អ្នកសង្កេតការណ៍ជាតិ ៩០ស្ថាប័ន៖ ការបោះឆ្នោតធ្វើឡើងដោយត្រឹមត្រូវ សេរី យុត្តិធម៌ និងមានតម្លាភាព

 

(ភ្នំពេញ)៖ អ្នកសង្កេតការណ៍ជាតិ នៅព្រឹកថ្ងៃទី២៤ ខែកក្កដា ឆ្នាំ២០២៤ បានធ្វើសន្និសីទសារព័ត៌មាន បង្ហាញពីលទ្ធផលនៃការសង្កេតការណ៍ ទូទៅជុំវិញដំណើរការបោះឆ្នោតជ្រើសតាំងតំណាងរាស្ត្រ នីតិកាលទី៧ នៅតាមមណ្ឌលបោះឆ្នោត និងការសន្និដ្ឋានទូទៅរបស់ពួកគាត់ ដែលកម្មវិធីសន្និសីទសារព័ត៌មាន រៀបចំដោយវេទិកាសម្ព័ន្ធសង្គមស៉ីវិល (វ.ស.ស.) នៅសណ្ឋាគារ ហៃយ៉ាត់។

តំណាងអង្គការសង្គមស៉ីវិល រួមមាន៖ លោក នង ប៊ុនថេង នាយកអង្គការស្តារ និងអភិវឌ្ឍន៍ជីវភាពគ្រួសារ (ខេត្តកណ្តាល), លោក សំ សារឿន ប្រធានសមាគមលើកកម្ពស់ស្ករត្នោតកំពង់ស្ពឺ, លោក ឡិប វុឌ្ឍី ប្រធានអង្គការសហការការពារសម្បត្តិធនធានធម្មជាតិ និងលោកស្រី ប្រុស កឹមសៀក ប្រធានសមាគមនិស្សិតបញ្ញាវន្តកម្ពុជា-អាស៊ាន។

ក្នុងសន្និសីទសារព័ត៌មានរបស់អ្នកសង្កេតការណ៍ជាតិ បានសង្ខេបចំណាប់អារម្មណ៍របស់ខ្លួនថា ការបោះឆ្នោតឆ្នាំ២០២៣ នៅកម្ពុជា បានធ្វើឡើងដោយត្រឹមត្រូវ សេរី យុត្តិធម៌ និងមានតម្លាភាព។

វ.ស.ស. បានសម្របសម្រួលការងារអ្នកសង្កេតការណ៍ជាតិចំនួន ៣៦០នាក់ អញ្ជើញមកពីអង្គការមិនមែនរដ្ឋាភិបាលនិងសមាគមជាតិចំនួន ៩០ (សម្រាប់ ២៥រាជធានី-ខេត្ត) និងអ្នកសង្កេតការណ៍ អន្តរជាតិចំនួន ៥៦នាក់ មកពី ៧ស្ថាប័ន (១០ប្រទេស) ដើម្បីចូលរួមសង្កេតការដំណើរការបោះឆ្នោតជ្រើសតាំង តំណាងរាស្ត្រ នីតិកាលទី៧ ដែលប្រព្រឹត្តទៅនៅថ្ងៃអាទិត្យ ទី២៣ ខែកក្កដា ឆ្នាំ២០២៣។

លោក កឹម រ័ត្នវិសិដ្ឋ ប្រធានក្រុមប្រឹក្សាភិបាលនៃវេទិកាសម្ព័ន្ធសង្គមស៉ីវិល ក្នុងនាមជាអ្នកសម្របសម្រួល ក៏បានលើកឡើងថា ក្រោយចំណាប់អារម្មណ៍របស់វាគ្មិនទាំង ៤រូប សុទ្ធតែអះអាងថា ការបោះឆ្នោតគឺត្រឹមត្រូវ សេរី យុត្តិធម៌ មានតម្លាភាព និងប្រព្រឹត្តទៅដោយរលូន ព្រមទាំងមានសណ្តាប់ធ្នាប់។

យោងតាមព័ត៌មានពីគ្រប់អភិបាលខេត្ត-រាជធានីទូទាំងប្រទេស និងការបង្ហាញលទ្ធផលក្រៅផ្លូវការឲ្យដឹងថា គណបក្សប្រជាជនកម្ពុជា ទទួលបានសំឡេងច្រើនលើសលុប អាចគ្រប់គ្រង ១២០អាសនៈ គណបក្សហ៊្វុនស៉ិនប៉ិច ទទួលបាន ៥អាសនៈ។

មានប្រជាពលរដ្ឋទូទាំងប្រទេសប្រមាណជាង ៨៤.៥៨ភាគរយបានទៅបោះឆ្នោត ក្នុងចំណោម​ប្រជាពលរដ្ឋដែលមានឈ្មោះក្នុងបញ្ជីបោះឆ្នោត៕

គណៈកម្មាធិការសម្រាប់កិច្ចសហប្រតិបត្តិការយុវជនអាស៊ាន និងក្រុមប្រឹក្សាយុវជនអាស៊ី ចេញសេចក្តីថ្លែងការណ៍រួម៖ ការបោះឆ្នោតនៅកម្ពុជា មានតម្លាភាព សន្តិភាព សេរី និងយុត្តិធម៌

(ភ្នំពេញ)៖ គណៈកម្មាធិការសម្រាប់កិច្ចសហប្រតិបត្តិការ​យុវជនអាស៊ាន និងក្រុមប្រឹក្សាយុវជនអាស៊ី ក្រោយបានចូលរួមសង្កេតការណ៍បោះឆ្នោតជ្រើសរើសតាំងតំណាងរាស្ត្រ នីតិកាលទី៧ របស់កម្ពុជា នៅយប់នេះ បានចេញសេចក្តីថ្លែងការណ៍រួមថា ការ បោះឆ្នោតនេះមានតម្លាភាព សន្តិភាព សេរី និងយុត្តិធម៌។

សេចក្តីថ្លែងការណ៍បានបញ្ជាក់យ៉ាងដូច្នេះថា «គណៈប្រតិភូរបស់យើង ចាត់ទុកការបោះឆ្នោតសកលឆ្នាំ ២០២៣ ដែលកំពុងប្រព្រឹត្តទៅមានតម្លាភាព សន្តិភាព សេរី និងយុត្តិធម៌»៕

ខាងក្រោមនេះ ជាសេចក្តីថ្លែងការណ៍រួម៖

អ្នកវិភាគចៅចាក់ស្មុក៖ ក្រុមជនក្បត់ជាតិ៣ជំនាន់ សម រង្ស៊ី បានទទួលបរាជ័យយ៉ាងធ្ងន់ធ្ងរបំផុត នៅចំពោះមុខដំណើរការលទ្ធិប្រជាធិបតេយ្យនៅកម្ពុជា ក្រោយលទ្ធផលបណ្តោះអាសន្ននៃការបោះឆ្នោតថ្ងៃទី២៣ ខែកក្កដា ត្រូវបានបង្ហាញ

