រដ្ឋបាលខេត្តកំពង់ឆ្នាំង ចេញសេចក្ដីប្រកាសព័ត៌មានស្ដីពីការរកឃើញវិជ្ជមានកូវីដ-១៩ ចំនួន០២ករណីថ្មី

 រដ្ឋបាលខេត្តកំពង់ឆ្នាំង នៅថ្ងៃទី៦ ខែឧសភា ឆ្នាំ២០២១ បានចេញសេចក្ដីប្រកាសព័ត៌មានស្ដីពីការរកឃើញករណីវិជ្ជមានកូវីដ-១៩ ចំនួន០២ករណីថ្មីបន្ថែមទៀត នាថ្ងៃទី០៥ ខែឧសភា ឆ្នាំ២០២១។ សូមអានខ្លឹមសារលម្អិតក្នុងសេចក្តីប្រកាសព័ត៌មានដែលមានជូនភ្ជាប់៖

អំណោយដ៏ថ្លៃថ្លារបស់លោកស្រីបណ្ឌិត ប៊ុន រ៉ានី ហ៊ុន សែន ត្រូវបានចែកជូនដល់ប្រជាពលរដ្ឋចំនួន ៣៩គ្រួសារ ដែលរងគ្រោះដោយសារខ្យល់កន្ត្រាក់

 ស្វាយរៀង៖ នៅថ្ងៃទី០៦ ខែឧសភា ឆ្នាំ២០២១ លោក ម៉ែន វិបុល អភិបាលនៃគណៈអភិបាលខេត្តស្វាយរៀង និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានចូលរួមអមដំណើរអញ្ជើញជាអធិបតីភាពលោកស្រីបណ្ឌិត ម៉ែន សំអន គណៈកិត្តិយសសាខាកាកបាទក្រហមកម្ពុជាខេត្តស្វាយរៀង ដែលបាននាំយកអំណោយរបស់លោកស្រីបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា តាមរយៈ សាខាកាកបាទក្រហមកម្ពុជាខេត្តស្វាយរៀង ចែកជូនដល់ប្រជាពលរដ្ឋចំនួន ៣៩គ្រួសារ ដែលរងគ្រោះដោយសារខ្យល់កន្ត្រាក់បណ្តាលឲ្យខូចខាតផ្ទះសំបែង និងទ្រព្យសម្បត្តិ កាលពីថ្ងៃម្សិលម៉ិញ ដែលស្ថិតក្នុងឃុំត្នោត និងឃុំថ្មី ស្រុកកំពង់រោទិ៍ ខេត្តស្វាយរៀង។

មានប្រសាសន៍ក្នុងឱកាសនោះ លោកស្រីក៏បាននាំមកនូវប្រសាសន៍ផ្ដាំផ្ញើសួរសុខទុក្ខ និងសេចក្ដីនឹករលឹកពីសំណាក់លោកស្រីបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជាជូនដល់បងប្អូនប្រជាពលរដ្ឋទាំងអស់ដោយក្តីនឹករលឹកដែលជានិច្ចកាលលោកស្រី ប្រធាន ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ដោយមិនប្រកាន់វណ្ណៈ ពណ៌សម្បុរ ជំនឿ សាសនា ឬនិន្នាការនយោបាយណាមួយឡើយ។

លោកស្រី បានផ្តាំផ្ញើបន្ថែមដល់បងប្អូនប្រជាពលរដ្ឋទាំងអស់ សូមមានការប្រុងប្រយ័ត្នខ្ពស់បំផុតក្នុងការថែរក្សាសុខភាព ជាពិសេសបានក្រើនរម្លឹកដល់ប្រជាពលរដ្ឋនៅតាមមូលដ្ឋានកុំឲ្យធ្វេសប្រហេសពីជំងឺកូវីដ-១៩ នេះឱ្យសោះ ត្រូវអនុវត្តន៍តាមការណែនាំរបស់ក្រសួងសុខាភិបាល និងវិធានការណ៍របស់រាជរដ្ឋាភិបាល ៣ការពារ ៣កុំ ផងដែរ ព្រោះបច្ចុប្បន្ននេះករណីឆ្លងនៅកម្ពុជាមិនទាន់មានការថមថយនៅឡើយនោះទេ។

អំណោយដែលបានចែកជូនប្រជាពលរដ្ឋក្នុងថ្ងៃនេះ ក្នុង ១ គ្រួសារទទួលបាន អង្ករ ៣០ គ.ក្រ មី ១ កេស ត្រីខ ១០ កំប៉ុង អាវយឺត ១ ធុងទឹកជ័រ១ ក្រណាត់កៅស៊ូតង់១ ឆ្នាំងបាយ ឆ្នាំងសម្លរ ២ កន្ទឹលជ័តបត់១ ថវិកា ៣៥ម៉ឺនរៀល។

