លោកនាយករដ្ឋមន្រ្តី ហ៊ុន សែន៖ វិស័យចំនួនពីរដែលត្រូវការជ្រើសរើសមន្រ្តីរាជការច្រើនជាងគេ

លោកនាយករដ្ឋមន្រ្តី ហ៊ុន សែន បានថ្លែងថា មានតែវិស័យពីរតែប៉ុណ្ណោះដែលត្រូវការជ្រើសរើសមន្រ្តីរាជការច្រើនជាងគេបំផុតនោះគឺវិស័យអប់រំ និងសុខាភិបាល។ លោកបានថ្លែងដូចនេះនៅព្រឹកថ្ងៃទី១៦ ខែធ្នូ ឆ្នាំ២០១៩ ក្នុងឱកាសអញ្ជើញជាអធិបតីដ៏ខ្ពង់ខ្ពស់ក្នុងពិធីប្រគល់សញ្ញាបត្រដល់និស្សិត នៃសាកលវិទ្យាល័យវិទ្យាសាស្រ្តសុខាភិ​បាលចំនួន ២,៥៨៨នាក់ ដែលពិធីប្រគល់សញ្ញាបត្រនេះធ្វើឡើងនៅមជ្ឈមណ្ឌលសន្និបាត និងពិព័រណ៍កោះពេជ្រ រាជធានីភ្នំពេញ។

លោកនាយករដ្ឋមន្រ្តី ហ៊ុន សែន បានគូសបញ្ជាក់ថា នៅក្នុងឆ្នាំ២០២០នេះ ក្រសួងអប់រំ ប្រកាសជ្រើសរើសមន្រ្តីរាជការប្រមាណជាង៣ពាន់កន្លែង និងក្រសួងសុខាភិបាលជ្រើសរើសជាង១ពាន់កន្លែងផងដែរ ស្របតាមការចាំបាច់និងតម្រូវការក្នុងការងារ៕