សម្តេចតេជោ ហ៊ុន សែន ៖ កត្តាអភិវឌ្ឍសេដ្ឋកិច្ច គឺ ត្រូវអភិវឌ្ឍធនធានមនុស្ស និងចំណេះជំនាញឱ្យមានប្រសិទ្ធភាពខ្ពស់

សម្តេចតេជោ ហ៊ុន សែន បានថ្លែងថា កត្តាដែលត្រូវអភិវឌ្ឍសេដ្ឋកិច្ច គឺចាំបាច់ត្រូវអភិវឌ្ឍធនធានមនុស្ស និងចំណេះជំនាញឱ្យមានប្រសិទ្ធខ្ពស់ ប្រកបដោយសក្តានុពលទាំងក្នុងតំបន់ និងអន្តរជាតិ។

សម្តេចតេជោ ហ៊ុន សែន ថ្លែងបែបនេះ នៅព្រឹកថ្ងៃទី ៦ ខែតុលា ឆ្នាំ២០២២ ក្នុងឱកាសអញ្ជើញជាអធិបតីបើកសន្និសីទ «ចក្ខុវិស័យកម្ពុជាឆ្នាំ២០២២» នៅសណ្ឋាគារសុខា ភ្នំពេញ។ 

សម្តេចតេជោ ហ៊ុន សែន ថ្លែងបន្តថា ការអភិវឌ្ឍសេដ្ឋកិច្ចត្រូវអភិវឌ្ឍធនធានមនុស្សត្រូវដើរឱ្យទាន់សម័យឌីជីថល ដែលមានបច្ចេកវិទ្យាជឿនលឿន និងទំនើប ដូច្នេះការចំណេះដឹង ជំនាញជាត្រូវការចាំបាច់ក្នុងពេលបច្ចុប្បន្ន និងពេលអនាគត៕