(ភ្នំពេញ)៖ ផែនការបំផ្លាញការបោះឆ្នោតនិងបំផ្លាញលទ្ធិប្រជាធិបតេយ្យនៅកម្ពុជារបស់ក្រុមជនក្បត់ជាតិ ៣ ជំនាន់ សម រង្ស៊ី បានទទួលនូវបរាជ័យយ៉ាងធ្ងន់ធ្ងរ និងដ៏អាម៉ាស់បំផុត នៅក្នុងថ្ងៃនៃប្រវត្តិសាស្ត្រនៃការបោះឆ្នោតជ្រើសតាំងតំណាងរាស្ត្រនីតិកាលទី៧ ២៣ កក្កដា ២០២៣ នេះ ដោយប្រជាពលរដ្ឋខ្មែរមិនបានអនុវត្តតាមផែនការទុច្ចរិតរបស់ពួកគេឡើយ។

ផែនការទុច្ចរិតរបស់ពួកគេគឺទី១-ធ្វើឱ្យអត្រានៃអ្នកចូលរួមបោះឆ្នោតតិចដោយពួកគេអំពាវនាវម្ចាស់ឆ្នោតកុំទៅបោះឆ្នោតនិងទី២-បើទៅបោះឆ្នោតគឺគូសសន្លឹកឆ្នោតចោលដែលជាសំឡេងគាំទ្រឱ្យទណ្ឌិតក្បត់ជាតិ ដើម្បីពួកគេវាយលើនីត្យានុកូលភាពនៃការបោះឆ្នោត និងធ្វើឱ្យសំឡេងឆ្នោតមិនបានការច្រើន។ ប៉ុន្តែផែនការទុច្ចរិតទាំងនេះត្រូវបានបរាជ័យ ទាំងស្រុង ធ្វើឱ្យក្រុមជនក្បត់ជាតិ សម រង្ស៊ី បាក់មុខនិងគ្មានតម្លៃអ្វីទាំងអស់ចំពោះមុខប្រជាពលរដ្ឋខ្មែរ។

យោងតាមមន្ត្រីគណៈកម្មាធិការជាតិរៀបចំការបោះឆ្នោត, អត្រាអ្នកបោះឆ្នោតបណ្តោះអាសន្ននៅត្រឹមម៉ោង ៦ ល្ងាចថ្ងៃទី២៣ ខែកក្កដានេះ មានចំនួន ៨ ២១៣ ២៦០នាក់ ស្មើនឹង ៨៤,៥៨% នៃប្រជាពលរដ្ឋដែលមានឈ្មោះក្នុងបញ្ជីបោះឆ្នោតបានទៅបោះឆ្នោត។ អត្រានៃការចេញ ទៅបោះឆ្នោតនេះមានចំនួនខ្ពស់បើប្រៀបធៀបនឹងការបោះឆ្នោត ២ ដងចុងក្រោយនេះ។ ការបោះឆ្នោតជ្រើសតាំងតំណាងរាស្រ្តអាណត្តិទី៦ កាលពីឆ្នាំ២០១៨ នាថ្ងៃទី២៩ ខែកក្កដា ពេលនោះប្រជាពលរដ្ឋទៅបោះឆ្នោតមានចំនួន ៦,៩៥៦,៩០០នាក់ ស្មើនឹង ៨៣.០២% ក្នុងចំណោមអ្នកចុះឈ្មោះបោះឆ្នោតសរុបចំនួន ៨ ៣៨០ ២១៧នាក់ (១០០%)។ ការបោះឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៥ កាលពីឆ្នាំ២០២២ មានប្រជាពលរដ្ឋទៅបោះឆ្នោតចំនួន ៧ ៣៩៤ ៤២៧នាក់ ស្មើនឹង ៨០.៣២% នៃចំនួនអ្នកចុះឈ្មោះបោះឆ្នោតទាំងអស់ចំនួន ៩ ២០៥ ៦៨១នាក់ (១០០%)។

នេះគឺជាដំណើរការប្រជាធិបតេយ្យកម្ពុជាដ៏រស់រវើក និងបានបង្ហាញថាប្រជាពលរដ្ឋខ្មែរពិតជាមានភាពចាស់ទុំនយោបាយខ្លាំង ដោយមិនជឿលើការញុះញង់អកុសលបំផ្លាញសន្តិភាព បំផ្លាញលទ្ធិប្រជាធិបតេយ្យដែលកម្ពុជារកបានដោយពិបាកនិងឆ្លងកាត់សោកនាដកម្មដ៏មហាធំធេងនេះទេ។ ក្រុមជនក្បត់ជាតិសម រង្ស៊ី មូរ សុខហួរ អេង ឆៃអ៊ាង គួរតែខ្មាសប្រជាពលរដ្ឋកម្ពុជាដែលមានការចេះដឹងនិងយល់ច្បាស់ពីតម្រូវការសុខសន្តិភាពនិងការអភិវឌ្ឍ ហើយមិនដើរតាមការញុះញង់ ភូតកុហករបស់ពួកខ្លួនឡើយ។

អ្នកដើរតាមផែនការរបស់ខ្លួនគូសសន្លឹកឆ្នោត ប្រមាណជាង៤០នាក់ ត្រូវបានធ្វើការស៊ើបអង្កេតដោយកម្លាំងសមត្ថកិច្ចស្របតាមច្បាប់ និងខ្លះទៀតត្រូវបានចាប់ខ្លួននិងចោទប្រកាន់ទាក់ទងនឹងការបំផ្លាញការបោះឆ្នោត។ ពួកគេទាំងនេះត្រូវប្រឈមមុខច្បាប់ផាកពិន័យជាប្រាក់ស្របតាមច្បាប់។ ខ្លះក៏បានចេញមកសារភាពថាខ្លួនបាន ទទួលការបង្គាប់និងបញ្ជាពីទណ្ឌិត សម រង្ស៊ី ក្នុងការគូសសន្លឹកឆ្នោតចោលដែលអាចជាភស្តុតាងដ៏មុតស្រួចសម្រាប់ការអនុវត្តច្បាប់។

ការគូសសន្លឹកឆ្នោតដែលជាផែនការទុច្ចរិតទី២ របស់ខ្លួនក្នុងការបំផ្លាញការបោះឆ្នោតក៏ទទួលបរាជ័យយ៉ាងអាម៉ាស់ផងដែរ។ ជនក្បត់ជាតិ ៣ ជំនាន់ សម រង្ស៊ី បានចេញសារអំពាវនាវឱ្យពលរដ្ឋគូសសន្លឹកឆ្នោតចោលដែលមានន័យថាបោះឆ្នោតឱ្យខ្លួន និងដើម្បីខ្លួនវិលត្រឡប់មកប្រទេសកម្ពុជា ដឹកនាំការផ្លាស់ប្តូរតាមរយៈបដិវត្តន៍ពណ៌។ ទោះបីជាមិនទាន់មានលទ្ធផលថាចំនួនសន្លឹកឆ្នោតដែលត្រូវបានគូសចោលប៉ុន្មានក្នុងចំណោមសន្លឹកឆ្នោតមិនបានការ តែយោងតាមទិន្នន័យបឋម សន្លឹកឆ្នោតមិនបានដែលគូសចោលមានតិចតួចបំផុតក្នុងមួយការិយាល័យៗ។

