ក្រសួងអប់រំ និងក្រសួងព័ត៌មាននឹងសហការរៀបចំផលិតនិងផ្សព្វផ្សាយកម្មវិធីសិក្សាពីចម្ងាយ និងការសិក្សាតាមប្រព័ន្ធអេឡិចត្រូនិក

នៅថ្ងៃទី៨ ខែមេសា ឆ្នាំ២០២០ ក្រសួងអប់រំ យុវជន និងកីឡា បានចេញសេចក្តីប្រកាសព័ត៌មានដោយបានបញ្ជាក់ថា ក្រសួងអប់រំ និងក្រសួងព័ត៌មាន បានចុះហត្ថលេខាលើអនុស្សារណៈយោគយល់គ្នាដើម្បីសហការរៀបចំផលិតនិងផ្សព្វផ្សាយកម្មវិធីសិក្សាពីចម្ងាយ និងការសិក្សាតាមប្រព័ន្ធអេឡិចត្រូនិក។

សូមអានសេចក្តីប្រកាសព័ត៌មានខាងក្រោម៖

ដំណឹងរីករាយ! អ្នកជំងឺកូវីដ-១៩ ម្នាក់នៅក្រុងប៉ោយប៉ែត បានព្យាបាលជាសះស្បើយហើយត្រូវបានអនុញ្ញាតឱ្យចេញពីមន្ទីរពេទ្យបង្អែក

បន្ទាយមានជ័យ៖ នៅថ្ងៃទី០៧ ខែមេសា ឆ្នាំ២០២០ លោក អ៊ុ រាត្រី អភិបាល ខេត្ត បន្ទាយមានជ័យ និងលោក គាត ហ៊ុល អភិបាលក្រុងប៉ោយប៉ែត ព្រមទាំងក្រុមការងារ បានអញ្ជើញចុះសួរសុខទុក្ខក្រុមគ្រូពេទ្យជួរមុខ និងជូនដំណើរអ្នកជំងឺកូវីដ-១៩ ម្នាក់ ជាជនជាតិខ្មែរ អាយុ ៣០ឆ្នាំ ដែលទើបព្យាបាលជាសះស្បើយដោយក្រុមគ្រូពេទ្យជួរមុខ នៃមន្ទីរពេទ្យបង្អែកក្រុងប៉ោយប៉ែត ខេត្តបន្ទាយមានជ័យ បានត្រឡប់ទៅលំនៅដ្ឋានវិញដើម្បីរស់នៅជួបជុំគ្រួសារ។

ក្នុងឱកាសនោះ ដើម្បីជាការចូលរួម និងលើកទឹកចិត្ត លោក អ៊ុ រាត្រី អភិបាលខេត្តបន្ទាយមានជ័យ បានឧបត្ថម្ភថវិកា ចំនួន ១,៥០០,០០០ (មួយលានប្រាំសែន) រៀល និងលោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានឧបត្ថម្ភថវិកាផ្ទាល់ខ្លួនចំនួន ៥០០,០០០ (ប្រាំសែន) រៀល សរុបចំនួន ២,០០០,០០០ (ពីរលាន) រៀល ប្រគល់ជូនដល់ក្រុមគ្រូពេទ្យជួរមុខ នៃមន្ទីរពេទ្យបង្អែកក្រុងប៉ោយប៉ែត ខេត្តបន្ទាយមានជ័យ។ ជាមួយគ្នានេះលោកអភិបាលខេត្ត ក៏បានឧបត្ថម្ភថវិកាផ្ទាល់ខ្លួនមួយចំនួនជូនដល់បុរសជាអ្នកជំងឺកូវីដ-១៩ (COVID-19) នោះផងដែរ។