ក្នុងឱកាសនោះ ក៏មានសប្បុរសជន បានចូលរួមចំណែកជាមូលនិធិ អបអរសាទរក្នុងឱកាស នៃខួបលើកទី១៥៨ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ឆ្នាំ ២០២១ ដើម្បីទ្រទ្រង់ដល់សកម្មភាពការងារមនុស្សធម៌ជាមួយសាខាកាកបាទក្រហមកម្ពុជាខេត្តស្វាយរៀងដើម្បីយកទៅជួយដល់ប្រជាពលរដ្ឋដែលប្រឈមងាយរងគ្រោះនឹងមានទុក្ខលំបាកផ្សេងៗ រួមមាន ៖
១. លោកជំទាវកិត្តិសង្គហបណ្ឌិត ថវិការចំនួន ១០លានរៀល
២. លោកនាយឧត្តមសេនីយ៍ ខ្វាន់ ស៊ាម និងលោកជំទាវ ថវិកា ៥.០០០ដុល្លារ
៣.លោកឧត្តមសេនីយ៍ទោ កឹង ឃន និងលោកជំទាវ ថវិកា ១០លានរៀល
៤. លោកឧកញ៉ា ផែ ហុកឈួន និងលោកជំទាវឧកញ៉ា អ៉ឹង ស៊ីស្រ៊ន ថវិកា ៥លានរៀល
៤. តារាកំប្លែង ពែកមី ថវិកា ១០លានរៀល
ដោយឡែកក្នុងថ្ងៃនោះផងដែរ លោកស្រីក៏បានចូលបុណ្យសពដល់គ្រួសារ ដែលមានសមាជិកបានទទួលមរណភាពដោយសាឆក់ខ្សែភ្លើងកាលពីម្សិលម៉ិញផងដែរ៕

ភស្តុតាងបង្ហាញថា ចលនាមាតាធម្មជាតិរៀបចំផែនការញុះញង់ និងចលាចលសង្គម បម្រើឱ្យផែនការបដិវត្តន៍ពណ៌នៅកម្ពុជា ក្រោមលេសបរិស្ថាន និងធនធានធម្មជាតិ (Photo & Sound inside)

 (ភ្នំពញ)៖ យោងតាមឯកសារ និងភស្តុតាងមួយចំនួនដែលបង្ហោះនៅលើ Facebook មួយឈ្មោះ «កម្ចាត់ជនក្បត់» បានបង្ហាញពីផែនការធ្វើសកម្មភាពខុសច្បាប់ របស់ក្រុមចលនាមាតាធម្មជាតិ បង្ហោះនៅល្ងាចថ្ងៃទី៦ ខែឧសភា ឆ្នាំ២០២១នេះ។

Facebook «កម្ចាត់ជនក្បត់» បានសរសេររៀបរាប់យ៉ាងដូច្នេះថា ក្រុមចលនាមាតាធម្មជាតិដែលដឹកនាំ ដោយជនជាតិអេស្ប៉ាញឈ្មោះ អាឡិច ហ្គន់សាឡេស ដេវិតសុន ដែលធ្វើសកម្មភាពដោយគ្មានច្បាប់នៅកម្ពុជា បានចូលរួមយ៉ាងសកម្មនៅក្នុងការអនុវត្តផែនញុះញង់ និងបង្កចលាចលសង្គមធ្វើឱ្យប៉ះពាល់យ៉ាងធ្ងន់ធ្ងរដល់សន្តិសុខ និងសណ្តាប់ធ្នាប់សាធារណៈ ក្រោមលេសបរិស្ថាន និងធនធានធម្មជាតិ។

សកម្មភាពខុសច្បាប់ទាំងនេះ ត្រូវបានអាជ្ញាធរមានសមត្ថកិច្ចចាត់វិធានការច្បាប់ ហើយនៅព្រឹកថ្ងៃទី៥ ខែឧសភា ឆ្នាំ២០២១ ក្រុមចលនាមាតាធម្មជាតិដែលរួមមាន ជនជាតិអេស្បាញឈ្មោះអាឡិច ហ្គន់សាឡេស ដេវិតសុន និងយុវជន៤រូប ត្រូវបានសាលាដំបូងរាជធានីភ្នំពេញ ចេញសាលក្រមរកឃើញថា មានពិរុទ្ធភាពពីបទញុះញង់ និងបង្កចលាចលសង្គមហើយបានសម្រេចផ្តន្ទាទោស ដាក់ពន្ធនាគារពី១៨ ខែដល់២០ខែនិងបង់ប្រាក់ពិន័យ ៤លានរៀលក្នុងម្នាក់ៗ។ ជនជាប់ចោទឈ្មោះ អាឡិច និងថុន រដ្ឋា ត្រូវបានកាត់ទោសជាប់ពន្ធនាគារយៈពេល២០ខែ ចំណែកយុវជនចលនាធម្មជាតិ ៣ នាក់ទៀតជាប់ពន្ធនាគារ ១៨ ខែរាប់ពីពេលចាប់ខ្លួន។

ឯកសារ បានបង្ហាញពីការរៀបចំផែនការរួមរបស់ក្រុមចលនាមាតាធម្មជាតិ តាំងពីឆ្នាំ២០១៧ និងឆ្នាំបន្តបន្ទាប់ដែលមានឈ្មោះ អាឡិច ហ្គន់សាឡេស ដេវិតសុន និងថុន រដ្ឋាជាអ្នកដឹកនាំ ព្រមទាំងសមាជិក ក្រុមមួយចំនួនទៀត។ ផែនការទាំងនោះរួមមានដូចជា ការរៀបចំការញុះញង់តវ៉ារបស់ប្រជាពលរដ្ឋនៅក្នុងគម្រោង ទំនប់វារីអគ្គិសនីសេសានក្រោម២ ផែនការនៃការតវ៉ាទាក់ទងនឹងកោះកុងក្រៅ និងបញ្ហាមួយចំនួនទៀត សកម្មភាពប្រឆាំងនឹងការវិនិយោគទុនចិននៅកម្ពុជាជាដើម ការនាំចូលមាសមកកម្ពុជា និងបញ្ហាខ្សាច់។ ក្រុមចលនាដែលធ្វើសកម្មភាព ដោយគ្មានច្បាប់នេះត្រូវបានរកឃើញថា បានទំនាក់ទំនងយ៉ាងជិតស្និទ្ធជាមួយ នឹងថ្នាក់ដឹកនាំនិងក្រុមសកម្មជននៃអតីតគណបក្សសង្គ្រោះជាតិ។ អ្វីដែលជាផែនការញុះញង់នេះ ត្រូវបានមន្ត្រីជំនាញបញ្ជាក់ថា ជាផ្នែកមួយនៃការអនុវត្តផែនការចាស់របស់ក្រុមប្រឆាំងជ្រុលនិយម ក្នុងការផ្តួលរំលំរាជរដ្ឋាភិបាលកម្ពុជា ស្របច្បាប់ក្រោមរូបភាពបដិវត្តន៍ពណ៌។