ដូច្នេះមានន័យថាលទ្ធផលនៃការបោះឆ្នោតនេះបង្ហាញថាពលរដ្ឋខ្មែរមិនត្រូវការជនក្បត់ជាតិដូច សម រង្ស៊ី និងបក្ខពួកឡើយ។ ពលរដ្ឋខ្មែរត្រូវការអ្នកការពារសន្តិភាព ការពារការអភិវឌ្ឍ និងលទ្ធិប្រជាធិបតេយ្យនៅកម្ពុជា។ ការញុះញង់គ្មានតម្លៃអ្វីឡើយ ហើយក៏ដល់ពេលដែល ក្រុមទណ្ឌិត សម រង្ស៊ី ដឹងខ្លួនហើយ។

ចាញ់លើកនេះ គឺទណ្ឌិតក្បត់ជាតិ សម រង្ស៊ី ចាញ់បោសអស់គូថខោតែម្តង។ ចប់ទាំងព្រម! បើសម រង្ស៊ី ជាមិនប្រកាន់ភាពសច្ចៈ និងមិនភូតកុហក បោកប្រាស់និងមិនមែនជាមនុស្សក្រឡិចក្រឡុចនិងកុំលេបកំអួតរបស់ខ្លួនឡើងវិញ សម រង្ស៊ី ត្រូវហ៊ានទទួលស្គាល់នូវបរាជ័យរបស់ខ្លួន ជាពិសេសដែលថាការបោះឆ្នោត ២០២៣ គឺជាការប្រកួតប្រជែងប្រជាប្រិយភាពរវាងសម្តេចតេជោ ហ៊ុន សែន និងជនក្បត់ជាតិនេះ។ តែលទ្ធផលបង្ហាញច្បាស់ថា សម្តេចតេជោ ហ៊ុន សែន ប្រធានគណបក្សប្រជាជនកម្ពុជាមានប្រជាប្រិយភាពខ្ពស់ដោយសារតែយោងតាមលទ្ធផលបណ្តោះអាសន្ន គណបក្សប្រជាជនកម្ពុជាទទួលបានសំឡេងគាំទ្រឈ្នះដាច់។ ចំណែកសន្លឹកឆ្នោតដែលគូសបំផ្លាញចោលនោះ មានចំនួនតិច ដែលធ្វើឱ្យទណ្ឌិតក្បត់ជាតិ សម រង្ស៊ី ចាញ់ឡើងក្អួតឈាម។

ម្យ៉ាងទៀត ការបោះឆ្នោតនាថ្ងៃទី២៣ ខែកក្កដា ឆ្នាំ២០២៣ នេះ គឺជាការបង្ហាញថាកម្លាំងប្រជាធិបតេយ្យ កម្លាំងស្នេហាជាតិពិតប្រាកដបានទទួលជ័យជម្នះ ចំណែកកម្លាំងក្រុមជនក្បត់ជាតិ ៣ ជំនាន់បានចាញ់យ៉ាងធ្ងន់ធ្ងរនិងគួរឱ្យអាម៉ាស់បំផុត។ ពួកគេគួរដឹងខ្លួនថាពលរដ្ឋខ្មែរមិនត្រូវការជនសាងគ្រោះឱ្យជាតិ ជនចង្រៃសង្គម និងក្រុមជនក្បត់ជាតិ ដូច ទណ្ឌិតក្បត់ជាតិ ៣ ជំនាន់ និងអ្នកនយោបាយអង្ករកំប៉ុងប៉ុន្មានដំបរស្វានេះទេ! អត្រានៃការចូលរួមដ៏ច្រើនលើសលុបនេះបានធ្វើឱ្យដំណើរការប្រជាធិបតេយ្យនៅកម្ពុជាកាន់តែសកម្មខ្លាំងដែលនេះគ្មាននរណា ឬអនុភាពណាមួយមកបំភ្លៃ និងបំភ័ន្តការពិតនៃដំណើរលទ្ធិប្រជាធិបតេយ្យនៅកម្ពុជាបានឡើយ៕​

ដោយ៖ ចៅចាក់ស្មុក

រាជធានីភ្នំពេញ, ថ្ងៃទី២៣ ខែកក្កដា ឆ្នាំ២០២៣

អ្នកសង្កេតការណ៍ជាតិ ៩០ស្ថាប័ន និង អ្នកសង្កេតការណ៍អន្តរជាតិ ៧ស្ថាប័នបង្ហាញពីលទ្ធផលនៃការសង្កេតការណ៍ ទូទៅជុំវិញដំណើរការបោះឆ្នោតនៅកម្ពុជា

 

ម៉ឹង កុសល (២៣ ០៧ ២៣) វេទិកាសម្ព័ន្ធសង្គមស៊ីវិល (វ.ស.ស.) បាន ឲ្យដឹងថា អ្នកសង្កេតការណ៍ជាតិ ៩០ស្ថាប័ន និង អ្នកសង្កេតការណ៍អន្តរជាតិ ៧ស្ថាប័ន នឹងធ្វើសន្និសីទសារព័ត៌មាន បង្ហាញពីលទ្ធផលនៃការសង្កេតការណ៍ ទូទៅជុំវិញដំណើរការបោះឆ្នោតនៅតាមមណ្ឌលបោះឆ្នោត និងការសន្និដ្ឋានទូទៅរបស់ពួកគាត់។ សន្និសីទសារព័ត៌មានបានប្រព្រឹត្តទៅនៅម៉ោង ៦៖៣០នាទីល្ងាច ថ្ងៃទី២៣ ខែកក្កដា ឆ្នាំ២០២៤ នៅសណ្ឋាគារ ហៃយ៉ាត់។

បើតាមសេចក្តីប្រកាសព័ត៌មាន បានសម្របសម្រួលការងារអ្នកសង្កេតការណ៍ជាតិចំនួន ៣៦០នាក់ អញ្ជើញមកពីអង្គការមិនមែនរដ្ឋាភិបាលនិងសមាគមជាតិចំនួន ៩០ (សម្រាប់ ២៥រាជធានី-ខេត្ត) និងអ្នកសង្កេតការណ៍ អន្តរជាតិចំនួន ៥៦នាក់ មកពី ៧ស្ថាប័ន (១០ប្រទេស) ដើម្បីចូលរួមសង្កេតការដំណើរការបោះឆ្នោតជ្រើសតាំង តំណាងរាស្ត្រ នីតិកាលទី៧ ដែលប្រព្រឹត្តទៅនៅថ្ងៃអាទិត្យ ទី២៣ ខែកក្កដា ឆ្នាំ២០២៣ប្រកបដោយភាពជោគជ័យ ។

បន្ទាប់ពីបញ្ចប់ ការងារសង្កេតការណ៍បោះឆ្នោត នៅថ្ងៃទី២៣ ខែកក្កដា ឆ្នាំ២០២៣ អ្នកសង្កេតការណ៍ជាតិទាំង ៩០ស្ថាប័ន និង អ្នកសង្កេតការណ៍អន្តរជាតិទាំង ៧ស្ថាប័ន បានធ្វើសន្និសីទសារព័ត៌មានបង្ហាញពីលទ្ធផលនៃការសង្កេតការណ៍ ទូទៅជុំវិញដំណើរការបោះឆ្នោតនៅតាមមណ្ឌលបោះឆ្នោត និងការសន្និដ្ឋានទូទៅរបស់ក្រុមអ្នកសង្កេតការណ៍ជាតិ និងអន្តរជាតិដែលបានចូលរួមអង្កេតការណ៍កន្លងមកនេះ៕

