ការរៀប​​ចំច្បាប់​​សម្រាប់​​សម្ភារ:​បរិក្ខា​ពេទ្យ​ជា​ការចាំ​បាច់​សម្រាប់​​ការគ្រប់​គ្រង​វិស័យ​សុខា​​ភិបាលនៅ​ក្នុងបណ្តា​​ប្រទេស​​អាស៊ាន

នៅថ្ងៃទី១៩ ខែមេសា ឆ្នាំ២០១៧នេះ កិច្ចប្រជុំគណ:កម្មការសម្ភារ:បរិក្ខាពេទ្យអាស៊ាន បានប្រារព្ធពិធីបើកក្រោមអធិបតីភាពលោកស្រី ឱ វណ្ណឌីន អគ្គនាយកបច្ចេកទេសសុខាភិបាល ដោយមានការអញ្ជើញចូលរួមពីប្រធានមន្ទីរសុខាភិបាលខេត្តសៀមរាប ប្រធាននិងមន្ត្រីនាយកដ្ឋាន ឱសថ ចំណីអាហារ គ្រឿងសម្អាង និងបរិក្ខារពេទ្យ និងបណ្តាប្រទេសជាសមាជិកអាស៊ាន ព្រមទាំងលេខាធិការដ្ឋានអាស៊ាន សរុបចំនួនប្រហែល៥០នាក់។
លោកស្រី ឱ វណ្ណឌីន បានមានប្រសាសន៍ថា ការរៀបចំច្បាប់សម្រាប់សម្ភារ:បរិក្ខាពេទ្យជាការចាំបាច់សម្រាប់ការគ្រប់គ្រងនៃវិស័យសុខាភិបាលនៅក្នុងបណ្តាប្រទេសអាស៊ាន ហើយយើងនឹងបន្តពង្រឹងការងារនេះនៅក្នុងបរបទសមាណហរកម្មសេដ្ឋកិច្ចអាស៊ាន និងការត្រួតពិនិត្យតាមដានគុណភាពសម្ភារ:បរិក្ខាពេទ្យ ដើម្បីចៀសវាងហានិភ័យនិងគ្រោះថ្នាក់ដល់សុខភាពប្រជាជននៅពេលប្រើប្រាស់ក្នុងវិស័យសុខាភិបាល ក៏ដូចជាពេលផលិតនៅតាមរោងចក្រសហគ្រាស។ មានការកត់សម្គាល់នូវបញ្ហាមួយចំនួនដែលជួបប្រទះនោះ គឺការដាក់ច្បាប់ឆ្លងជាផ្លូវការអាចទាមទារពេលវេលាយូរ កង្វះធនធានមនុស្សនិងសមត្ថភាពក្នុងការធ្វើអធិការកិច្ចនិងការគោរពច្បាប់ដែលត្រូវចូលរួមដោះស្រាយ និងកង្វះខាតការចូលរួមការប្រើប្រាស់ព័ត៌មានបានមកពីការធ្វើអធិការកិច្ចក្រោយដាក់លក់លើទីផ្សារ (post-marketing) ដែលត្រូវជំរុញបន្ថែម គឺជាចំណុចសំខាន់ៗដែលលោកស្រីបានលើកជូនអង្គប្រជុំចូលរួមពិភាគ្សា លើកជាដំណោះស្រាយរួមគ្នាក្នុងក្របខណ្ឌអាស៊ានផងដែរ៕