ក្រុមថែរក្សាបរិក្ខារទេសចរណ៍ដំឡើងជណ្តើរឈើថ្មីនៅប្រាសាទបន្ទាយសំរ៉ែ

ក្រុមថែរក្សាបរិក្ខារទេសចរណ៍ នៃនាយកដ្ឋានអភិវឌ្ឍន៍ទេសចរណ៍អង្គរ បានដំឡើងជណ្តើរឈើថ្មីចំនួនពីរទីតាំង គឺទី១នៅទិសខាងត្បូង និងទី២ទិសខាងជើងនៃប្រាសាទបន្ទាយសំរ៉ែ ដែលការងារនេះត្រូវបានបញ្ចប់រួចរាល់ហើយ។  

ការដំឡើងជណ្តើរឈើនេះ ក្នុងគោលបំណង ដើម្បីរក្សាបាននូវសុវត្ថិភាពអ្នកទស្សនា ការពារមិនឱ្យភ្ញៀវទេសចរជាន់លើថ្មនាំឱ្យរអិល ឬធ្លាក់ដោយយថាហេតុណាមួយបង្កគ្រោះថ្នាក់ផ្សេងៗ និងរួមចំណែកការពារផលប៉ះពាល់ដល់ថ្មប្រាសាទជាដើម។ 

សូមបញ្ជាក់ដែរថា ទោះបីស្ថានភាពជំងឺកូវីដ១៩រីករាលក៏ពិតមែន កិច្ចការអភិរក្ស ការថែទាំ ជួសជុលក្នុងតំបន់រមណីយដ្ឋានអង្គរនៅតែដំណើររហូតក្នុងន័យដើម្បីកិច្ចការលើកតម្កើងបេតិកភណ្ឌជាតិ៕