អភិបាលរងខេត្តពោធិ៍សាត់ចុះសួរសុខទុក្ខ ប្រជាពលរដ្ឋ រងគ្រោះដោយខ្យល់កន្ត្រាក់

ពោធិ៍សាត់៖ នៅថ្ងៃទី២៣ ខែមេសា ឆ្នាំ២០១៩ លោកខូយ រីដា អភិបាលរងនៃគណៈអភិបាលខេត្តពោធិ៍សាត់ និងជាប្រធានគណៈកម្មាធិការសាខាកាកកបាទក្រហមកម្ពុជាខេត្តពោធិ៍សាត់ បានចុះជួបសួរសុខទុក្ខប្រជាពលរដ្ឋដែលរងគ្រោះដោយខ្យល់កន្ត្រាក់របើកដំបូលផ្ទះ រលំផ្ទះ ចំនួន១៥គ្រួសារ និងឆេះផ្ទះមួយគ្រួសារព្រមទាំងបានយកអំណោយមនុស្សធម៌ ចែកជូនប្រជាពលរដ្ឋ ១៦គ្រួសារ នៅភូមិជង្រុក ភូមិកណ្តាល ឃុំផ្ទះរុងស្រុកភ្នំក្រវាញខេត្តពោធិ៍សាត់។

លោកអភិបាលរងខេត្ត ក៏បានពាំនាំនូវការសួរសុខទុក្ខរបស់លោកស្រី ប៊ុន រានីហ៊ុន សែនប្រធានកាកបាទ ក្រហមកម្ពុជានូវក្ដីកង្វល់ចំពោះប្រជាពលរដ្ឋទូទាំងប្រទេសក៏ដូចជាក្នុងខេត្តពោធិ៍សាត់ ថ្វីត្បិតតែអំណោយនេះមានចំនួនតិចតួចក្ដីក៏បងប្អូនអាចដោះស្រាយបានមួយរយៈដែរ។

ក្នុងពិធីនោះដែរ លោកអភិបាលរងខេត្ត ក៏បានផ្ដាំផ្ញើអោយបងប្អូនប្រជាពលរដ្ឋដែលរងគ្រោះទាំងនោះខិតខំប្រឹងប្រែងបន្តររកសុីចិញ្ចឹមជីវិតនឹងថែរក្សាទុកដាក់របស់របរសន្សំប្រាក់កាសដើម្បីចិញ្ចឹមកូនចៅបន្តរទៀតកំអោយអស់សង្ឃឹមព្រោះយើងនៅមានជីវិតអ្វីៗក៏អាចរកបានដែរ៕