វេទិកាសម្ព័ន្ធសង្គមស៊ីវិល ចេញសេចក្តីប្រកាសព័ត៌មានពីរបាយការណ៍បឋមរបស់អ្នកសង្កេតការណ៍ជាតិ និងអន្តរជាតិ និងបានធ្វើការសន្និដ្ឋាន ៧ចំណុច

(ភ្នំពេញ)៖ វេទិកាសម្ព័ន្ធសង្គមស៊ីវិល បានចេញសេចក្តីប្រកាសព័ត៌មានស្តីពី របាយការណ៍បឋមរបស់អ្នកសង្កេតការណ៍ជាតិ និងអន្តរជាតិ មកពី ៧ស្ថាប័ន នឹងបានចុះទៅការិយាល័យបោះឆ្នោតចំនួន២៨៨ ដើម្បីចូលរួមសង្កេតដំណើរការបើកការិយាល័យបោះឆ្នោត និងដំណើរការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ នៅកម្ពុជា និងបានធ្វើការសន្និដ្ឋានបន្ថែមចំនួន ៧ចំណុច។

នៅក្នុងសេចក្តីប្រកាសព័ត៌មានរបស់វេទិកាសម្ព័ន្ធសង្គមស៊ីវិល (វ.ស.ស.) នៅល្ងាចថ្ងៃទី២៣ ខែកក្កដា ឆ្នាំ២០២៣នេះ បានបញ្ជាក់ឱ្យដឹងថា អ្នកសង្កេតការណ៍ជាតិ មកពីអង្គការមិនមែនរដ្ឋាភិបាល និងសមាគមចំនួន ៩០ស្ថាប័ន បានអញ្ជើញចុះទៅសង្កេតការបោះឆ្នោតចំនួន ១,៨០០ការិយាល័យបោះឆ្នោត។ ទន្ទឹមនឹងនេះអ្នកសង្កេតការណ៍អន្តរជាតិ អញ្ជើញមកពី ៧ស្ថាប័ន បានចុះទៅការិយាល័យបោះឆ្នោតចំនួន ២៨៨ ដើម្បីចូលរួមសង្កេតដំណើរការបើកការិយាល័យបោះឆ្នោត និងដំណើរការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣។

យោងតាមរបាយការណ៍ដែលទទួលបានពីអ្នកសង្កេតការណ៍ជាតិនិងអន្តរជាតិ, វេទិកាសម្ព័ន្ធសង្គមស៊ីវិល បានធ្វើការសន្និដ្ឋានបឋម ៧ចំណុចដូចខាងក្រោម៖

១៖ ស្ថានភាពជារួមនៃដំណើការបោះឆ្នោតជ្រើសតាំងតំណាងរាស្រ្ត នីតិកាលទី៧ បានប្រព្រឹត្តទៅប្រកបដោយបរិយាកាសល្អប្រសើរ ស្ងប់ស្ងាត់ និងមិនមានការរំខាន ឬអំពើហិង្សាណាមួយកើតមានឡើងដែលគួរឱ្យកត់សម្គាល់ឡើយ។

២៖ ប្រជាពលរដ្ឋដែលបានអញ្ជើញទៅបោះឆ្នោត បានប្រើប្រាស់សិទ្ធិតាមឆន្ទៈរបស់ខ្លួនក្នុងការចូលរួមបោះឆ្នោតយ៉ាងច្រើនកុះករ ប្រកបដោយក្ដីសោមនស្សរីករាយ និងមិនមានការភ័យខ្លាច។

៣៖ មន្រ្តីការិយាល័យបោះឆ្នោតរបស់ គ.ជ.ប. បានអនុវត្តតួនាទីនិងភារកិច្ច ប្រកបដោយការទទួលខុសត្រូវខ្ពស់ ព្រមទាំងមានភាពត្រឹមត្រូវ តម្លាភាព និងវិជ្ជាជីវៈ។

៤៖ នៅតាមការិយាល័យបោះឆ្នោត ឃើញមានអ្នកសង្កេតការណ៍ជាតិនិងអន្តរជាតិ រួមទាំងភ្នាក់ងារគណបក្សនយោបាយបានចូលរួមតាមដានសង្កេតដំណើរការបោះឆ្នោត ចាប់តាំងពីពេលបើកការិយាល័យបោះឆ្នោត រហូតដល់ការបិទបញ្ចប់ការរាប់សន្លឹកឆ្នោត។

៥៖ មកទល់ពេលនេះពុំឃើញមានភាពមិនប្រក្រតី ឬភាពអសកម្ម ឬបណ្ដឹងតវ៉ាណាមួយដែលកើតមាន នៅតាមការិយាល័យបោះឆ្នោតឡើយ។

៦៖ ស្ថានភាពដំណើការនៃការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ បានប្រព្រឹត្តទៅដោយរលូន សេរី មានតម្លាភាព និងគ្មានការរំខាន ឬការបង្ខិតបង្ខំណាមួយឡើយ។

៧៖ ជារួមជោគជ័យនៃការរៀបចំការបោះឆ្នោតជ្រើសតាំងតំណាងរាស្ត្រ នីតិកាលទី៧នេះ បានបង្ហាញថា គ.ជ.ប. មានភាពចាស់ទុំនិងម្ចាស់ការក្នុងការគ្រប់គ្រងដំណើរការរៀបចំការបោះឆ្នោតនៅព្រះរាជាណាចក្រកម្ពុជា ដើម្បីធានាឱ្យបាននូវឯករាជ្យភាព អធិបតេយ្យភាព តម្លាភាព និងភាពត្រឹមត្រូវ ប្រកបដោយវិជ្ជាជីវៈ និងមិនប្រកាន់នូវនិន្នាការនយោបាយ៕

សារសម្លេង សម្ដេចតេជោ ហ៊ុន សែន ស្តីពីការបោះឆ្នោតជ្រើសតាំងតំណាងរាស្ត្រនីតិកាលទី ៧ ថ្ងៃ ២៣ កក្កដា ២០២៣

 CNV: 23 July, 2023

សូមក្រាបថ្វាយបង្គំព្រះថេរានុត្ថេរៈគ្រប់ព្រះអង្គជាទីគោរពសក្ការៈ,
បងប្អូនជនរួមជាតិជាទីគោរពស្រលាញ់,

