យុវជនគណបក្សប្រជាជនកម្ពុជាខេត្តតាកែវ ចំនួនជាង២ម៉ឺននាក់ ដង្ហែរក្បួនយុទ្ធនាការឃោសនាបោះឆ្នោត នៅក្រុងដូនកែវ

នៅព្រឹកថ្ងៃទី ២២ ខែកក្កដា ឆ្នាំ២០១៣ នេះ នៅក្រុងដូនកែវ ទីរួមខេត្តតាកែវ ក្រុមយុវជន របស់គណបក្សប្រជាជនកម្ពុជា ចំនួនជាងពីរ ម៉ឺននាក់ បានដង្ហែរក្បួនឃោសនា ស្វែងរក សម្លេងឆ្នោត ដែលបាននាំមកនូវ ការទាក់ ទាញ ការចាប់អារម្មណ៍ យ៉ាងខ្លាំងពីសំណាក់ ប្រជាពលរដ្ឋ ។

ក្រោមពាក្យស្លាក និងសម្រែកជ័យឃោស! ជយោ​ យុវជន​គណបក្សប្រជាជន​កម្ពុជា​ខេត្តតាកែវ​
 យុវជនគណបក្សប្រជាជនកម្ពុជា រួមគ្នាដើម្បីជាតិ និងប្រជាជន
 ជយោ! គណបក្សប្រជាជនកម្ពុជា
 ជយោ! សម្តេចតេជោ ហ៊ុន សែន! 

នេះជាយុទ្ធនាការឃោសនាបោះឆ្នោតទ្រង់ទ្រាយធំនៅក្នុងខេត្តតាកែវ ដែលបាន បង្ហាញពីការរួប រួមគ្នារបស់ក្រុមយុវជនគណបក្សប្រជាជនកម្ពុជា គ្រប់ថ្នាក់ មានទាំងថ្នាក់កណ្តាល ថ្នាក់ខេត្ត ថ្នាក់ ស្រុក ថ្នាក់ឃុំ និងភូមិ ដែលបានស្គាល់នូវតម្លៃពិតនៃសន្តិភាព ការអភិវឌ្ឍន៍ ក្រោមគោល នយោ បាយ ឈ្នះឈ្នះរបស់ សម្តេចតេជោ ហ៊ុន សែន ហើយបាន និងកំពុងធ្វើ សកម្មភាព ដោយ ស្មោះ ស្មគ្រ័ក្នុងការបំរើប្រជាពលរដ្ឋដោយឥតងាករេ និងបន្តអនុវត្តតាមគោលនយោបាយ កម្មវិធី នយោបាយរបស់គណបក្សប្រជាជនកម្ពុជា ហើយបានផ្សព្វផ្សាយ គោលនយោបាយ នេះ ទៅកាន់ ប្រជាពលរដ្ឋនៅគ្រប់ទីកន្លែង។

ប្រជាពលរដ្ឋម្ចាស់ឆ្នោត សុទ្ធតែបានសំដែងនូវជំនឿជឿជាក់ជានិច្ចចំពោះការដឹកនាំដ៏ឈ្លាសវៃ របស់ សម្តេចតេជោ ហើយពួកគាត់ប្តេជ្ញាថា នឹងបន្តគាំទ្រសម្តេចតេជោ ក្នុងការដឹកនាំ ប្រទេស ជាតិ សម្រាប់អាណត្តិថ្មីខាងមុខទៀត ។