នៅថ្ងៃទី១៤ ខែ មិថុនា ឆ្នាំ២០២១ លោក សោម ពិសិដ្ឋ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត និងលោកស្រី ស ម៉ាលីដា រួមដំណើរដោយលោក លោកស្រី អនុប្រធានអចិន្ទ្រៃយ៍ សមាជិក សមាជិកាគណៈកម្មាធិការសាខា ប្រធានមន្ទីរ អង្គភាពជុំវិញខេត្ត ក្រុមប្រតិបត្តិ និងអាជ្ញាធរសង្កាត់កែប បានរៀបចំពិធីសំណេះសំណាលសួរសុខទុក្ខ និងនាំយកអំណោយមនុស្សធម៌របស់កាកបាទក្រហមកម្ពុជា ផ្តល់ជូនប្រជាពលរដ្ឋងាយរងគ្រោះ និងរងផលប៉ះពាល់ដោយសារជំងឺកូវីដ-១៩ ចំនួន ១១១គ្រួសារ មកពីភូមិចំនួន២ របស់សង្កាត់កែប ពិធីនេះរៀបចំធ្វើឡើងនៅក្នុងបរិវេណសាលាសង្កាត់កែប ក្រុងកែប ខេត្តកែប។
នាឱកាសនោះ លោកប្រធានគណៈកម្មាធិការសាខា បានពាំនាំមកនូវប្រសាសន៍ផ្តាំផ្ញើសួរសុខទុក្ខពីសំណាក់លោកនាយករដ្ឋមន្រ្តី ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងលោកស្រីបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះបងប្អូនប្រជាពលរដ្ឋមកទទួលអំណោយទាំងអស់ដោយក្តីនឹករឭកបំផុត ដែលជានិច្ចកាលលោកទាំងពីរ តែងតែគិតគូរពីសុខទុក្ខរបស់បងប្អូនប្រជាពលរដ្ឋជួបការលំបាក អ្នកមានជំងឺ ជនងាយរងគ្រោះ និងជនរងគ្រោះដោយគ្រោះមហន្តរាយផ្សេងៗ ដោយមិនប្រកាន់ រើសអើងវណ្ណៈ ជាតិសាសន៍ ពណ៌សម្បុរ ឬនិន្នាការនយោបាយអ្វីឡើយ ពោលគឺ ទីណាមានទុក្ខលំបាក ទីនោះមានកាកបាទក្រហមកម្ពុជា។
លោកទាំងទ្វេរបានផ្តាំផ្ញើដល់បងប្អូនប្រជាពលរដ្ឋទាំងអស់ប្រកាន់យកនូវ អនាម័យល្អ រស់នៅស្អាតហូបស្អាត ផឹកស្អាត និងខិតខំប្រឹងប្រែងប្រកបមុខរបរបង្ករបង្កើនផលដាំដំណាំរួមផ្សំ ចិញ្ចឹមសត្វ ដើម្បីទ្រទ្រង់ជីវភាពគ្រួសារឱ្យបានប្រសើរឡើង ។
លេីសពីនេះ លោកអភិបាលខេត្ត បានអំពាវនាវដល់បងប្អូនប្រជាពលរដ្ឋទាំងអស់សូមអនុវត្តវិធានការសុខាភិបាល អោយបានដេីម្បីកាត់ផ្តាច់ការឆ្លងជំងឺកូវីដ-១៩ ដោយអនុវត្តគោលការណ៍ ៣ការពារ និង៣កុំ អោយបានជាដាច់ខាត ។
អំណោយផ្តល់ជូនក្នុង១គ្រួសារៗ រួមមាន ៖ អង្ករ២៥គីឡូក្រាម, មី១កេះ ,ទឹកសុីអុីវ១យួរ, ទឹកបរិសុទ្ធ២យួរ និងថវិកាមួយចំនួន
ផងដែរ៕
No comments:
Post a Comment