ថ្ងៃនេះ យើងបានដំណើរការបោះឆ្នោតនៅក្របខណ្ឌទូទាំងប្រទេស (ស្របគ្នានឹងមាន)ការរារាំងនៃក្រុមជ្រុលនិ​យម (បំផុស)ប្រជាជនកុំឱ្យទៅធ្វើការបោះឆ្នោត ឬទៅ(បោះឆ្នោតតែ)គូសបំផ្លាញសន្លឹកឆ្នោតចោល។ ប៉ុន្តែ មកដល់ពេលនេះ លទ្ធផលដែលខ្ញុំព្រះករុណាខ្ញុំទទួលបានពីគណៈកម្មាធិការជាតិរៀបចំការបោះឆ្នោតជាបណ្ដោះ​អាសន្ន គឺចំនួនប្រជាពលរដ្ឋបានចេញទៅបោះឆ្នោតមានរហូតដល់ ៨៤,២១% ហើយអាចនឹងមានការកើនឡើងថែមទៀត។ បើប្រៀបធៀបទៅនឹងការបោះឆ្នោតឃុំ/សង្កាត់ឆ្នាំ ២០២២ ដែលមានប្រជាជនចេញទៅបោះឆ្នោត ៨០,៣២% ក្នុងពេលដែលពេលនោះ(គណបក្ស)ភ្លើងទៀនចូលរួមបោះឆ្នោត និងពេលនេះខាងភ្លើងទៀននិងមេអ្នកបង្កើតភ្លើងទៀនអំពាវនាវកុំឱ្យប្រជាជនទៅបោះឆ្នោត ឃើញថាអត្រាមានការខុសគ្នា។ពីមុន (គណៈបក្ស)ភ្លើងទៀនចូលរួមបោះឆ្នោត ដោយមានការលើកទឹកចិត្តពីសំណាក់(បក្ស)ភ្លើងទៀនផង ប៉ុន្តែប្រជាពលរដ្ឋបានចេញទៅបោះឆ្នោតត្រឹមតែ ៨០,៣២%។ ឥឡូវនេះ ទោះបីជាមានការដឹកនាំពីខាងក្រៅជា(អ្នក)បង្កើត(គណ​បក្ស)ភ្លើង​ទៀនអំពាវនាវឱ្យប្រជាជនកុំទៅបោះឆ្នោតនិងទៅគូសសន្លឹកឆ្នោតចោល(ក៏ដោយ) ប៉ុន្តែបែរជាមានប្រជាពលរដ្ឋទៅចូលរួមបោះឆ្នោត រហូតទៅដល់ជាង ៨៤% ទៅវិញ។

ចំណុចទាំងនេះ យើងអាចសន្និដ្ឋានបានថា​ ប្រជាពលរដ្ឋបានចូលរួមនៅក្នុងចលនាប្រជាធិបតេយ្យនៅកម្ពុជាយ៉ាងច្បាស់។ ប្រជាពលរដ្ឋចង់ទទួលបាននូវសេចក្ដីសុខ សេចក្ដីចម្រើនក្រោមដំបូលសន្តិភាពដែលបាននិងកំ​ពុងមាន ហើយចង់ចេញចាកឆ្ងាយពីក្រុមជ្រុលនិយមដែលតែងតែបានបំផ្លាញ(ដំណើរការប្រជាធិបតេយ្យនៅកម្ពុជា)។ ឥឡូវនេះ (ជាការ)ប្រៀប(ធៀប) ចំនួនប្រជាជនដែលបានចេញទៅបោះឆ្នោតគឺមានចំនួនច្រើនលើស(ពី)ការបោះឆ្នោតដែលមាន(គណបក្ស)ភ្លើងទៀនចូលរួមទៀតផង។ យើងរង់ចាំមើលថាតើមានសន្លឹកឆ្នោតដែល​គូសខ្វែងប៉ុន្មានសន្លឹក? ព្រោះមេដឹកនាំក្រុមជ្រុលនិយមបាននិយាយយ៉ាងច្បាស់ថា សន្លឹកឆ្នោតណាដែលគូសខ្វែងគឺជាសន្លឹកឆ្នោតគាំទ្រពួកគេ។ ដូច្នេះតើមានសន្លឹកឆ្នោតគូសខ្វែងប៉ុន្មានសន្លឹក? ឯអត្រាសន្លឹកឆ្នោតមោឃៈដូចជាការគូសខុសគឺវាជារឿងធម្មតាដែលមានកម្រិតប្រមាណជា២%។

នៅក្នុង Channel Telegram ដែលហៅថា Sbai សប្បាយ Telegram យើងបានឃើញគេបោះ(ឆ្នោតជា)គំរូ ហើយគេផ្ញើទៅកាន់ប្រធានរបស់គេនៅទីក្រុងប៉ារីស។ ខ្ញុំសូមជម្រាបជូនខាងក្រុមប្រឆាំងឱ្យបានជ្រាបថា យប់មិញនេះ អស់លោកបានដំណើរការ Channel Telegram លើកទឹកចិត្តឱ្យមានសេចក្ដីក្លាហានគូសសន្លឹកឆ្នោតចោល ហើយបញ្ជូនសន្លឹកឆ្នោតនោះទៅកាន់មេដឹកនាំនៅឯទីក្រុងប៉ារីស។ ខ្ញុំក៏បានចូលមើល ហើយខ្ញុំក៏បានចូលទៅខម្មិននៅក្នុង Telegram របស់អស់លោកអ្នក។ យើងបានស្គាល់មុខអ្នកទាំងនោះអស់ហើយ។ អ្នកនៅក្នុងប្រ​ទេស។ ប៉ុន្តែខ្ញុំសូមស្នើកុំឱ្យមានការភ័យខ្លាច។ អ្នកអាចចេញមកសារភាពចំពោះគណៈកម្មាធិការជាតិរៀបចំការបោះឆ្នោត ជាពិសេសជាមួយអាជ្ញាធរ ចលនាបំផ្លាញសន្លឹកឆ្នោតគឺជាបទល្មើសដែលត្រូវតែផ្តន្ទាទោស។ អ្នកដឹងខ្លួនសូមប្រញាប់ប្រញាល់ចេញមកសារភាពចំពោះអាជ្ញាធរនៅទីកន្លែងដែលកៀកបំផុត។ បើមិនដូច្នេះទេ វិធានការផ្លូវច្បាប់នឹងត្រូវប្រកាន់យកសម្រាប់អ្នកទាំងនោះ។

Channel Telegram Sbai សប្បាយ របស់អ្នក មិនអាចបិទបាំងបានទេ។ ឥឡូវនេះមុខសញ្ញាទាំងឡាយដែលមាននៅក្នុងតេឡេក្រាមទាំងនោះ ហើយខម្មិននៅក្នុង Telegram ទាំងនោះ យើងបានចូលទៅហើយ។ អ្នកក៏អាចបានឃើញថា មានខម្មិនរបស់ខ្ញុំចំនួន ៤ ក្នុងទីនោះ។ អ្នកមិនអាចលាក់នូវអ្វីដែលជាការប៉ុនប៉ងរបស់អ្នកបំ​ផ្លាញ(ដំណើរការបោះឆ្នោត)នោះទេ ហើយសូមអ្នកទាំងឡាយដែលមានការពាក់ព័ន្ធ កុំរត់ចោលស្រុកអី។ សូមប្រញាប់ចេញមកសារភាពទទួលយកនូវកំហុសដែលខ្លួនបានប្រព្រឹត្តតាមមេដឹកនាំឧទ្ទាមក្រៅច្បាប់ ដែលបានប្រកាសថាសន្លឹកឆ្នោតណាដែលគូសខ្វែងគឺជាសន្លឹកឆ្នោតរបស់គេ។ យើងចង់បែងចែកឱ្យដាច់។

