យោងតាមសេចក្តីជូនដំណឹងរបស់ក្រសួងធនធានទឹកនិងឧតុនិយមចុះថ្ងៃទី១៤ធ្នូនេះបានឱ្យដឹងថាៈ បច្ចុប្បន្នព្រះរាជាណាចក្រកម្ពុជា
បាននិងកំពុងទទួលឥទ្ធិពលខ្យល់មូសុងឦសាន និងជ្រលងសម្ពាធខ្ពស់ពីប្រទេសចិន។
យោងតាមការព្យាករនេះដែរបញ្ជាក់ថា ចាប់ពីថ្ងៃទី ១៧ ដល់ថ្ងៃទី ២០
ខែធ្នូ ឆ្នាំ ២០១៥ ជ្រលងសម្ពាធខ្ពស់
និងបង្កើតឥទ្ធិពលកាន់តែខ្លាំងមកលើព្រះរាជាណាចក្រកម្ពុជា ជាពិសេសនៅតំបន់ខ្តង់រាប
និងតំបន់ទំនាបកណ្តាលភាគពាយ័ព្យនៃប្រទេស ។
កត្តានេះនឹងធ្វើឱ្យសីតុណ្ហភាពចុះត្រជាក់នៅបណ្តាខេត្តមួយចំនូនដូចជាៈ
ខេត្តបន្ទាយមានជ័យ បាត់ដំបង ឧត្តរមានជ័យ សៀមរាបព្រះវិហារ និងខេតរតនគិរី
សីតុណ្ហភាព អប្បបរមា មានពី១៨-២០អង្សារសេ
និងអតិបរមាមានពី២៥-២៧អង្សារសេ និងខេត្តមណ្ឌលគិរី សីតុណ្ហភាពអប្បបរមាមានពី
១៧-១៨អង្សារសេ និងអតិបរមាមានពី ២៣-២៤អង្សារសេ ៕
No comments:
Post a Comment