្នាំ២០១៥ នេះ
ប៉ុន្តែនៅមានអ្នកទស្សនារាប់សែននាក់ទៀត
ដែលបានឃើញតាមកញ្ចក់ទូរទស្សន៍នូវការសម្តែងរួមគ្នាដ៏អស្ចារ្យរបស់
ក្រុមសិល្បករ សិល្បការិនី កម្ពុជា-ចិន
នៅក្នុងរាត្រីសមោសរនិទាឃរដូវនៃទំនាក់ទំនងកម្ពុជា-ចិន ដ៏អស្ចារ្យ
ដើម្បីរឹតចំណងមិត្តភាព សាមគ្គីភាព
និងកិច្ចសហប្រតិបត្តិការរវាងប្រជាជាតិទាំងពីរ ដែលបាន
និងកំពុងតែស្ថិតនៅក្នុងទំនាក់ទំនងដៃគូជាយុទ្ធសាស្ត្រគ្រប់ជ្រុង
ជ្រោយស្រាប់ទៅហើយនោះ៕
No comments:
Post a Comment