រដ្ឋមន្រ្តីក្រសួង​បរិស្ថាន​អនុញ្ញាតិ​អោយ​តំណាង​សមាគមន៍​នាវាយុវជន​អាសុីអាគ្នេយ៍​កម្ពុជា​ជួប​សំណេះសំ​ណាល

នៅព្រឹកថ្ងៃទី ១១ ខែមករា ឆ្នាំ ២០១៦ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានអនុញ្ញាតិអោយ​តំណាងសមាគមន៍​នាវា​យុវជនអាសុីអាគ្នេយ៍កម្ពុជា ដើម្បីជួបសំណេះសំណាល និង ជួបពិភាក្សាលើការរៀបចំកម្មវិធី នៅថ្ងៃទី SSEAYP international General Assembly 2016 នៅខេត្តសៀមរាបនាពេលខាងមុខនេះ។ ម្យ៉ាងវិញគោលដៅសំខាន់នៃការរៀបចំនេះ គឺដើម្បីរឹតចំណង មិត្តភាពរវាងបណ្តាប្រទេស Asean និង ជប៉ុន ការផ្លាស់ប្តូរនៅពត៍មាន និងសកម្មភាពរបស់តំណាង សហគមន៍តាមប្រទេសនីមួយៗ ព្រមទាំងការលើកកម្ពស់សកម្មភាពយុវជនក្នុងកិច្ចការសង្គមផងដែរ ។ អញ្ជើញក្នុងឪកាសនោះផងដែរ ឯកឧត្តម រដ្ឋមន្រ្តី ក៏បានមានមតិផ្តាំផ្ញើរ និងលើកទឹកចិត្តដល់ ក្រុម សមាគមន៍យុវជននាវាអាសុីអាគ្នេយ៍ ដែលបានចូលរួម នៅក្នងកិច្ចគាំពារបរិស្ថាននៅក្នុងសង្គម មិនតែប៉ុណ្ណោះ ឯកឧត្តម ក៏បានផ្តល់ជាគំនិត ក្នុងការចូលរួម និងអភិវឌ្ឍន៍នៅក្នុងវិស័យបរិស្ថាន ធ្វើយ៉ាងណាអោយការរស់នៅប្រកបដោយចីរភាព តាមរយៈការអភិរក្សជីវចម្រុះប្រកបដោយនិរន្តរភាព៕