យោងតាមសារសន្ទនារវាងអាឡិច និងក្រុមយុវជននៃចលនាមាតាធម្មជាតិក្នុងប្រទេសកម្ពុជា ការធ្វើសកម្មភាពទាំងអស់ត្រូវបានរៀបចំផែនការច្បាស់លាស់ និងមានការគាំទ្រថវិកាពីក្រៅប្រទេស។ តាមសំឡេងសន្ទនា ថវិកាដែលពួកគេធ្វើសកម្មភាពត្រូវបានបង្វែរចេញពីសហរដ្ឋអាមេរិក។ រាលការធ្វើសកម្មភាព ក្រុមចលនាមាតាធម្មជាតិ ជាពិសេសអាឡិចបានធ្វើទំនាក់ទំនងជាប់ជាមួយបណ្តាញផ្សព្វផ្សាយបរទេស ដូចជាវិទ្យុអាស៊ីសេរី និងឌឹ ខេមបូឌា ដេលី ដើម្បីធ្វើការផ្សព្វផ្សាយបំពងសំឡេង លើបញ្ហាដែលពួកគេរៀបចំឡើង និងដើម្បីទាក់ទាញការចាប់អារម្មណ៍ពីសាធារណជន។

បើតាមការបញ្ជាក់របស់មន្ត្រីស៊ើបអង្កេត សំណុំឯកសារភស្តុតាងនេះនៅមានច្រើនទៀត ហើយក៏កំពុងតែត្រូវបានបើកការស៊ើបអង្កេត លើសំណុំរឿងថ្មីដើម្បីចាត់វិធានការតាមផ្លូវច្បាប់បន្ថែមទៀតដែរ។

អ្នកឃ្លាំមើលសភាពនយោបាយកម្ពុជាបានកត់សម្គាល់ថា ការធ្វើសកម្មភាពរបស់ក្រុមចលនាមាតា ធម្មជាតិដែលគ្មានច្បាប់នៅកម្ពុជាដោយសហការជាមួយមន្ត្រី នៃអតីតគណបក្សសង្គ្រោះជាតិដូចជាគម្រោង តវ៉ាលើករណីកោះកុងក្រៅដោយមាន រ៉ុង ឈុន ចូលរួមនិងក្រោយមកធ្វើសកម្មភាពផ្សេងៗ រួមនឹងការកៀរ គរមនុស្សធ្វើបាតុកម្មទាមទារដោះលែង រ៉ុង ឈុន ដែលត្រូវបានចាប់ខ្លួនពីបទល្មើសជាក់ស្តែងញុះញង់ទាក់ ទងនឹងករណីបោះបង្គោលព្រំដែន គឺជាការធ្វើវិទ្ធង្សនាប្រឆាំងនឹងកម្ពុជា ការតវ៉ា និងបាតុកម្មផ្សេងៗដែលពួកគេ បានធ្វើនៅអំឡុងខែឧសភាដល់ ខែកញ្ញា ឆ្នាំ២០២០ គឺជាការព្យាយាមភ្ជាប់នឹងការបះបោរ នៅទីក្រុងហុងកុងនិង ប្រទេសថៃ ដែលជាការអនុវត្តផែនការចាស់របស់ពួកគេក្នុងការផ្តួលរំលំរដ្ឋាភិបាលស្របច្បាប់ ដែលពួកគេ មានបានរៀបចំផែនការតាំងពីយូរណាស់មកហើយ ជាពិសេសចាប់ពីឆ្នាំ២០១៣មក។ ដូច្នេះសកម្មភាពរបស់ ពួកគេគឺជាការបម្រើផែនការទុច្ចរិតសុទ្ធសាធក្រោមរូបភាពបំភ្លៃថា ក្រុមខ្លួនស្រឡាញ់ទឹកដីស្រឡាញ់បរិស្ថាន និងស្រឡាញ់ព្រៃឈើ។ ប៉ុន្តែតាមពិតគឺជាក្រុមបំពុលសង្គម និងក្រុមញុះញង់សង្គមតាមខ្សែញាក់ក្រុមប្រឆាំងនៅក្រៅប្រទេស។

អ្នកឃ្លាំមើលស្ថានការណ៍នយោបាយកម្ពុជាបានលើកឡើងថា ការអនុវត្តច្បាប់ប្រឆាំងនឹងក្រុមជន ញុះញង់បំបែកបំបាក់សង្គមគឺជាការត្រឹមត្រូវ ហើយអ្វីដែលពួកគេបានប្រព្រឹត្តគឺហួសមិនមែនជាសេរីភាពនៃការបញ្ចេញមតិឡើយ ប៉ុន្តែជាការអនុវត្តផែនការទុច្ចរិតបង្កចលាចលដល់សន្តិសុខសណ្តាប់ធ្នាប់សង្គម យ៉ាងពិតប្រាកដដោយយកបញ្ហាបរិស្ថាននិងធនធានធម្មជាតិធ្វើជាលេសបិទបាំងអំពើទុច្ចរិតរបស់ពួកគេ៕

