សពនាយឧត្តមសេនីយ៍ ឯម សំអាន ត្រូវបានតម្កល់ទុកធ្វើបុណ្យ ទក្ខិណានុប្បទានតាមប្រពៃណី និងសាសនា នៅគេហដ្ឋានលេខ១៦៨ ផ្លូវលេខ៤៦៦ សង្កាត់បឹងត្របែក ខណ្ឌចំការមន រាជធានីភ្នំពេញ។ សពនឹងត្រូវដង្ហែឆ្ពោះទៅកាន់ឈាបនដ្ឋាន នៅទីលានមុខវត្តបទុមវតី នៅថ្ងៃទី២៩ ខែមីនា ឆ្នាំ២០១៨ វេលាម៉ោង ៧:០០នាទីព្រឹក។
សូមរំលឹកថា នាយឧត្តមសេនីយ៍ ឯម សំអាន ទទួលមរណភាពជន្មាយុ៧១ឆ្នាំ នៅម៉ោង ៦:៤៥នាទី ព្រឹកថ្ងៃសៅរ៍ ទី២៤ ខែមីនា ឆ្នាំ២០១៨ ដោយរោគាពាធ នៅមន្ទីរពេទ្យបំរ៉ុងរ៉ាត់ ទីក្រុងបាងកក ប្រទេសថៃ ហើយសពដឹកតាមយន្តហោះពីទីក្រុងបាងកក មកដល់ព្រលានយន្តហោះអន្តរជាតិភ្នំពេញ នៅព្រឹកថ្ងៃអាទិត្យទី២៥ ខែមីនា ឆ្នាំ២០១៨។
នាយឧត្តមសេនីយ៍ ឯម សំអាន ក៏ជាឥស្សរជននយោបាយជាន់ខ្ពស់មួយរូប ដែលបានកៀកស្មាជាមួយ ឥស្សរិយនយោបាយជាន់ខ្ពស់កម្ពុជាដទៃទៀត តស៊ូប្រយុទ្ធរំដោះជាតិ ពីរបបប្រល័យពូជសាសន៍ និងជាបន្ដ បន្ទាប់ប្រឹងស្រោចស្រង់ និងអភិវឌ្ឍន៍ជាតិកម្ពុជា ពីស្ថានភាពដ៏សែនលំបាកឆ្ពោះមករកវឌ្ឍនភាព មកដល់ ពេលបច្ចុប្បន្ន ៕
![](https://blogger.googleusercontent.com/img/b/R29vZ2xl/AVvXsEhVT_W25mY25Tic4dOo3AhZGKjMCFLZKGgD91ZENiJ49PvwnVGEjUCyICoofKW8KTz2jeHN8PdtpA43txzuASKMdmtJ4lTG5HQ03jl3S6S3-BNuQEsbyfAxLoUW78ofPSSHuK0naejGpHs9/s640/fn-2018-03-27-11-09-12-2.jpg)
![](https://blogger.googleusercontent.com/img/b/R29vZ2xl/AVvXsEiQQRTAfk2DkVBdLg5HitICH7jMgDMM18aGfYV5GzrstURp6Ntpn1xsDnuIm5S5tozDPTEmjrwle_eFre9Ti1WQxLlr6wwIbcwps2daZ4IVR6YWAYeeQarE71gmLNvVB7oRZsX0zTgwNfAk/s640/fn-2018-03-27-11-09-12-0.jpg)
No comments:
Post a Comment