ប្រភព៖ dap-news.com (5.6.2013)
កំពង់ចាម៖ កាលពីចុងខែមិថុនា ការដើរចេញរបស់សមាជិកគណបក្សសង្រ្គោះជាតិ ទៅរួមរស់ជា
មូយគណបក្សប្រជាជនកម្ពុជា មានសកម្មភាពយ៉ាងផុលផុស ដោយសមាជិកទាំងអស់នោះ
សុទ្ធ តែបាននិយាយដូចៗគ្នាថា ពួកគេអស់ជំនឿលើការដឹកនាំរបស់ថ្នាក់ដឹកនាំដែលគ្មានជំហរនយោ បាយ ច្បាស់លាស់
ជាពិសេសអំពើពុករលួយផ្ទៃក្នុងរបស់បក្សប្រឆាំងមួយនេះ តែម្តង។
ទោះការបោះឆ្នោតកាន់ខិតជិតមកដល់យ៉ាងក្តី តែសកម្មភាពនៃការដើរចេញរបស់សមាជិក គណ បក្សសង្រ្គោះជាតិ បន្តកើតមានទៀតហើយ។ នៅព្រឹកថ្ងៃទី០៥
ខែកក្កដា ឆ្នាំ២០១៣ នេះ លោក សែម អនុស្សនៈ អនុប្រធានក្រុមការងារគណបក្សសង្រ្គោះជាតិ
រាជធានីភ្នំពេញ បានដឹកនាំសមា ជិក សមាជិការរបស់ខ្លួននៅក្នុងស្រុងកងមាស ជិត១០០នាក់
ទៅរួមរស់ ជាមួយគណបក្ស ប្រជា ជន កម្ពុជា។
ពិធីបញ្ចូលសមាជិកថ្មីនេះ បានធ្វើឡើងនៅទីស្នាក់ការគណបក្សប្រជាជនកម្ពុជាខេត្តកំពង់ចាម
ដោយមានការ ទទួលស្វាគមន៍យ៉ាងរ៉ាក់ទាក់ពីលោក ឡាន់ ឆន តំណាងលោក ហ៊ុន ណេង
ប្រធានគណបក្សប្រជាជនកម្ពុជាខេត្ត កំពង់ចាម។
មិនខុសពីលើកមុនៗដែរ សមាជិកដែលដើរចេញពីគណបក្សសង្រ្គោះជាតិទាំងនោះ សុទ្ធតែអះអាងថា ពួកគេអស់
ជំនឿលើកការដឹកនាំរបស់ថ្នាក់ដឹកនាំគណបក្សសង្រ្គោះជាតិ ជាពិសេសការកើតថ្មីនៃបណ្តុំបក្សប្រឆាំងដែលធ្លាប់ជាសត្រូវនឹងគ្នាទាំងពីរនេះ
បានធ្វើឲ្យសមាជិកផ្ទៃក្នុងកំពុង មានការរង្គោះរង្កើយ៉ាងខ្លាំង។ សមាជិកទាំងនេះ នៅបន្តទៀតថា
អំពើពុករលួយក្នុងបក្ស ក៏ជាបញ្ហា ធំផងដែរ ថ្នាក់ដឹកនាំបក្សមួយនេះ
មិនដែលកើតពីសុខទុក្ខរបស់ សមាជិកថ្នាក់ក្រោម ដែលខំតស៊ូ រាប់ឆ្នាំកន្លងមកនោះទេ
ពោលពួកគេគិតតែអ្នកមានធនធាន និងទ្រព្យសម្បត្តិ ច្រើនសម្រាប់ ផ្គត់ផ្គង់បក្សតែប៉ុណ្ណោះ។
លោក ឡាន់ ឆន ក្នុងពិធីទទួលសមាជិកថ្មីនេះ
បានថ្លែងសាទរ និងស្វាគមន៍យ៉ាងកក់ក្តៅ ព្រមទាំងចាត់ទុកថា
ការសម្រេចចិត្តរបស់អតីតសមាជិកបក្សសង្រ្គោះជាតិ ជាការសម្រេចចិត្តដ៏ត្រឹមត្រូវ
និងទាន់ពេលវេលា ដើម្បីចូលរួមអភិវឌ្ឍន៍ប្រទេសជាតិឲ្យកាន់តែរីកចម្រើននៅកម្ពុជា ជាមួយគណបក្សប្រជាជនកម្ពុជា
ប្រសើរជាងនៅចំណាយកម្លាំង និងថវិកាចិញ្ចឹម និងបម្រើថ្នាក់ដឹកនាំ បក្សប្រឆាំង
តែប៉ុន្មាននាក់នោះ៕
មកចូលជាមួយគណបក្សប្រជាជនកម្ពុជា
No comments:
Post a Comment