Monday, February 20, 2023

សម្តេចតេជោ ហ៊ុន សែន ៖ អំពាវនាវដល់សិស្សានុសិស្សទាំងអស់ ត្រូវខិតខំប្រឹងក្រេបយកចំណេះដឹង និងពង្រឹងសមត្ថភាព

សម្តេចតេជោ ហ៊ុន សែន ថ្លែងថា សញ្ញាបត្រទទួលបានថ្ងៃនេះ កើតចេញពីការខិតខំប្រឹងប្រែងរៀនសូត្រ និងការតស៊ូលះបង់របស់ព្រះសង្ឃគ្រប់ព្រះអង្គ សិស្ស និស្សិតទាំងអស់ ទើបទទួលបានចំណេះដឹង និងចំណេះធ្វើ សម្រាប់អនាគតបានល្អដល់ក្រុមគ្រួសារ និងសង្គមជាតិ។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា ថ្លែងបែបនេះ នៅព្រឹកថ្ងៃចន្ទ ទី២០ ខែកុម្ភៈ ឆ្នាំ២០២៣ ក្នុងឱកាសអញ្ជើញជាអធិបតីក្នុងពិធីប្រគល់វិញ្ញាបនបត្រ និងសញ្ញាបត្រ ជូនដល់សិស្សថ្នាក់វិជ្ជាជីវៈ និងនិស្សិតសាកលវិទ្យាល័យធនធានមនុស្សសរុបប្រមាណសរុបចំនួន ១,៩៤៦នាក់ ក្នុងនោះនារី ១,០៣៣នាក់ ដែលពិធីនេះរៀបចំឡើងនៅមជ្ឈមណ្ឌលពិពណ៌ពាណិជ្ជកម្មជ្រោយចង្វារ (OCIC) រាជធានីភ្នំពេញ។ 

សម្តេចតេជោ ហ៊ុន សែន ថ្លែងបន្ត ការក្រេបយកចំណេះដឹងនេះ គឺជាចូលរួមចំណែកជាមួយប្រទេសក្នុងការអភិវឌ្ឍធនធានមនុស្ស។ ទន្ទឹមនោះ សម្តេចតេជោ បានអំពាវនាវដល់សិស្សនិស្សិតទាំងអស់បន្តការខិតខំពង្រឹងសមត្ថភាព ទោះបីតាមមធ្យោបាយណាក៏ដោយ តាមរយៈការរៀនបន្ត ឬតាមរយៈ ការរៀនផង ធ្វើផង ដើម្បីបង្កើននូវសមត្ថភាពចំណេះដឹង ចំណេះធ្វើរបស់យើងឱ្យកាន់តែល្អប្រសើរ មិនដូចការផ្ទេរខួរក្បាលពីគ្រូបង្រៀនទៅខួរក្បាលសិស្ស ឬការបញ្ចូលឈាមពីមនុស្សម្នាក់ ទៅមនុស្សម្នាក់បានទេ មានតែការខិតខំប្រឹងប្រែងរៀនសូត្ររបស់យើងផ្ទាល់តែម្តង៕





No comments:

Post a Comment