ចាក់វ៉ាក់សាំងនៅតំបន់ក្រហម៖ ៥ថ្ងៃចាក់បានជិត ២០ម៉ឺននាក់ ពលរដ្ឋសម្តែងការរីករាយ និងអរគុណរាជរដ្ឋាភិបាល

 រយៈពេល៥ថ្ងៃនៃយុទ្ធនាការចាក់វ៉ាក់សាំងជូនប្រជាពលរដ្ឋនៅតំបន់ក្រហម ដែលជាតំបន់ប្រឈមនឹងការរីករាលដាលជំងឺកូវីដ១៩ ក្នុងរាជធានីភ្នំពេញ ក្រុមការងារចាក់វ៉ាក់សាំងរបស់ក្រសួងការពារជាតិ បានចាក់ជូនប្រជាពលរដ្ឋបានជិត២០ម៉ឺននាក់ហើយ។ យោងតាមរបាយការណ៍ ដែល Fresh News ទទួលបាននៅព្រឹកថ្ងៃព្រហស្បតិ៍ទី៦ ខែឧសភា បានបង្ហាញថា នៅថ្ងៃទី០៥ ខែឧសភា ម្សិលមិញនេះ ក្រុមការងារចាក់បាន ៤៨,៨៤៨នាក់ ស្រី ២៥,៣៨១នាក់។ សរុប៥ថ្ងៃចាក់បានចំនួន ១៩៦,០៦៦នាក់ ស្រី ១០២,៣៣៨នាក់។ ក្នុងនោះខណ្ឌមានជ័យ ចាក់បាន ៤១,៤៥១នាក់ ខណ្ឌដង្កោ ចាក់បាន ៤៧,៦៥២នាក់ ខណ្ឌកំបូល ចាក់បាន ៣៤,៨៦៦នាក់ និងខណ្ឌពោធិ៍សែនជ័យ ចាក់បាន ៧២,០៩៧នាក់។

នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ និងជាប្រធានក្រុមការងារចាក់វ៉ាក់សាំងនៅតំបន់ក្រហម ដែលបានចុះពិនិត្យជាប់ប្រចាំនូវដំណើរការចាក់វ៉ាក់សាំង បានកត់សម្គាល់ឃើញថា ការចាក់វ៉ាក់សាំងនេះ មានដំណើរការល្អប្រសើរ ហើយដំណើរការចាក់ក៏បានលឿនផងដែរ។ នាយឧត្តមសេនីយ៍ ឥត សារ៉ាត់ បានបញ្ជាក់ប្រាប់ Fresh News ថា ដើម្បីបង្កើនការចាក់ឱ្យសម្រេចតាមផែនការលោក ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានឱ្យបង្កើនទីតាំងមួយចំនួនបន្ថែម និងបានបង្កើនក្រុមគ្រូពេទ្យចាក់ច្រើនជាងមុនផងដែរ។

នាយឧត្តមសេនីយ៍ ឥត សារ៉ាត់ ក៏បានកត់សម្គាល់ឃើញពីការប្រឹងប្រែងរបស់ក្រុមការងារចាក់វ៉ាក់សាំងទាំងអស់ ដែលបានយកចិត្តទុកដាក់ និងបំពេញការងារយ៉ាងសស្រាក់សស្រាំដើម្បីចាក់វ៉ាក់សាំងជូនប្រជាពលរដ្ឋឱ្យបានតាមផែនការ ទោះបីជាតំបន់ចាក់វ៉ាក់សាំងនេះ ជាតំបន់រីករាលដាលជំងឺកូវីដ១៩ក្តី។ នាយឧត្តមសេនីយ៍ បានវាយតម្លៃខ្ពស់ចំពោះទឹកចិត្តដ៏មុះមុតរបស់ក្រុមការងារចាក់វ៉ាក់សាំង និងថ្លែងអំណរគុណដល់កិច្ចខិតខំប្រឹងប្រែងរបស់ក្រុមការងារដើម្បីសម្រេចផែនការរបស់រាជរដ្ឋាភិបាលជាប្រយោជន៍សម្រាប់ប្រជាពលរដ្ឋ។

សូមបញ្ជាក់ថា នៅថ្ងៃទី១ ខែឧសភា រាជរដ្ឋាភិបាលកម្ពុជា បានចាប់ផ្តើមយុទ្ធនាការចាក់វ៉ាក់សាំងជូនប្រជាពលរដ្ឋនៅក្នុងតំបន់ក្រហម ក្នុងសង្កាត់ចំនួន៣៣ នៃខណ្ឌមានជ័យ ខណ្ឌដង្កោក ខណ្ឌកំពូល និងខណ្ឌពោធិ៍សែនជ័យ។ ការចាក់នេះ គឺចាក់ជូនប្រជាពលរដ្ឋទូទៅ ដែលមានអាយុចាប់ពី ១៨ឆ្នាំឡើងទៅ។ បើតាមនាយឧត្តមសេនីយ៍ ឥត សារ៉ាត់ បានឱ្យដឹងថា ប្រជាពលរដ្ឋដែលនឹងត្រូវចាក់ក្នុងតំបន់ក្រហម៤ខណ្ឌនេះ មានចំនួនសរុប ៥២៥,៤៣៩នាក់៕

