កាកបាទក្រហមកម្ពុជាខេត្តស្វាយរៀង នាំយកអំណោយមនុស្សធម៌ ផ្តល់ជូនលោកតា ប្រាក់ អ៊ុ អាយុ ១០២ ឆ្នាំ នៅស្រុករមាសហែក

ស្វាយរៀង៖ នៅថ្ងៃទី២៨ ខែកក្កដា ឆ្នាំ ២០២១ ក្រុមការងារសាខាកាកបាទក្រហមកម្ពុជាខេត្តស្វាយរៀង  ដឹកនាំដោយលោកស្រី ដួង វណ្ណា ប្រធានកិត្តិយសសាខា រួមដំណើរដោយ លោកស្រី ពៅ សុភាព ហេរញ្ញឹកគណៈកម្មាធិការសាខា និងមានការនិមន្តចូលរួមពីព្រះមេធវង្សបណ្ឌិត សុខ ប៊ុន ធឿន អនុប្រធានកិត្តិយសសាខា បាននាំយកអំណោយមនុស្សធម៌ ចុះសួរសុខទុក្ខ និងផ្តល់ជូនលោកតា ប្រាក់ អ៊ុ អាយុ ១០២ ឆ្នាំ មានកូន ៨ នាក់ ចៅ៥០នាក់ ព្រមទាំងមានមានចៅទួត ទៀតផង គាត់រស់នៅភូមិត្រពាំរុន ឃុំ ចន្ត្រី ស្រុករមាសហែក។

សព្វថ្ងៃ លោកតាមានជីវភាព មធ្យម ព្រោះគាត់រស់នៅជាមួយកូនៗ ចៅៗ ដែលផ្តល់អាហារ ហូបចុកប្រចាំថ្ងៃមិនមានការខ្វះខាតឡើយ។

អំណោយដែលបានផ្តល់ជូនរួមមាន៖ អង្ករ ៦០ គីឡូក្រាម ឃីត ១ កញ្ចប់(មុង ភួយ ក្រម៉ា សារុង) ត្រីខកំប៉ុង ២យួរ ទឹកផ្លែឈើ ២កេស ទឹកបរិសុទ្ធ ២កេសទឹកត្រី ៦ ដប ទឹកស៊ីអ៊ីវ ៦ ដប ម៉ាស ១០០ សន្លឹក អាកុល ២,៥០ លីត្រ អាវយឺត ១ មី ១ កេស ថវិកា៥ សែន រៀល។

ក្នុងនោះ ព្រះមេធវង្សបណ្ឌិត សុខ ប៊ុន ធឿន បានឧបត្ថម្ភបន្ថែម៖ អង្ករ ៧០ គីឡូក្រាម មីកំប៉ុង ៦០ កំប៉ុង ក្រម៉ា  ១ កន្សែងពោះគោ២ សាប៊ូ ១០ដុំ ថ្នាំពេទ្យមួយចំនួន ជែល ៥ ដប ស្បែកជើង ៥ គូរ ទឹកក្រូច ៣ កេស ទឹកដោះគោភីឌីស៊ួ ៨ ដប ថវិកា៣ សែនរៀល ព្រមទាំងអាជ្ញាធរភូមិ ឃុំ  ព្រះសង្ឃវត្ត ត្រពាំងរុន បានចូលរួមឧបត្ថម្ភ សម្ភារមួយចំនួនផងដែរ៕