សម្តេចតេជោ ហ៊ុន សែន៖ អ្វីដែលសំខាន់ជាងគេគឺអាយុជីវិតរបស់ប្រជាពលរដ្ឋយើង

សម្តេចតេជោ ហ៊ុន សែន បានថ្លែងថា រាជរដ្ឋាភិបាលផ្តល់អាទិភាពខ្ពស់បំផុតដល់សិទ្ធិរស់រានមានជីវិតរបស់ប្រជាពលរដ្ឋ ទើបអាចទទួលបានសិទ្ធិផ្សេងៗទៀត។ សម្តេចបានថ្លែងដូចនេះនៅព្រឹកថ្ងៃទី១៣ ខែមិថុនា ឆ្នាំ២០២២ ក្នុងឱកាសអញ្ជើញជាអធិបតីក្នុងពិធីបិទ និងប្រគល់សញ្ញាបត្រក្នុងវគ្គបណ្ដុះបណ្ដាលឆ្នាំ២០២០ ២០២១ និងបើកវគ្គបណ្ដុះបណ្ដាលឆ្នាំ២០២២ របស់សាលាភូមិន្ទរដ្ឋបាលជាង២ពាន់នាក់ នៅរាជធានីភ្នំពេញ។ សម្តេចតេជោ ហ៊ុន សែន បានគូសបញ្ជាក់ថា ដោយសារតែយើងទទួលបានសិទ្ធិរស់រានមានជីវិតនេះហើយ ទើបយើងអាចទទួលបានសិទ្ធិដទៃទៀតដូចជា សិទ្ធិបង្កើតគណបក្សនយោបាយ សិទ្ធិសេរីភាពសារព័ត៌មាន សិទ្ធិបង្កើតអង្គការសមាគម រួមទាំងសិទ្ធិនៃដំណើរការប្រជាធិបតេយ្យផងដែរ។ សម្តេចតេជោ ហ៊ុន សែន ក៏បានគូសបញ្ជាក់ថា កម្ពុជាទទួលស្គាល់សិទ្ធិទាំងអស់ មិនដូចការលើកឡើងបំភ្លៃរបស់មជ្ឈដ្ឋានអគតិមួយចំនួននោះឡើយ ប៉ុន្តែផ្តល់តម្លៃខ្ពស់ជាអាទិភាពទៅលើសិទ្ធិរស់រានមានជីវិតរបស់ប្រជាជន៕