កម្មវិធីបន្តផ្សព្វផ្សាយពីវិធានការ បង្ការការពារជំងឺកូវីដ-១៩ និងផ្តល់អំណោយមនុស្សធម៌ដល់គ្រួសារខ្វះខាត

ក្រចេះ ៖ នៅថ្ងៃទី ២៤ ខែ ឧសភា ឆ្នាំ ២០២០ លោកស្រី ហឹង ណារី វ៉ា ថន ជាតំណាងរបស់លោក វ៉ា ថន អភិបាលនៃគគណៈអភិបាលខេត្តក្រចេះ បានដឹកនាំយុវជនគណបក្សខេត្ត ក្រុង សង្កាត់ ចូលរួមផ្សព្វផ្សាយពីវិធានការការពារ និងទប់ស្កាត់ការរីករាលដាលនៃជំងឺកូវីដ-១៩ និងចុះសួរសុខទុក្ខបងប្អូនប្រជាពលរដ្ឋ ចាស់ជរា ជួបការលំបាក់ចំនួន១០គ្រួសារ ដោយឧបត្ថម្ភគ្រឿងឧបភោគបរិភោគ ផ្ដល់កង់ចំនួន ០៥គ្រឿង ដល់សិស្សានុសិស្សដែលជួបការលំបាក និងចូលរួមបុណ្យទក្ខិណានុប្បទានគម្រប់ប្រាំពីរថ្ងៃ នៅសង្កាត់កោះទ្រង់។

លោកស្រី ក៏បានបន្តចុះសួរសុខទុក្ខប្រជាពលរដ្ឋចំនួន ១០គ្រួសារនៅសង្កាត់ក្រចេះ និងបានធ្វើការណែនាំដល់បងប្អូនប្រជាពលរដ្ឋទាំងអស់អោយបន្តថែរក្សាអនាម័យប្រចាំថ្ងៃ ដោយអនុវត្តទៅតាមការណែនាំរបស់រាជរដ្ឋាភិបាល និងក្រសួងសុខាភិបាល និងជម្រុញក្មួយៗជាសិស្សានុសិស្សត្រូវខិតខំយកចិត្តទុកដាក់ចូលរួមសិក្សាតាមប្រព័ន្ធអនឡាញឱ្យបានជាប់លាប់ជានិច្ច៕