លោកឧបនាយករដ្ឋមន្រ្តី ទៀ បាញ់ ចុះត្រួតពិនិត្យការចាក់វ៉ាក់សាំងការពារជំងឺកូវីដជូនកីឡាករត្រៀមចេញប្រកួតស៊ីហ្គេម, វិស្វករ និងកម្មករកសាងក្រសួងការពារជាតិ ១,៥០០នាក់

 ភ្នំពេញ៖ លោកឧបនាយករដ្ឋមន្រ្តី ទៀ បាញ់ រដ្ឋមន្ត្រីក្រសួងការពារជាតិ នៅព្រឹកថ្ងៃទី៦ ខែឧសភា ឆ្នាំ២០២១ បានអញ្ជើញចុះត្រួតពិនិត្យដំណើរការចាក់វ៉ាក់សាំងការពារជំងឺកូវីដ១៩ ជូនដល់ក្រុមកីឡាករ កីឡាការិនី ត្រៀមចេញទៅប្រកួតស៊ីហ្គេម ក្រុមវិស្វករ បុគ្គលិក កម្មករកសាងក្រសួងការពារជាតិ និងកម្មករកសាងពហុកីឡដ្ឋានមរតកតេជោ ប្រមាណ១,៥០០នាក់។

ពិធីចាក់វ៉ាក់សាំងការពារជំងឺកូវីដ១៩ ជូនដល់ក្រុមកីឡាករ កីឡាការិនី ត្រៀមចេញទៅប្រកួតស៊ីហ្គេម ក្រុមវិស្វករ បុគ្គលិក និងកម្មករនា មានការចូលរួមពីសំណាក់ថ្នាក់ដឹកនាំក្រសួងការពារជាតិ ថ្នាក់ដឹកនាំកីឡាជាតិ និងអ្នកពាក់ព័ន្ធមួយចំនួនផងដែរ។ សម្រាប់វ៉ាក់សាំងការពារជំងឺកូវីដ១៩ ដែលនឹងត្រូវចាក់ជូនដល់ក្រុមកីឡាករ កីឡាការិនី ត្រៀមចេញទៅប្រកួតស៊ីហ្គេម ក្រុមវិស្វករ បុគ្គលិក និងកម្មករកសាងក្រសួងការជាតិ ព្រមទាំងកម្មករសាងសង់ពហុកីឡដ្ឋានមរតកតេជោ ប្រមាណ ១,៥០០នាក់នេះ គឺជាប្រភេទវ៉ាក់សាំងស៊ីណូហ្វាម៕

លិខិតមិត្តអ្នកអាន៖ ល្បិចនយោបាយ «មាន់រងាវមុនថ្ងៃរះ» ជាសម្រែកខ្មោចស៊ីពែ»(មានវីដេអូ)

អស់ពីល្បិចមួយចូលដល់ល្បិចមួយ ប៉ុន្តែសុទ្ធសឹងតែជាល្បិចរាក់កំផែលនិងនៅ លើគោក។ អ្នកនយោបាយតុកាហ្វេធ្លាប់បានបង្ហាញជូនក្នុងអត្ថបទមុន រួច ហើយអំពីឧបាយក លទុច្ចរិតរបស់ក្រុម នយោបាយឧទ្ទាមក្រៅច្បាប់ដែលកំពុងធ្វើនយោបាយចង់ឲ្យខ្មែរស្លាប់ដោយសារ កូវីដ-១៩ តាំងពីជំងឺនេះចាប់ផ្តើមផ្ទុះដំបូងមកម្ល៉េះ ប៉ុន្តែ នយោបាយនេះតែងតែទទួលបរាជ័យទាំងស្រុងនិងជារៀងរហូត មក។

ឥឡូវនេះ ខ្ញុំចង់បង្ហាញជ្រុងមួយទៀតនៃឧបាយកលទុច្ចរិតរបស់ក្រុមអ្នក នយោបាយមោហ៍បាំងនេះដែលសារជាតិរបស់វានៅតែដដែលដោយគ្រាន់តែប្តូររូបភាពបន្តិចបន្តួចប៉ុណ្ណោះ ពោលគឺ «បើធ្វើអ្វីមិនកើត យ៉ាងហោចណាស់ក៏អាចតាមស៊ីពែរដ្ឋាភិបាលលោក ហ៊ុន សែន បានខ្លះដែរតាមរយៈ «នយោបាយមាន់រងាវ មុនថ្ងៃរះ»។

គេនៅចាំបានថា នៅពេលដែលវិធានការបិទខ្ទប់រាជធានីភ្នំពេញនិងក្រុងតាខ្មៅ២សប្តាហ៍ ដំបូងជិតផុតកំណត់នៅថ្ងៃទី ២៨ មេសា មេក្រុមឧទ្ទាមនយោបាយក្រៅច្បាប់បានអំពាវនាវឲ្យរដ្ឋាភិបាលបញ្ឈប់ការ បិទខ្ទប់ ឬបន្ធូរបន្ថយវិធានការខ្លះដោយធ្វើខ្លួនជាអ្នកឈឺឆ្អាលនឹងសុខទុក្ខរបស់ប្រជាពលរដ្ឋ។ ក្រោយមកទៀត នៅពេលដឹងថា អង្គការមនុស្សធម៌មួយចំនួនបានត្រៀមផ្តល់ជំនួយដល់កម្ពុជា ក្រុមដដែលនេះក៏ធ្វើជាស្រែកអំពាវនាវឲ្យកាកបាទក្រហមអន្តរជាតិជួយដល់ពលរដ្ឋខ្មែរក្នុងតំបន់រាំងខ្ទប់។