ខ្ញុំសង្ឃឹមថា គណៈកម្មាធិការជាតិរៀប​ចំការបោះឆ្នោតនឹងបែងចែកឱ្យដាច់រវាងសន្លឹកឆ្នោតមិនបានការដែលកើតឡើងជាធម្មតាជារៀងរាល់ពេល ទៅនឹងសន្លឹកឆ្នោតគូសខ្វែង ព្រោះពួកគេកំណត់ថាសន្លឹកឆ្នោតគូសខ្វែងគឺជាសន្លឹកបោះឆ្នោតឱ្យមេដឹកនាំជ្រុលនិយម។ ឥឡូវនេះ ប្រជាពលរដ្ឋមានរហូតដល់ជាង ៨៤% ទៅបោះឆ្នោត។ យើងកំពុងរង់ចាំមើល តើសន្លឹកឆ្នោតខ្វែងមានប៉ុន្មានសន្លឹកក្នុងចំ​ណោមសន្លឹកឆ្នោត ៨ ១៧៧ ០៥៣ សន្លឹកដែលបានបោះនៅគ្រប់ទីកន្លែង សរុបជាភាគរយមាន ៨៤,២១%។ នេះជាតួលេខបណ្ដោះអាសន្នតែប៉ុណ្ណោះ។ តួលេខនេះអាចមានការផ្លាស់ប្តូរ។ ដូច្នេះ យើងដឹងពិតប្រាកដហើយនូវ(ចំនួន)អ្នកដែល(បាន)ចេញទៅបោះឆ្នោត មិនព្រមស្ដាប់(តាម)ក្រុមប្រឆាំង ហើយគាំទ្រនូវដំណើរការប្រជាធិបតេយ្យរបស់ប្រជាជន គាំទ្រនូវការអំពាវរបស់ព្រះមហាក្សត្រជាទីសក្ការៈ គាំទ្រនូវការអំពាវនាវរបស់គណៈកម្មាធិការជាតិរៀបចំការបោះឆ្នោតនិងគាំទ្រចំពោះការអំពាវនាវរបស់រាជរដ្ឋាភិបាលសូមអោយប្រជាជនបានចេញទៅធ្វើការបោះឆ្នោត។

ខ្ញុំព្រះករុណាខ្ញុំ សូមយកឱកាសនេះថ្លែងអំណរព្រះគុណនិងអរគុណចំពោះព្រះសង្ឃគ្រប់ព្រះអង្គ បងប្អូនជនរួមជាតិដែលបានទៅបំពេញភារៈកិច្ចក្នុងឋានៈជាម្ចាស់ប្រទេស ម្ចាស់ទឹកដី ហើយក្នុងឋានៈជាអ្នកអនុវត្តនូវលទ្ធិប្រជាធិបតេយ្យពិតប្រាកដតាមរយៈនៃការបោះឆ្នោត។ ទង្វើនេះបានធ្វើឱ្យពួកជ្រុលនិយមដែលប៉ុនប៉ងឱ្យ​មានការបំផ្លាញលទ្ធិប្រជាធិបតេយ្យនៅកម្ពុជា (ខុសជំហរ)ដាច់ផ្ងារតែម្ដង។ សូមពួកក្រុមជ្រុលនិយមទាំង​ឡាយសម្លឹងមើលឱ្យច្បាស់និងវិភាគឱ្យច្បាស់នូវភាពចាស់ទុំខាងនយោបាយរបស់ប្រជាជនកម្ពុជា ភាពខ្លាំងរបស់ប្រជាជនកម្ពុជា គឺ(ពួកគាត់)មិនទុកឱ្យក្រុមបោកប្រាស់ ក្រុមបំផ្លាញ អាចបំផ្លាញប្រទេសជាតិនោះទេ។

ខ្ញុំព្រះករុណាខ្ញុំពិតជាមានមោទនភាព ហើយខ្ញុំព្រះករុណាខ្ញុំនឹងតាមដានបន្ត ក្នុងពេលដែលខ្ញុំព្រះករុណាខ្ញុំនឹងត្រូវទៅទទួលជួបជាមួយនាយករដ្ឋមន្ត្រី ហ្គីណេ ប៊ីសាវ ដើម្បីសន្ទនានិងទទួលទានអាហារជាមួយគាត់ក្នុងដំ​ណើរទស្សនិច្ចរបស់គាត់ចូលរួមសង្កេតការណ៍សម្រាប់ការបោះឆ្នោតផងដែរ។ សូមអរព្រះគុណនិងសូមអរគុណ៕

************

Audio Message of Samdech Techo Hun Sen on the 23-July-2023 7th Legislative National Assembly Elections
[Unofficial Translation]
-----------

CNV: 23/07/2023

Venerable Buddhist Monks,
Dear compatriots,

Today we have just concluded the (7^th Legislature National Assembly) elections across the country (in parallel with the call of) the extremist groups (inspiring) people not to go to the polls or to (go to the polls only) to destroy the ballots. So far, the temporary result that I have received from the National Election Committee indicates that the number of people who went to the polls is up to 84.21% and may increase further. Compared to the 2022 commune/sangkat elections, where 80.32% of the population went to the polls at the time and with the participation of the Candlelight (Party), and at this time, the Candlelight Party and its founder called on their supporters not to go to the polls – we have noted the difference in polling rate. Previously, even with the encouragement of the participated Candlelight (Party), the turnout was only 80.32%. This time, despite leadership from the (creator) of the Candlelight Party from outside calling on the people not to go to the polls, and/or to go to the poll but invalidate their ballots with crossing out sign, on the contrary, more than 84% of the people did go to the polls.

From these points, we can conclude that the people have clearly participated in the democratic movement in Cambodia. The people want peaceful life and prosperity under the roof of peace that has been and is happening, and want to get away from the extremists who have always destroyed (the democratic process in Cambodia). Now (comparatively) the number of people who went to the polls is much higher than (from) the elections with the participation of the Candlelight Party even. We are waiting to see how many ballots that are crossed out since the leaders of the extremist group have made it clear that the invalidating ballots with crossing out signs are the ones that support them. We will see how many crossing-out ballots are there? […]

In their Telegram Chanel, known as the Sabay Telegram, we see a sample (ballot) cast and sent to their leader in Paris. I would like to inform the opposition that last night you launched the Channel Telegram to encourage (the supporters) to mark invalidating signs on the ballots and send to the leaders in Paris. I checked in and commented in your Telegram account. We already know their faces. They all are in the country. I would like to suggest that there should be no fear. They can come out and confess to the NEC or especially the authority. The vote-destroying movement is a crime that must be punished. If you are aware of the mistake, please hurry to confess to the authorities at the nearest place. Otherwise, legal action will be taken.

Their Sabay Telegram Chanel cannot be disguised. Now, (we have already identified) the target members of the said telegram channel, which we already went in to comment, they can check there are four of my commons in there. You cannot hide your attempt to destroy (the election process) and all of you who involved (in this movement), please do not flee the country. Please come out and confess your wrongdoing induced by the outlaw rebel leader who declared that those ballots (invalidated with crossing out signs) were his. Let us separate them.

