សម្តេចធិបតី ហ៊ុន ម៉ាណែត អនុញ្ញាតឱ្យក្មេងៗនៅមណ្ឌល CCF និង PSE ហៅសម្តេចថា «ប៉ាណែត» ឬ «ពុក»

នៅថ្ងៃទី១៧ ខែតុលា ឆ្នាំ២០២៤ សម្តេចធិបតី ហ៊ុន ម៉ាណែត និងលោកជំទាវបណ្ឌិត បានអញ្ជើញចុះជួបសំណេះសំណាលជាមួយលោកតា លោកយាយ និងសិស្សានុសិស្សនៃអង្គការមូលនិធិកុមារ (CCF) និងអង្គការដើម្បីភាពញញឹមនៃកុមារ (PSE)។

នៅក្នុងពិធីនោះដែរ សម្តេចធិបតី ហ៊ុន ម៉ាណែត បានអនុញ្ញាតឱ្យក្មេងៗនៅមណ្ឌល CCF និង PSE ហៅសម្តេចថា «ប៉ាណែត» ឬ «ពុក»ផងដែរ។ សម្តេចនាយករដ្ឋមន្រ្តី បានកោតសរសើរចំពោះចំពោះស្ថាបនិក ថ្នាក់ដឹកនាំ និងបុគ្គលិក នៃអង្គការ PSE និង CCF ដែលបានជួយដល់ប្រជាជនកម្ពុជា។

គួរបញ្ជាក់ថា អង្គការមូលនិធិកុមារ និងអង្គការដើម្បីភាពញញឹមនៃកុមារ ត្រូវបានបង្កើតឡើងរយៈពេល២០ឆ្នាំមកហើយ ដែលរហូតដល់ពេលនេះ មានសិស្សានុសិស្ស កំពុងស្នាក់នៅ និងសិក្សាជាង១៨០០នាក់។ រយៈពេលជាង២០ឆ្នាំមកនេះ អង្គការបានចំណាយថវិកាប្រមាណ១០០លានដុល្លារ ដើម្បីទ្រទ្រង់កម្មវិធីនានា ក្នុងគោលដៅជួយកុមារកម្ពុជា៕