Thursday, December 23, 2021

សម្តេចតេជោ ហ៊ុន សែន ៖ យុទ្ធសាស្ត្រពេលនេះកំណត់យកវិស័យអភិវឌ្ឍជាអទិភាពមាន «មនុស្ស ទឹក ភ្លើង និងផ្លូវ»

នៅព្រឹកថ្ងៃទី២៣ ខែធ្នូ ឆ្នាំ២០២១ ពិធីសម្ពោធដាក់ឱ្យប្រើប្រាស់ជាផ្លូវការ អគាររដ្ឋបាលអគ្គនាយកដ្ឋានគយ និងរដ្ឋាករកម្ពុជា ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។ នាឱកាសនោះ សម្តេចតេជោ បានថ្លែងថា ក្បាលម៉ាស៊ីនរដ្ឋបានកំពុងធ្វើទំនើបកម្មហើយ ដោយមានសាលាបណ្តុះបណ្តាលនៅក្បែរៗទីកន្លែងធ្វើការតែម្តង ដូចជា ក្រសួងពន្ធដារ ក្រសួងការបរទេស និងក្រសួងយុត្តិធម៌ ជាដើម។


សម្តេចតេជោ ហ៊ុន សែន បានថ្លែងបន្តថា យើងមានសម្ភារៈទំនើប អគារទំនើប តែបើមិនមានមនុស្សទំនើបទេ កុំសង្ឃឹមឱ្យសោះ ថានឹងទទួលបានជោគជ័យក្នុងការងារ ដូច្នេះការអភិវឌ្ឍន៍ធនធានមនុស្ស គឺសំខាន់ខ្លាំងណាស់ ត្រូវបន្តអភិវឌ្ឍទាំងផ្នែកទន់ (សំដៅលើចំណេះដឹង) និងផ្នែករឹង(សំដៅលើប្រសិទ្ធភាពការងារ) នេះជាអ្វីដែលត្រូវយើងត្រូវខិតខំយកចិត្តទុកដាក់បន្ថែមទៀត៕







No comments:

Post a Comment