I hope that the NEC will differentiate between invalid ballots, which usually occur every time (there is an election), to the ballots invalidated (by crossing-out signs) since they define the them as the ballots for the extremist leader. Now more than 84% of the people go to the polls. We are waiting to see how many of the 8,177,053 ballots cast in the elections or 84.21% of the total – were invalidated with the crossing-out sign. These are only temporary figures. This figure is subject to change. We know exactly how many people (who) went to the polls, refusing to listen to the opposition, and supported the people’s democratic process, supported HM the King’s call, supported the NEC’s call, and supported the government’s call for the people to go to the polls.

I am taking this opportunity to express my gratitude and thanks to all the Buddhist monks and compatriots who have fulfilled duties as the owners of the country, and the practitioners of true democracy through elections. This act has completely pushed the extremists who are trying to destroy democracy in Cambodia to lose their stands. Let all extremist groups look at and analyze the political maturity of the Cambodian people. The strength of the Cambodian people is (that they) would not let the cheating group destroy their nation.

I am very proud and I will follow this matter up as I am going meet and dine with the Prime Minister of Guinea-Bissau during his visit the Kingdom and to observe the elections. Thank you./.

 

អ្នកវិភាគចៅចាក់ស្មុក៖ ឆ្នាំ២០១៨ ញុះញង់ពលរដ្ឋកុំឱ្យទៅបោះឆ្នោត រីឯឆ្នាំ ២០២៣ អំពាវនាវឱ្យពលរដ្ឋទៅបោះឆ្នោតតែគូសបំផ្លាញសន្លឹកឆ្នោតចោល, ជនក្បត់ជាតិ ៣ ជំនាន់សម រង្ស៊ី នឹងទទួលបរាជ័យយ៉ាងអាម៉ាស់សាជាថ្មីទៀត នៅចំពោះមុខដំណើរការលទ្ធិប្រជាធិបតេយ្យនៅកម្ពុជា

(ភ្នំពេញ)៖ ពលរដ្ឋខ្មែរនៅចាំបានថា កាលពីបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ ទណ្ឌិត សម រង្ស៊ីនិងបក្ខពួក បានខិតខំធ្វើយុទ្ធនាការ «ម្រាមដៃស្អាត» និង «ដេកផ្ទះឈ្នះឯង» ក្នុងគោលបំណងដើម្បីរារាំងនិងញុះញង់ពលរដ្ឋមានឈ្មោះបោះឆ្នោត កុំឱ្យទៅបំពេញកាតព្វកិច្ចជាពលរដ្ឋល្អព្រោះគ្មានខ្មោចគណបក្សសង្គ្រោះជាតិរបស់ខ្លួនចូលរួម និងទិសដៅសំខាន់គឺបំផ្លាញការបោះឆ្នោត ប៉ុន្តែក្រុមប្រឆាំងជាពិសេសជនក្បត់ជាតិសម រង្ស៊ី បានរងភាពអាម៉ាសយ៉ាងខ្លាំងព្រោះប្រជាពលរដ្ឋមិនជឿលើការញុះញង់នេះ ហើយពលរដ្ឋចំនួន ៦ ៩៥៦ ៩០០ នាក់នៃ ៨ ៣៨០ ២១៧ ស្មើប្រមាណ ៨៣,០២% បានអញ្ជើញទៅបោះឆ្នោត។ នេះជាអត្រានៃការចូលរួមបោះឆ្នោតមួយដ៏ខ្ពស់ដែលបានវាយបំបាក់មុខនៃ ក្រុមជនក្បត់ជាតិដែលព្យាយាមបំផ្លាញការបោះឆ្នោត។ ទោះបីជាបរាជ័យ ប៉ុន្តែក្រុមជនសាងគ្រោះឱ្យជាតិនេះ អ្នកប្រជាធិបតេយ្យក្លែងក្លាយនៅតែតាមចងអាឃាត និងបន្តផែនការទុច្ចរិតរបស់ខ្លួន បំផ្លាញដំណើរការប្រជាធិបតេយ្យនៅកម្ពុជាដដែល។

ក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ នេះ ក្រោយពេលដែលគណបក្សភ្លើងទៀនដែលជាគណបក្សរបស់ខ្លួនមិនបានបំពេញលក្ខខណ្ឌច្បាប់គ្រប់គ្រាន់ក្នុងការចុះបញ្ជី ក្រុមទណ្ឌិតសម រង្ស៊ី បានបន្តអំពាវនាវប្រជាពលរដ្ឋកុំទៅបោះ ឆ្នោត ប៉ុន្តែក្រោយពេលមានវិសោធនកម្មច្បាប់ស្តីពីការបោះឆ្នោតដែលធ្វើកំណែទម្រង់លើសិទ្ធិឈរឈ្មោះឱ្យគេបោះឆ្នោត ក្រុមជនក្បត់ជាតិ បានប្រែមកជាអំពាវនាវពលរដ្ឋឱ្យទៅបោះឆ្នោតនិងគូសស្លឹកឆ្នោតចោល។ ទណ្ឌិតក្បត់ជាតិសម រង្ស៊ី បានលើកឡើងថាអ្នកដែលទៅបោះឆ្នោត ហើយគូសសន្លឹកឆ្នោតចោល គឺគាំទ្រការអំពាវនាវរបស់ខ្លួន ហើយខ្លួនគេនឹងវិលត្រឡប់ចូលប្រទេសកម្ពុជាវិញដើម្បីដឹកនាំប្រជាពលរដ្ឋផ្តួលរំលំរដ្ឋាភិបាល និងបានអំពាវនាវឱ្យកងកម្លាំងប្រដាប់អាវុធបែរចុងកាណុងប្រឆាំងនឹងរដ្ឋាភិបាលស្របច្បាប់។

នេះមិនមែនជាការគាំទ្រដំណើរការប្រជាធិបតេយ្យនៅកម្ពុជាឡើយ តែជាផែនការធ្វើឧបឃាតផ្តួលរំលំរាជរដ្ឋាភិបាលដោយប្រើប្រាស់អំណាចប្រជាពលរដ្ឋតាមវិធីសាស្ត្របដិវត្តន៍ពណ៌សុទ្ធសាធ។ សមត្ថកិច្ចបានបង្ហាញថាមានភស្តុតាងនានា បានបង្ហាញពីចំណងទាក់ទងរវាងទណ្ឌិតនិងគណបក្សភ្លើងទៀនក្នុងការបង្គាប់បញ្ជាឱ្យគូសសន្លឹកឆ្នោតចោលពីសំណាក់ទណ្ឌិត សម រង្ស៊ី ហើយព្រមានថាទាំងនេះអាចនាំឱ្យគណបក្សភ្លើងទៀនប្រឈមមុខច្បាប់ស្តីពីគណបក្សនយោបាយ។ ក្រុមជនទាំងនេះក៏ទទួលរងនូវពាក្យបណ្តឹង និងត្រូវបានគណៈកម្មាធិការបោះឆ្នោតរាជធានីភ្នំពេញសម្រេច លុបឈ្មោះចេញពីបញ្ជីឈ្មោះបោះឆ្នោត, ដកហូតសិទ្ធិមិនឱ្យឈរឈ្មោះបោះឆ្នោតរយៈពេលពី ២០ ទៅ២៥ ឆ្នាំ និងផាកពិន័យជាប្រាក់ពី ១០ លានទៅ ២០ លានរៀល។ ក្រុមជនដែលដើរតាមជនក្បត់ជាតិ សម រង្ស៊ីបន្តផែនការបំផ្លាញការបោះឆ្នោត នឹងត្រូវប្រឈមមុខនឹងច្បាប់ជាបន្តបន្ទាប់ទៀត។

