រដ្ឋបាលខេត្តព្រះវិហារទទួលបានគ្រែបត់ ជាការឧបត្ថម្ភតាមបណ្តាមន្ទីរអង្គភាពជុំវិញខេត្ត ដើម្បីបំរើដល់មណ្ឌលចត្តាឡីស័ក និងមណ្ឌលព្យាបាលកម្រិតស្រាល

ព្រះវិហារ៖ នៅថ្ងៃទី១២ ខែសីហា  ឆ្នាំ២០២១ លោក ប្រាក់ សុវណ្ណ  អភិបាលខេត្តព្រះវិហារ បានទទួលគ្រែបត់(ប៉ៅអី) ដែលជាការឧបត្ថម្ភពីសំណាក់មន្ទីរអង្គភាពជុំវិញខេត្តរដ្ឋបាលខេត្តព្រះវិហារទទួលបានគ្រែបត់(ប៉ៅអ៊ី) ចំនួន ពីតាមបណ្តាមន្ទីរអង្គភាពជុំវិញខេត្ត្ត ជូនរដ្ឋបាលខេត្ត បម្រើដល់មណ្ឌលចត្តាឡីស័កនិងមណ្ឌលព្យាបាលកម្រិតស្រាល នៅទូទាំងខេត្តដែលកំពុងជួបប្រទះ ចាប់អស់ខាត់ និងសម្ភារៈសម្រាប់ស្នាក់នៅរបស់ពលករដូចជាអ្នកព្យាបាលកូវីដ-១៩ ដើម្បីទប់ស្កាត់ ការរីករាលដាលដល់នៅជំងឺកូវីដ-១៩។

ក្នុងឱកាសនោះ លោក ប្រាក់ សុវណ្ណ បានថ្លែងអំណរគុណយ៉ាងជ្រាលជ្រៅចំពោះការចូលរួមរបស់មន្ទីរអង្គភាពជុំវិញខេត្ត នាឱកាសនេះ ដែលនេះបានស្ដែងពីទឹកចិត្តនិងការចូលរួមរបស់លោកស្រីប្រធានមន្ទីរអង្គភាពជុំវិញខេត្តក្នុងបុព្វហេតុចូលរួមទប់ស្កាត់ការរីករាលដាលជំងឺ covid-19 ដែលដែលកំពុងរាតត្បាតចូលក្នុងសហគមន៍នៅខេត្តព្រះវិហារក៏ដូចជានៅទូទាំងប្រទេសទាំងមូល ជាមួយរាជរដ្ឋាភិបាលក៏ដូចរដ្ឋបាលខេត្ត។

លោក ប្រាក់ សុវណ្ណ ក៏បានជូនពរដល់លោកលោកស្រីប្រធានមន្ទីរក៏ដូចជាមន្ត្រីពាក់ព័ន្ធក្នុងមន្ទីរទាំងអស់ដែលបានចូលរួមបរិច្ចាគជាប៉ៅអ៊ីក៏ដូចជាគ្រែបត់នាពេលនេះសូមទទួលបាននូវសុខភាពល្អបរិបូណ៍សុភមង្គលនិងជោគជ័យគ្រប់ភារកិច្ចពិសេសជៀសផុតជំងឺកូវីដ19។

សូមជម្រាបផងដែរថា មន្ទីរដែលបានចូលរួមឧបត្ថម្ភគ្រែបត់(ប៉ៅអ៊ី)នាពេលនេះមានដូចខាងក្រោម៖
១-ពន្ធនាគារខេត្ត គ្រែបត់ចំនួន ៤០គ្រែ ភួយ៤០ មុង៤០
២-មន្ទីរអភិវឌ្ឍជនបទគ្រែបត់ចំនួន ៥០ គ្រែ
៣-មន្ទីរកិច្ចការនារីគ្រែបត់ចំនួន ៤០ គ្រែ
៤-មន្ទីរសង្គមកិច្ចអតីតយុទ្ធជន និងយុវនីតិសម្បទា គ្រែបត់ចំនួន៤០គ្រែ៕