ប្រជាពលរដ្ឋកម្ពុជាទូទៅ ជាអ្នកទទួលផលប្រយោជន៍ពី “វប្បធម៌សន្ទនា” រវាងសម្តេចតេជោ ហ៊ុន សែន មេដឹកនាំនៃគណបក្សប្រជាជនកម្ពុជា (CPP) និងជានាយករដ្ឋមន្រ្តីនៃរាជរដ្ឋាភិបាល
កម្ពុជាជាមួយលោក សម រង្ស៊ី ប្រធានគណបក្សសង្រ្គោះជាតិ (CNRP) និងជាមេដឹកនាំសម្លេង
ភាគតិចនៅក្នុងរដ្ឋសភា។
ក្នុងនាមជាមេដឹកនាំបក្សនយោបាយរបស់ខ្លួនមេដឹកនាំទាំងពីរមានឋានៈស្មើគ្នា។និយាយអំពីមុខតំណែងរៀងៗខ្លួននៅក្នុងអំណាចដឹកនាំជាតិវិញភាគីម្ខាងបំពេញបន្ថែមទៅលើភាគីម្ខាងទៀតដោយគ្មានភាគីណាគ្របទៅលើភាគីណាទេ។
បណ្ឌិតខាងរដ្ឋធម្មនុញ្ញនិងខាងច្បាប់ ដែលមាន សេចក្តីសុខក្សេមក្សាន្តនៅក្នុងវិមានភ្លុករបស់ខ្លួន
បាននៅស្ងៀមស្ងាត់រយៈពេលរាប់សប្តាហ៍ ប្រហែលជារាប់ខែហើយក៏ប្រហែលជារាប់ឆ្នាំទៀតផង។
មានតែអ្នកវិភាគនយោបាយជាតិកម្ពុជា ប៉ុណ្ណោះទេដែលបានយកចិត្តទុកដាក់ពិចារណាទៅលើគំរូនៃ
“វប្បធម៌សន្ទនា” របស់កម្ពុជាដែល ដូចសព្វដង គឺនិយាយអំពីចំណុចវិជ្ជមាននិងអវិជ្ជមាននៃវប្បធម៌នេះតាមការយល់ឃើញរៀងៗ
ខ្លួន។ ប៉ុន្តែតួអង្គចម្បងសុទ្ធតែមានសុទិដ្ឋិនិយមព្រមទាំងសន្យាថារក្សាវប្បធម៌ថ្មីនេះឲ្យបានគង់វង់។
សម្តេចតេជោ ហ៊ុន សែន បានភ្ជាប់«
វប្បធម៌សន្ទនា »នេះទៅនឹងយុទ្ធសាស្រ្ត ឈ្នះ-ឈ្នះ របស់លោកដែល «មានតែមួយគ្មានពីរនៅលើពិភពលោក
»ដូចដែលសម្តេចតេជោបានថ្លែងនិង មានជំនឿចិត្តយ៉ាងខ្លាំងថា «វប្បធម៌សន្ទនា»
នេះតាមដែលលោកយល់ឃើញនោះ នឹងក្លាយទៅ ជាជោគជ័យមួយទៀតនៅក្នុងសម័យកាលរបស់លោក។
ចំពោះលោក សម រង្ស៊ី វិញលោកបាន
ថ្លែងជាសាធារណៈទៅកាន់អ្នកគាំទ្រលោកថាលោកនឹងរក្សា «វប្បធម៌សន្ទនា» នេះហើយតាម
ដែលលោកយល់ឃើញ“វប្បធម៌សន្ទនា”គឺជាមធ្យោបាយមួយក្នុងការដោះស្រាយបញ្ហាសង្គមបច្ចុប្បន្ន។សម្តេចតេជោបង់សំណាញ់នយោបាយដ៏ធំមួយចំណែកលោក
សម រង្ស៊ី ផ្តោតលើបញ្ហា
សង្គម។
“វប្បធម៌សន្ទនា ហ៊ុន សែន សម រង្ស៊ី»
ទោះបីសាធារណៈជនទូទៅមិនបានដឹងថា
បានកសាង លើមូលដ្ឋាន អ្វីក៏ដោយតែ «វប្បធម៌សន្ទនា»នេះនឹងបង្ហាញរូបរាងច្បាស់លាស់តាមរយៈ
ពាក្យសំដី និងសកម្មភាពដែលនឹងសំដែងចេញនៅចំពោះមុខសាធារណជន
ថាតើអ្នកណាកំពុងធ្វើអ្វីខ្លះ។ នោះគឺជាផលប្រយោជន៍ដ៍ធំដែលសាធារណជននឹងទទួលបានពី
«វប្បធម៌សន្ទនា ហ៊ុន សែន - សម រង្ស៊ី»។
ថ្ងៃទី០៨
ខែ ឧសភា ឆ្នាំ២០១៥
សាស្រ្តាចារ្យ
ប៉ែន ងឿន ទីប្រឹក្សា
សាកលវិទ្យាល័យពុទ្ធិសាស្ត្រ
ភ្នំពេញ កម្ពុជា
No comments:
Post a Comment