សម រង្ស៊ីត្រូវបានគេស្គាល់ថាជាអ្នកនយោបាយអង្ករកំប៉ុង គិតមួយថ្ងៃនិងធ្វើមួយថ្ងៃ។ សម រង្ស៊ី​គឺជាអ្នកនយោបាយមាន់សម្លនិងត្រចៀកស ជាអ្នកនយោបាយកំសាកញី និងឆាប់ភ័យស្លន់ស្លោ ហើយជាមនុស្សកំពូលល្បិចពូកែខាងភូតភរកុហក និងប្រើប្រាស់ភាសាផ្អែមជាមួយបរទេស ពេលនិយាយពីប្រជាធិបតេ្យនិងសិទ្ធិមនុស្ស និងពោរពេញដោយការញុះញង់ស្អប់ខ្ពើមជាតិសាសន៍ បំបែកបំបាក់សាមគ្គីភាព បញ្ឆេះកំហេង បង្កើតហិង្សាពេលនិយាយជាមួយពលរដ្ឋខ្មែរ។ អ្វីដែលសម រង្ស៊ីនិយាយពោរពារញដោយការភូតកុហក បោកប្រាស់។ មនុស្សរបៀបនេះ ភូតកុហកក៏លឿន ប្រែក្រឡាស់ពាក្យសម្តីក៏លឿន ចង់សកម្មជនដើរតាមខ្លួនរងគ្រោះជាប់គុកដោយសារតែផែនការក្បត់របស់ខ្លួន ក៏មិនខ្វល់ សំខាន់យកជនល្មើសទាំងនោះមកប្រើដើម្បីផលប្រយោជន៍នយោបាយខ្លួនទៀត។ នេះគឺជាអ្នកនយោបាយដែលសុខចិត្តជាន់លើសាកសពគេដើម្បីបំពេញមហិច្ឆតាអំណាចផ្ទាល់ខ្លួន។

ប៉ុន្តែពលរដ្ឋខ្មែរដែលមានឈ្មោះក្នុងបញ្ជីបោះឆ្នោតឆ្នាំ ២០២៣ ចំនួនជាង ៩,៧ លាននាក់លើកលែងតែក្រុមជ្រុលនិយមនិងក្រុមជនក្បត់ជាតិ មួយក្តាប់តូចមិនជឿលើការញុះញង់របស់ទណ្ឌិតក្បត់ជាតិ ៣ ជំនាន់ឡើយ។ បងប្អូនប្រជាពលរដ្ឋបានត្រៀមខ្លួនរួចជាស្រេចដើម្បីអញ្ជើញទៅ បោះឆ្នោតនាថ្ងៃទី២៣ ខែកក្កដា ខាងមុខដែលជាថ្ងៃសម្រេចចិត្តដ៏សំខាន់របស់ពលរដ្ឋក្នុងការជ្រើសរើសគណបក្សនយោបាយដែលខ្លួនចូលចិត្តបន្តដឹកនាំប្រទេសថែរក្សាសុខសន្តិភាព ស្ថិរភាព និងការអភិវឌ្ឍ។ កាលពីឆ្នាំ២០១៨ ក្រោមការធ្វើសកម្មភាពដ៏ខ្លាំងក្លាបំផ្លាញប្រជាធិបតេយ្យ របស់ក្រុមប្រឆាំង សន្លឹកឆ្នោតមិនបានការសរុបមានចំនួនត្រឹមតែ ៥៩៤ ៦៥៩ សន្លឹកដែលស្មើប្រមាណ ៨,៥៤%ប៉ុណ្ណោះនៃសន្លឹកឆ្នោតសរុប។ កម្លាំងប្រជាធិបតេយ្យដែលចូលរួមការបោះឆ្នោតច្រើន។ នៅឆ្នាំ២០២៣ នេះ កម្លាំងប្រជាធិបតេយ្យនឹងកាន់តែមានចំនួនច្រើនក្នុងការបោះឆ្នោត ព្រោះពលរដ្ឋទាំងអស់មិនអនុញ្ញាតឱ្យក្រុមជនក្បត់ជាតិធ្វើអ្វីស្រេចនឹងចិត្តនោះឡើយ និងក៏មិនជឿតាមការញុះញង់របស់ក្រុមជនក្បត់ជាតិដែរ ព្រោះសន្លឹកឆ្នោតមួយសន្លឹករបស់ពួកគេពិតជាមានតម្លៃសម្រាប់ជាតិ ហើយត្រូវប្រើប្រាស់ឱ្យបានត្រឹមត្រូវ។ ជនក្បត់ជាតិ ៣ ជំនាន់សម រង្ស៊ី នឹងបក្ខពួកនឹងទទួលបរាជ័យយ៉ាងអាម៉ាស់សាជាថ្មីទៀតនៅចំពោះមុខដំណើរការលទ្ធិប្រជាធិបតេយ្យនៅកម្ពុជា។

សម្តេចតេជោ ហ៊ុន សែន នាយករដ្ឋមន្ត្រី កាលពីថ្ងៃទី១៩ ខែកក្កដា ឆ្នាំ២០២៣ បានមានប្រសាសន៍ថា ការបោះឆ្នោតសកលឆ្នាំ ២០២៣, ក្រៅពីការប្រកួតប្រជែងរវាងគណបក្សនយោបាយចំនួន ១៨ គណបក្ស ដែលបានចុះឈ្មោះប្រកួតប្រជែងយកកៅអីក្នុងសភាជាតិយើង នៅមានការ ប្រកួតប្រជែងរវាង ១៨ គណបក្ស ដែលចូលរួមការបោះឆ្នោតជាមួយពួកជ្រុលនិយម ដែលចង់បំផ្លាញចោលការបោះឆ្នោត។ ពួកជ្រុលនិយមដែលបញ្ជាដោយទណ្ឌិតរត់ចោលគុកពីក្រៅប្រទេស មកបក្សនយោបាយមួយនៅក្នុងប្រទេស បានរកគ្រប់វិធីដើម្បីបំផ្លាញចោលដំណើរការប្រជាធិបតេយ្យ តាមរយៈការខិតខំបំផ្លាញចោលការបោះឆ្នោត ដូចជាយុទ្ធនាការមិនឲ្យប្រជាជនទៅបោះឆ្នោត និងបំផ្លាញចោលសន្លឹកឆ្នោត។ល។ តើថ្ងៃទី២៣ ខែកក្កដា ឆ្នាំ២០២៣ខាងមុខ កម្លាំងប្រជាធិបតេយ្យដែលចូលរួមការបោះឆ្នោត មានច្រើនជាង ឬមានតិចជាង កម្លាំងបំផ្លាញប្រជាធិបតេយ្យ បំផ្លាញការបោះឆ្នោត? សូមរង់ចាំមើលទាំងអស់គ្នា!

ដោយ៖ ចៅចាក់ស្មុក

រាជធានីភ្នំពេញ, ថ្ងៃទី២០ ខែកក្កដា ឆ្នាំ២០២៣