ក្រសួងការងារបន្ថែមថ្ងៃឈប់សំរាកបុណ្យភ្ជុំបិណ្ឌ១ថ្ងៃទៀត ដើម្បីសម្រួលដល់ការឈប់សំរាករបស់កម្មករ និយោជិត

យោងតាម​សេចក្តីជូន​ដំណឹង ​របស់ក្រសួង​ការងារ​ និងបណ្តុះបណ្តាល​វិជ្ជាជីវៈ​ ចុះថ្ងៃទី​ ២៩ ខែកញ្ញា ​ឆ្នាំ២០១៥​ បានបញ្ជាក់​ឲ្យដឹងថា ​ដើម្បីបង្កល​ក្ខណៈងាយ​ស្រួលដល់បង​ប្អូនកម្មករ និយោជិត ​ក្នុងឱកាសបុណ្យ​ភ្ជុំបិណ្ឌខាង​មុខនេះ ​សូមម្ចាស់ ​និងនាយកស​ហគ្រាស គ្រឹះ​ស្ថានទាំងអស់​ ដែលស្ថិត​ក្នុងដែន​អនុវត្តនៃច្បាប់ ​ស្តីពីការងា​រអនុវត្តនូ​វចំណុច២៖​ គឺទី១. អនុញ្ញាត​ឲ្យកម្មករ​ និយោជិត​ទាំងអស់​របស់ខ្លួន ​ឈប់សម្រាក​ដោយមាន​ប្រាក់ឈ្នួលនាឱកាស​បុណ្យភ្ជុំបិណ្ឌ​ខាងមុខនេះ ​ក្នុងកំឡុង​ពេល៤​ថ្ងៃគឺ ថ្ងៃទី ​១១-១២-១៣ ​និងថ្ងៃទី ​១៤ ខែតុលា ​ឆ្នាំ២០១៥​ ជំនួសថ្ងៃអាទិត្យទី​១១។ ​ទី២. ខិតខំ​រៀបចំបើក​ប្រាក់ឈ្នួលក​ម្មករ និយោជិត​ឲ្យបានមុន​ថ្ងៃបុណ្ឌភ្ជុំបិណ្ឌ។ ​បើពុំមានលទ្ធភាព​បើកប្រាក់​ឈ្នួលទាន់​ពេលទេ សូមអ​នុញ្ញាតឲ្យកម្មករ​ និយោជិត​ទទួលប្រាក់​បុរេប្រទាន​យ៉ាងតិច ​៥០% មុនពេល​បុណ្យភ្ជុំបិណ្ឌ៕​