ឥឡូវនេះ ដល់ពេលវិធានការបន្ថែមមួយសប្តាហ៍ក្នុងការបិទខ្ទប់ត្រូវផុតកំណត់នៅថ្ងៃទី ៥ ឧសភា អ្នកនយោបាយឧទ្ទាមក្រៅច្បាប់ដដែលក៏ចេញមុខមកនិយាយបែបមនុស្សក្រឡកខួរថា នឹងប្តឹងរដ្ឋាភិបាល លោក ហ៊ុន សែន ទៅ តុលាការព្រហ្មទណ្ឌអន្តរជាតិ (ICC) ប្រសិនបើមិនព្រមបន្ធូរបន្ថយវិធានការបិទខ្ទប់ទេនោះ ដោយចោទថា វិធានការបិទខ្ទប់ដើម្បីការពារអាយុជីវិតពលរដ្ឋខ្មែរ កុំឲ្យឆ្លងនិងស្លាប់ដោយកូវីដ ១៩ ដែលរដ្ឋាភិបាលបានដាក់ ចេញគឺជាអំពើ ឃោរឃៅធ្វើឲ្យពលរដ្ឋស្លាប់ដោយ

អត់បាយ។ នេះហើយដែលហៅថា «នយោបាយមាន់រងាវមុនថ្ងៃរះ»។

ហេតុអ្វី? ពីព្រោះពួកគេដឹងច្បាស់រួចទៅ ហើយថា «ទោះបីជា មាន់មិនរងាវ ក៏ថ្ងៃនៅតែរះ»ពោលគឺទោះបីជាពួកគេមិនស្រែក ក៏ក្រោយរយៈពេល២ឬ៣សប្តាហ៍ វិធានការបិទខ្ទប់នឹងត្រូវបញ្ចប់ឬបន្ថូរបន្ថយជាក់ជាមិនខាន។ ដូច្នេះ ពួកគេក៏ធ្វើជាប្រឹងស្រែកទាមទារដើម្បីចង់ទាញផលចំណេញខ្លះពី នយោបាយរបស់រដ្ឋាភិបាលតែប៉ុណ្ណោះ តាមរបៀប«សម្រែកខ្មោចចាំស៊ីពែ»។

ឥឡូវនេះ យើងក្រឡេកមកមើលវិធានការបិទខ្ទប់វិញម្តង។ សំណួរសួរថា «តើមានពលរដ្ឋខ្មែរ ប៉ុន្មាននាក់ហើយដែល បានស្លាប់ដោយអត់បាយដោយសារវិធានការរាំងខ្ទប់នេះ? គឺគ្មានបញ្ហាបែបនេះកើតឡើងទាល់តែសោះ សូម្បីតែមួយករណីក៏គ្មានដែរ»។ ប្រជាពលរដ្ឋគ្រប់រូប គ្រប់គ្រួសារនៅក្នុងតំបន់បិទខ្ទប់សុទ្ធតែទទួលបានការជួយ ឧបត្ថម្ភជាស្បៀងអាហារគ្រប់ៗគ្នា។ ផ្ទុយទៅវិញ ជំងឺកូវីដ-១៩ ទេតើដែល បាននិងកំពុងសម្លាប់ពលរដ្ឋខ្មែរជាបន្តបន្ទាប់។ អ្វីដែលអាក្រក់ជាងកូវីដ ១៩ ទៅទៀត នោះគឺ មានពពួកមនុស្សដែលចង់ឃើញខ្មែរស្លាប់ច្រើនជាង នេះទៅទៀត។

អ្នកដែលប្រឆាំងនឹងវិធានការការពារកុំឲ្យមនុស្សស្លាប់នោះហើយដែលជាពពួកមនុស្សទុច្ចរិតដែលចង់ឃើញខ្មែរស្លាប់កាន់តែច្រើនដើម្បីខ្លួនអាចកេងចំណេញនយោបាយពីទុក្ខសោករបស់ពលរដ្ឋ។

ប៉ុន្តែ រហូតមកទល់ពេលនេះ រដ្ឋាភិបាលរបស់លោក ហ៊ុន សែន បាននិងកំពុងខិតខំធ្វើសកម្មភាពគ្រប់បែបយ៉ាងដើម្បីកាត់បន្ថយករណីស្លាប់ដោយសាររោគរាតត្បាតដ៏កាចសាហាវ នេះឲ្យនៅក្នុងកម្រឹតតិចតួចបំផុតតាមដែលអាចធ្វើបាន។

លទ្ធផលដែលទទួល បាននៅពេលនេះ គឺកើតចេញពីវិធានការដ៏ម៉ត់ចត់និងមុតស្រួចរបស់រដ្ឋាភិបាលនេះឯង។ ក្រឡេកមើលបណ្តា ប្រទេសមួយចំនួនរាប់ទាំងបណ្តាប្រទេសដែលក្រុមឧទ្ទាមនយោបាយកំពុងជ្រកកោនផង មានមនុស្សស្លាប់រាប់សែន នាក់និងរាប់មឺនសែន ករណីឆ្លងក្នុងមួយថ្ងៃៗ ដោយសារតែវិធានការមិនដិតដល់របស់អាជ្ញាធរនិងការបំពានវិធានការពីសំណាក់ប្រជាពលរដ្ឋ។

