នៅថ្ងៃទី១១ ខែកញ្ញា លោកនាយករដ្ឋមន្រ្តី ហ៊ុន សែន នឹងដឹកនាំកិច្ចប្រជុំពេញអង្គគណៈរដ្ឋមន្រ្តី

គណៈរដ្ឋមន្រ្តី នឹងបើកកិច្ចប្រជុំពេញអង្គគណៈរដ្ឋមន្រ្តីនៅម៉ោង ៨និង៣០នាទី ព្រឹកថ្ងៃទី១១ ខែកញ្ញា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់របស់លោកនាយករដ្ឋមន្រ្តី ហ៊ុន សែន ដើម្បីពិភាក្សា និងឆ្លងលើរបៀបវារៈមួយចំនួននៅទីស្តីការនាយករដ្ឋមន្រ្តី ។

យោងតាមហ្វេសប៊ុករបស់លោក ផៃ ស៊ីផាន អ្នកនាំពាក្យរាជរដ្ឋាភិបាល នៅថ្ងៃទី៩ ខែកញ្ញា ឆ្នាំ២០១៩ បានឲ្យដឹងថា របៀបវារៈរួមមាន៖ 

១- ការធានារបស់រាជរដ្ឋាភិបាល សម្រាប់គម្រោងទិញ ថាមពលអគ្គិសនីផលិតដោយធ្យូងថ្ម ២៤០០ មេហ្កាវ៉ាត់ពីប្រទេសឡាវ។ 

២- បញ្ហាផ្សេងៗ តាមសំណើសុំការយល់ព្រម ពីគណៈរដ្ឋមន្រ្តី ដើម្បីសុំការអនុម័តយល់ព្រម ពីស្ថាប័ននីតិប្បញ្ញត្តិលើ កិច្ចព្រមព្រៀងអាស៊ាន ស្តីពីពាណិជ្ជកម្មតាមប្រព័ន្ធអេឡិចត្រូនិក និងកិច្ចព្រមព្រៀង ស្តីពីការបង្កើតក្របខណ្ឌសម្ព័ន្ធភាព ថាមពលព្រះអាទិត្យអន្តរជាតិ៕