សម្តេចធិបតី ហ៊ុន ម៉ាណែត ៖ វិស័យឯកជនជាដៃគូយ៉ាងសំខាន់ក្នុងការជំរុញសេដ្ឋកិច្ចជាតិ

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានថ្លែងថា តួឣង្គបង្កើតឱកាសការងារមានច្រើន ប៉ុន្តែវិស័យឯកជនបានចូលរួមចំណែកជាមួួយវិស័យរដ្ឋយ៉ាងសកម្ម។

សម្តេចធិបតី ហ៊ុន ម៉ាណែត បានថ្លែងដូចនេះ នៅរសៀលថ្ងៃទី៨ ខែកុម្ភៈ ឆ្នាំ២០២៤នេះ ក្នុងឱកាសអញ្ជើញជាអធិបតីក្នុងពិធី «បិទសន្និបាតបូកសរុបការងារ ឆ្នាំ២០២៣ និងលើកទិសដៅការងារបន្ត ឆ្នាំ២០២៤  និងប្រកាសដាក់ឱ្យអនុវត្តផែនការយុទ្ធសាស្ត្រអភិវឌ្ឍន៍វិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ ឆ្នាំ២០២៤-២០២៨ របស់ក្រសួងការងារ និងបណ្តុះបណ្តាលវិជ្ជាជីវៈ»។

សម្តេចធិបតី បានថ្លែងបន្តថា វិស័យឯកជនគឺជាដៃគូយ៉ាងសំខាន់នៅក្នុងការបង្កើតឱកាសការងារ និងជំរុញសេដ្ឋកិច្ចជាតិ។ ដូចនេះ ពាក្យថា «ផែនការការងាររស់រវើក» គឺកិច្ចការងារទាំងឣស់ត្រូវពឹងផ្ឣែកលើភាពជាក់ស្តែងនិយម ដោយមិនត្រូវពឹងផ្ឣែកទៅលើទ្រឹស្តីនិយមនោះទេ តែត្រូវផ្ឣែកលើការបត់បែនតាមភាពជាក់ស្តែង និងត្រូវចាត់វិធានការឲ្យបានទាន់ពេលវេលា៕