Thursday, December 22, 2022

សម្តេចតេជោ ហ៊ុន សែន ៖ ប្រកាសប្ដឹងអ្នកណា ដែលចោទគណបក្សប្រជាជនកម្ពុជា ថាលួចបន្លំសន្លឹកបោះឆ្នោត

សម្ដេចតេជោ ហ៊ុន សែន ថ្លែងថា គណបក្សប្រជាជនកម្ពុជា នឹងប្រកាសប្តឹងទៅលើអ្នកណាដែលចោទថា លួចបន្លំឆ្នោត ការប្តឹងនេះ ជាការទាមទារយុត្តិធម៌ផង និងដើម្បីបញ្ចប់វប្បធម៌លាបពណ៌ និងចោទប្រកាន់ដោយគ្មានមូលដ្ឋានច្បាស់លាស់មកលើគណបក្សប្រជាជនកម្ពុជា បន្ទាប់ពីមានការបោះឆ្នោតរួច។

សម្តេចតេជោ ហ៊ុន សែន នាយករដ្ឋមន្ត្រី ថ្លែងបែបនេះ នៅថ្ងៃទី២២ ខែធ្នូ ឆ្នាំ២០២២ ក្នុងឱកាសអញ្ជើញជាអធិបតីសម្ពោធដាក់ឲ្យប្រើប្រាស់ផ្លូវលេខ១៤៦ម៉ែត្រ ភ្ជាប់ទៅផ្លូវលេខ១៤៨ ក្នុងខេត្តព្រះសីហនុ។

សម្តេចតេជោ ហ៊ុន សែន ថ្លែងបន្តថា អំពីការប្ដឹងទាសំណងលើទណ្ឌិត សម រង្ស៊ី ដែលបច្ចុប្បន្នទទួលបានចំនួន ៧០ម៉ឺនដុល្លារហើយ ខណៈលោក សុន ឆ័យ ក៏កំពុងតែជាប់បណ្ដឹងនៅតុលាការផងដែរ។

សូមបញ្ជាក់ជូនថា ការបោះឆ្នោតមានវត្តមានចូលរួមពីគណបក្សនយោបាយទាំងអស់ ជាពិសេសអ្នកសង្កេតការណ៍ជាតិ និងអន្តរជាតិ ព្រមទាំងអ្នកសារព័ត៌មាននៅតាមការិយាល័យបោះឆ្នោតគ្រប់រាជធានី-ខេត្តផងដែរ។ ការបោះឆ្នោតប្រពឹត្តទៅដោយតម្លាភាព និងត្រឹមត្រូវតាមច្បាប់របស់គណៈកម្មាធិការជាតិរៀបចំការបោះឆ្នោត បែរជាបក្សប្រឆាំងចោទទៅលើគណបក្សប្រជាជនកម្ពូជា ថាបានលួចបន្លំសន្លឹកឆ្នោតទៅវិញ នេះជាទង្វើអសីលធម៌ គ្មានគុណធម៌ទាល់សោះរបស់បក្សឆាំងឱ្យតែចាញ់ឆ្នោត តែងតែទ្បាំប៉ា និងចោទប្រកាន់ដោយគ្មានមូលដ្ឋានច្បាស់លាស់៕




No comments:

Post a Comment