សម្តេចធិបតី ហ៊ុន ម៉ាណែត ៖ ប្រទេសមួយដែលធ្លាប់តែទទួលរងនូវការភ័យខ្លាចនិងឯកោ បច្ចុប្បន្នបានថ្លាស់ប្តូរមុខមាត់ថ្មីសន្លាង

 

សម្តេចធិបតី ហ៊ុន ម៉ាណែត បានថ្លែងថា កម្ពុជាពីមុនដែលធ្លាប់បានហែកហួរដោយសារសង្គ្រាម ធ្លាប់តែល្បីថាជាវាលពិឃាដ ជាតំបន់អសន្តិសុខ គេភ័យខ្លាចគ្រប់ៗគ្នា ឥឡូវនេះបានក្លាយទៅជារដ្ឋអធិបតេយ្យ និងជារដ្ឋឯករាជ្យ ដែលមានសុខសន្តិភាព នីតិរដ្ឋ និងស្ថិរភាពនយោបាយ ស្របតាមគោលការណ៍នៃលទ្ធិប្រជាធិបតេយ្យសរីពហុបក្ស និងមានព្រះមហាក្សត្រគោរពដ៏ខ្ពង់ខ្ពស់ ទ្រង់គង់ជាម្លប់ដ៏ត្រជាក់។

សម្តេចធិបតី ហ៊ុន ម៉ាណែត បានថ្លែងដូចនេះ នៅក្នុងឱកាសអញ្ជើញអបអរសាទរ ខួបអនុស្សាវរីយ៍លើកទី ២៥ឆ្នាំ ថ្ងៃបង្កើតបញ្ជាការដ្ឋានកងទ័ពជើងគោក 

(២៤ មករា ១៩៩៩ ~ ២៤ មករា ២០២៤)។

សម្តេចធិបតី បានថ្លែងបន្តថា កម្ពុជាពីមុនធ្លាប់បានដាក់ឱ្យឯកោទាំងនយោបាយ និងសេដ្ឋកិច្ច ឥឡូវនេះកម្ពុជា បានធ្វើសមារណកម្មពេញលេញនៅក្នុងរចនាសម្ព័ន្ធក្នុងតំបន់ និងបានដើរតួនាទីយ៉ាងសំខាន់នៅក្នុងការថែរក្សាសណ្តាប់ធ្នាប់ និងសន្តិភាពក្នុងសកលលោក ក្រោមឆ័ត្រនៃអង្គការសហប្រជាជាតិ៕