គ្មានអ្វីគួរអោយសង្ស័យឡើយដែលក្រុមឧទ្ទាមនយោបាយចង់ឃើញពលរដ្ឋខ្មែរ ស្លាប់គរជើងលើគ្នាដូចក្នុងបណ្តាទាំងនោះដែរទើបពួកគេខិតខំ បញ្ចេញសំឡេងបែបមនុស្សដែលមានសតិមិនប្រក្រតីបែប នេះ។ ប្រជាពលរដ្ឋខ្មែរ ពិតជានឹងចងចាំទុកនូវចេតនាទុច្ចរិតរបស់ក្រុមនយោបាយមួយនេះ។ ដូច្នេះ អ្នកដែលជាឃាតកសម្លាប់ពលរដ្ឋខ្មែរពិតប្រាកដគឺក្រុមនយោបាយទុច្ចរិតទាំងនោះទេ ជាពិសេសគឺមេឧទ្ទាមដែលជាត្រកូលក្បត់ជាតិតពូជទេតើពីព្រោះក្រុមនេះតែង តែធ្វើសកម្មភាពនិង ប្រើល្បិចពិសពុលគ្រប់បែបយ៉ាងក្នុងគោលបំណងធ្វើឲ្យវិធានការការពាររបស់រដ្ឋាភិបាលដើម្បីការពារអាយុជីវិតពលរដ្ឋទទួលបរាជ័យ។

លើការជាក់ស្តែង សូម្បីតែវិធានការសុខាភិបាលដែលរដ្ឋាភិបាលក្នុង ពិភពលោក រាប់ទាំងប្រទេសដែលពួកគេកំពុងជ្រកកោនផងក៏បានធ្វើដែរ ដូចជាការតម្រូវឲ្យប្រជាពលរដ្ឋពាក់ម៉ាស ឬរក្សាគម្លាតសង្គមជាដើមក៏ពួកគេមិន ដែលបានជួយអំពាវនាវឲ្យពលរដ្ឋខ្មែរអនុវត្តដើម្បីការពារអាយុជីវិតពីរោគរាតត្បាតនេះដែរ។ ផ្ទុយទៅវិញ ពួកគេគិតតែពីលេងល្បែង នយោបាយចាស់គំរឹលតាមរយៈការធ្វើវិទ្ធង្សនាដើម្បីធ្វើឲ្យរាំងស្ទះដល់ការអនុវត្តវិធានការសុខាភិបាលដែលដាក់ចេញដោយរដ្ឋាភិបាលទៅវិញ។ ពួកគេខិតខំបំភាន់ បំពុល បំភ្លៃ តាមរយៈការប្រឌិតព័ត៌មានក្លែងក្លាយជាច្រើនរាប់មិនអស់ដូចជាការប្រមូលសកម្មជនកាន់បដាថតរូបនៅក្រៅ ប្រទេសហើយបង្ហោះថាជារូបនៅស្រុកខ្មែរជាដើម។ ហើយអ្វីដែលអាក្រក់បំផុត គឺ ការប្រើប្រាស់រូបភាពកុមារដើម្បីធ្វើអាជីវកម្ម នយោបាយ។

ល្បិចទាំងអស់នេះត្រូវបានពួកគេរៀនសូត្រពីចៅហ្វាយបរទេស ហើយត្រូវបានប្រើប្រាស់ដដែលៗអស់រយៈពេលជាច្រើនទសវត្សរ៍មកហើយក្នុងគោលដៅតែម្យ៉ាងគត់គឺបើពលរដ្ឋខ្មែរស្លាប់ ច្រើននិងរងទុក្ខវេទនាខ្លាំងកាលណា គឺពួកគេរំពឹងថានឹងទទួលបានផលចំណេញ នយោបាយនៅពេលនោះដែរ។

ប៉ុន្តែ កម្ពុជាពិតជាមានសំណាងដែលមានមេដឹកនាំជាបុរសខ្លាំងដូចលោកនាយករដ្ឋមន្ត្រី ហ៊ុន សែន ដែលអាចកាច់បំបាក់ធ្មុងក្រុមនយោបាយឧទ្ទាមនេះបានគ្រប់ស្នៀត ហើយគ្រប់គ្រងសភាពការណ៍បានយ៉ាងរឹងមាំនៅក្នុងប្រទេស។ ចំណុចខ្លាំងរបស់លោក ហ៊ុន សែន គឺនៅត្រង់ការក្តាប់ សភាពការណ៍យ៉ាងណែននិងគ្រប់ជ្រុង ជ្រោយ ហើយចាត់វិធានការបានយ៉ាងរហ័សទាន់ពេលវេលានិងចំគោលដៅ។ នៅគ្រប់ដំណាក់កាល លោក ហ៊ុន សែន តែងតែដើរមុនសភាពការណ៍គ្រប់ជំហាន ហើយរាល់ចំណាត់ការដែលដាក់ចេញគឺមិនដែលខុស។

ជាក់ស្តែង នយោបាយវ៉ាក់សាំង, ការរៀបចំត្រៀមបម្រុងថវិកា, ស្បៀងអាហារ, ក្រុមគ្រូពេទ្យ, គ្រឿងបរិក្ខាពេទ្យរហូតដល់កន្លែងបូជាសព....

