រដ្ឋដ៏តូចរបស់រុស្ស៊ីថ្មីប្រកាសនៅក្នុងអ៊ុយក្រែន ខណៈដែលពួកឧទ្ទាម គាំទ្រដោយរុស្ស៊ីមានផែនការដើម្បីដណ្តើមយកប្រទេសទាំងមូល

ពួកឧទ្ទាមដែលគាំទ្រដោយរុស្ស៊ីបានស្វែងរកការខិតខំរបស់ពួកគេ ដើម្បីគ្រប់គ្រងប្រទេសអ៊ុយក្រែន មន្ត្រីបាននិយាយអះអាងកាលពីថ្ងៃអង្គារថា រដ្ឋថ្មីមួយហៅថា Malorossiya ឬមួយក៏រុស្ស៊ី តូច​មួយ។ ពួកគេនិយាយថា ផែនការនោះមិនត្រឹមតែសម្រាប់រដ្ឋថ្មីនេះដើម្បីដាក់បញ្ចូលតំបន់ទាំង​ឡាយណាដែលពួកគេបានគ្រប់គ្រងរួចជាស្រេចទៅហើយ នៅអ៊ុយក្រែនខាងកើត ប៉ុន្តែគឺដើម្បី​ឈាន​ទៅពង្រីកទូទាំងប្រទេសតែម្តង។

បន្ទាប់ពីរុស្ស៊ីចាប់យកមួយផ្នែករបស់អ៊ុយក្រែននៅឆ្នាំ២០១៤ សកម្មជនបំបែកខ្លួនបានគ្រប់ គ្រងមួយផ្នែក​ធំនៃតំបន់ Donetsk ហើយនិងអ្នកនៅជិតខាងតំបន់ Luhansk។ មេដឹកនាំដែលអះ អាង​ដោយខ្លួនឯងនៃតំបន់ Donetsk គឺលោក Alexander Zakharchenko បានប្រកាសថា ផែន​​ការនោះត្រូវបានដាក់អនុវត្តសម្រាប់រដ្ឋថ្មីមួយ ដែលដឹកនាំរស់នៅតំបន់ Donetsk ដើម្បីចែក​រំលែកឈ្មោះដូចគ្នានេះ ហៅថា Malorossiya ដែលត្រូវបានប្រើប្រាស់សម្រាប់ការពិពណ៌នាផ្នែក​ដ៏ធំរបស់ប្រទេសអ៊ុយក្រែន នៅពេលដែលវាត្រូវបានគ្រប់គ្រងដោយប្រទេសរុស្ស៊ី។

គាត់បាននិយាយនៅក្នុងសេចក្តីថ្លែងការណ៍មួយ ចុះផ្សាយនៅលើទីភ្នាក់ងារព័ត៌មានរបស់ពួកឧទ្ទាមដែលមានសម្ព័ន្ធភាពជាមួយតំបន់ Donetsk បាននិយាយថា យើងគឺអ្នកតំណាងឱ្យអតីតតំបន់ទាំងឡាយនៅអ៊ុយក្រែន លើកលែងតែតំបន់ Crimea ចេញ។

គាត់បាននិយាយថា អ៊ុយក្រែនបានបង្ហាញឱ្យឃើញថា ជារដ្ឋបរាជ័យមួយ ហើយក៏បង្ហាញ ឱ្យឃើញនូវភាពបរាជ័យ ដើម្បីផ្តល់ឱ្យប្រជាពលរដ្ឋរបស់ខ្លួននូវសុខសន្តិភាព វិបុលភាពនាពេលបច្ចុប្បន្ន ក៏ដូចជាអនាគត។

គាត់បាននិយាយបន្ថែមថា ការបង្កើតឡើងនូវរដ្ឋាភិបាលសហព័ន្ធថ្មីមួយនេះនឹងបញ្ឈប់ សង្គ្រាមស៊ីវិល ក៏ដូចជាការទប់ស្កាត់ជនរងគ្រោះពីការកើតឡើងបន្ថែមទៀត។ មានប្រជាជនជាង ១០០០០ នាក់ត្រូវបានគេប៉ាន់ស្មានថា បានស្លាប់នៅក្នុងការប្រយុទ្ធកាលពី ៣ ឆ្នាំកន្លងទៅនេះ។

លោក Denis Pushilin ដែលជាប្រធានក្រុមប្រឹក្សារបស់សាធារណៈរដ្ឋនៃរដ្ឋ Donetsk បាននិយាយថា «ការបង្កើតឱ្យមានរដ្ឋដែលមានឈ្មោះដូចគ្នានេះ អាចជាគំនិតផ្តួតផ្តើមគួរឱ្យចាប់អារម្មណ៍ ទោះជាយ៉ាងណាក៏ដោយ សម្រាប់ចិត្តរបស់ខ្ញុំវាគួរតែត្រូវបានគេដាក់បញ្ហានេះឱ្យមានការ​ពិភាក្សាដោយរដ្ឋសភា និងការធ្វើប្រជាមតិទូទាំងប្រទេសជាមុនសិន»។

នៅក្នុងសេចក្តីថ្លែងការណ៍របស់ក្រុមសាធារណៈរដ្ឋប្រជាមានិតប្រកាសខ្លួននិយាយថា «នៅ​ខណៈ​នេះស្ថានភាពដែលមើលឃើញនោះ មានការចោទសួរច្រើនណាស់។ សេចក្តីសម្រេចចិត្តទាំង​អស់នេះអាចធ្វើឡើង តាមរយៈការពិគ្រោះយោបល់ ពិចារណាជាមួយមតិរបស់ប្រជាជន»។

ទង្វើនេះបានធ្វើឱ្យមានភាពច្របូកច្របល់ចំពោះកិច្ចព្រមព្រៀងសន្តិភាព Minsk ដែលបានចុះហត្ថលេខាដោយពួកឧទ្ទាម និងរដ្ឋាភិបាលអ៊ុយក្រែននៅឆ្នាំ២០១៥ ដែលនិយាយថា អ្នកតំណាងអ៊ុយក្រែនស្ថិតនៅក្នុងការចរចាដើម្បីស្វែងរកសន្តិភាព។

ខណៈនោះផងដែរ ប្រធានាធិបតីអ៊ុយក្រែនលោក Petro Poroshenko បានអះអាងថា ការប្រកាសនោះបានណែនាំដោយផ្ទាល់ពីរដ្ឋាភិបាលម៉ូស្គូតែម្តង៕

ប្រភព៖ Viet Nam News