សុទ្ធសឹងជាការត្រៀមខ្លួនទុកមុនបានយ៉ាងល្អមុនពេលដែលសភាពការណ៍បានមកដល់។ សូមកុំភ្លេចថា ក្រុមគ្រូពេទ្យស្ម័គ្រចិត្តសម្តេចតេជោ ហៅកាត់ថា THYDA គឺជាកម្លាំងបម្រុងយ៉ាងសំខាន់ក្នុងប្រតិបត្តិការព្យាបាលនិងសង្គ្រោះអ្នកជំងឺកូវីដ ១៩។ ប្រសិនបើគ្មានក្រុមគ្រូពេទ្យស្ម័គ្រចិត្តនេះទេ ម្ល៉េះសមគ្រូពេទ្យទាំងឡាយនៃមន្ទីរពេទ្យរដ្ឋនឹងត្រូវយកមកប្រើក្នុងប្រតិបត្តិការ នេះដែលធ្វើឲ្យការព្យាបាលជំងឺផ្សេង ទៀតត្រូវបានរាំងស្ទះជាក់ជាមិនខាន។ នេះជាចំណុចយុទ្ធសាស្ត្រ ដ៏សំខាន់ដែលគេមិនអាចមើលរំលងបានឡើយ។ ហេតុដូច្នេះហើយបានជាគេឃើញ«ក្រុមគ្រូពេទ្យស្ម័គ្រចិត្តសម្តេចតេជោ» បានដើរតួនាទីយ៉ាងសំខាន់ក្នុងប្រតិបត្តិការសង្គ្រោះអ្នកជំងឺកូវីដ ១៩។ នេះមិនមែនជារឿងចៃដន្យនោះទេ ប៉ុន្តែ គឺជាយុទ្ធសាស្ត្រ ប្រកបដោយទស្សនៈវិស័យវែងឆ្ងាយរបស់លោក ហ៊ុន សែន។

ចំណែកឯក្រុមឧទ្ទាមនយោបាយក្រៅច្បាប់វិញ ក្រៅពីនយោបាយញុះញង់ ច្រណែន និន្ទា ឈ្នានិស បំពុលបំភាន់និងបំភ្លៃ, ពួកគេមិនចេះធ្វើអ្វីដើម្បីជាអំពើល្អរបស់ក្រុមខ្លួនឡើយក្រៅពីប្រើការល្បិច«មាន់រងាវមុនថ្ងៃរះ»។ ហេតុអ្វីពួកនេះចូលចិត្តប្រើប្រាស់នយោបាយបែនេះជាញឹកញាប់? គឺដោយសារតែ«ពួកគេគ្មានយុទ្ធសាស្ត្រ នយោបាយអ្វីទាំងអស់ ហើយតែងតែដើរ ក្រោយលោក ហ៊ុន សែន គ្រប់ជំហាន។ ដូច្នេះ បើមិនអាចធ្វើអីបាន យ៉ាងហោចណាស់ក៏អាចឆ្លៀតស៊ីពែនយោបាយលោក ហ៊ុន សែនបានខ្លះៗដែរដើម្បីកុំឲ្យបាក់មុខ មាត់ពេក»។

សូមចាំមើលចុះ ទីបំផុត នៅពេលដែលបំណង ចង់ឲ្យខ្មែរស្លាប់ច្រើនមិនបានសម្រេច ពួកគេក៏នឹងបកស្រាយ តាមស្នៀតដដែលដោយឥតអៀនខ្មាសថា«ពាក្យបណ្តឹងទៅតុលាការព្រហ្មទណ្ឌអន្តរជាតិនោះមិនត្រូវបានធ្វើទេដោយសារតែរដ្ឋាភិបាលបានបន្ធូរបន្ថយការបិទខ្ទប់តាមសំណើររបស់ខ្លួនហើយ»។ នេះហើយដែលហៅថា «នយោបាយមាន់រងាវ មុនថ្ងៃរះ»ដើម្បីឆ្លៀតស៊ីពែពីនយោបាយរបស់រដ្ឋាភិបាលដែលជាល្បិចកលទុច្ចរិតចាស់គំរឹលរបស់ក្រុមឧទ្ទាមនយោបាយក្រៅច្បាប់។ ល្បិចស្ទើរភ្លើងបែប នេះពិតជាមិនអាចរំលងពីក្រសែភ្នែកមហាជនខ្មែរបានឡើយ៕

ដោយ:អ្នកនយោបាយតុកាហ្វ

TOP NEWS: រាជរដ្ឋាភិបាល ចេញសេចក្តីណែនាំពិសេស ដើម្បីពង្រឹងការអនុវត្តវិធានការចាំបាច់មួយចំនួន ទប់ស្កាត់ការឆ្លងរាលដាលនៃជំងឺកូវីដ១៩

(ភ្នំពេញ)៖ នៅថ្ងៃទី០៤ ខែឧសភា ឆ្នាំ២០២១នេះ ប្រមុខរាជរដ្ឋាភិបាលសម្តេចតេជោ ហ៊ុន សែន បានចេញសេចក្តីណែនាំពិសេស ដើម្បីពង្រឹងការអនុវត្តវិធានការចាំបាច់មួយចំនួន ទប់ស្កាត់ការឆ្លងរាលដាលនៃជំងឺកូវីដ១៩ បន្ទាប់ពីរាជរដ្ឋាភិបាលបានសម្រេចបិទបញ្ចប់ការបិទខ្ទប់ភូមិសាស្រ្តរាជធានីភ្នំពេញ និងក្រុងតាខ្មៅ នៃខេត្តកណ្តាល។

សេចក្តីណែនាំរបស់សម្តេចតេជោ ហ៊ុន សែន បានបង្ហាញ១១ចំណុចទៅកាន់អភិបាលរាជធានី ខេត្ត និងក្រសួងពាក់ព័ន្ធនានា ដើម្បីអនុវត្តទប់ស្កាត់ការរីករាលដាលជំងឺកូវីដ១៩នៅកម្ពុជា។ សូមអានសេចក្តីណែនាំទាំងស្រុងដូចខាងក្រោម៖