អ្នកជំងឺកូវីដ-១៩ (COVID-19) ម្នាក់ដែលមានលេខកូដ nCoV-5256 ជាជនជាតិខ្មែរ អាយុ ៣០ឆ្នាំ ដែលបានសម្រាកព្យាបាលជាសះស្បើយនៅមន្ទីរពេទ្យបង្អែកប៉ោយប៉ែត បានថ្លែងអំណរគុណយ៉ាងជ្រាលជ្រៅចំពោះ រាជរដ្ឋាភិបាលកម្ពុជា ថ្នាក់ដឹកនាំខេត្តបន្ទាយមានជ័យ ថ្នាក់ដឹកនាំក្រុងប៉ោយប៉ែត ក្រុមការងារគ្រូពេទ្យជួរមុខ នៃមន្ទីរពេទ្យបង្អែកក្រុងប៉ោយប៉ែត ដែលបានឧបត្ថម្ភ គាំពារ ព្យាបាល ថែរក្សាយ៉ាងយកចិត្តទុកដាក់ និងប្រកបដោយវិជ្ជាជីវៈខ្ពស់។

ផ្អែកតាមមន្ទីរសុខាភិបាលខេត្តបន្ទាយមានជ័យ បានបញ្ជាក់ថា អ្នកជំងឺកូវីដ-១៩ (COVID-19) ដែលមានលេខកូដ nCoV-5256 ចំនួន ០១នាក់ ជនជាតិខ្មែរ អាយុ ៣០ឆ្នាំ ដែលកំពុងសម្រាកព្យាបាលនៅមន្ទីរពេទ្យបង្អែកប៉ោយប៉ែត ខេត្តបន្ទាយមានជ័យ ចាប់ពីថ្ងៃទី២៨ ខែមីនា ឆ្នាំ២០២០ រហូតមក បានបង្ហាញលទ្ធផលថា អ្នកជំងឺកូវីដ-១៩ ខាងលើ មានលទ្ធផលអវិជ្ជមានចំនួនពីរលើកក្រោយពីបញ្ជូនសំណាកវិភាគទៅវិទ្យាស្ថានប៉ាស្ទ័រកម្ពុជាដើម្បីត្រួតពិនិត្យលើកទី៣ កាលពីថ្ងៃទី០៥ ខែមេសា ឆ្នាំ២០២០ និងបានទទួលលទ្ធផលនៅថ្ងៃទី០៧ ខែមេសា ឆ្នាំ២០២០ នៅវេលាម៉ោង ០៩:០០នាទីព្រឹកដូច្នេះបុរសជនជាតិខ្មែរ អាយុ ៣០ឆ្នាំ រស់នៅសង្កាត់ប៉ោយប៉ែត ក្រុងប៉ោយប៉ែត ក្រោយពីមានការប៉ះពាល់ផ្ទាល់ជាមួយអ្នកជំងឺកូវីដ-១៩ ជាជនជាតិថៃ បានជាសះស្បើយទាំងស្រុង ក្រោមការព្យាបាលយ៉ាងយកចិត្តទុកដាក់ និងផ្អែកតាមគោលការណ៍ណែនាំជាតិ ស្តីពីការថែទាំ ព្យាបាលជំងឺកូវីដ-១៩ របស់ក្រសួងសុខាភិបាល៕

ក្រសួងសុខាភិបាល សម្រេចយកថ្ងៃចន្ទ រៀងរាល់សប្តាហ៍ ធ្វើសន្និសីទសារព័ត៌មានស្តីពីបច្ចុប្បន្នភាពជំងឺកូវីដ-១៩

ក្រសួងសុខាភិបាល បានប្រកាសឱ្យដឹងថា ក្រសួងសម្រេចយកថ្ងៃចន្ទ រៀងរាល់សប្តាហ៍ នៅវេលាម៉ោង ៩៖៣០នាទី ធ្វើសន្និសីទសារព័ត៌មានស្តីពីបច្ចុប្បន្នភាពជំងឺកូវីដ-១៩។

ក្នុងសេចក្តីជូនព័ត៌មាននៅព្រឹកថ្ងៃទី៨ ខែមេសា ឆ្នាំ២០២០នេះ ក្រសួងបានបញ្ជាក់ថា សន្និសីទសារព័ត៌មាននេះ មានគោលបំណងជម្រាបអ្នកសារព័ត៌មាន និងប្រជាពលរដ្ឋអំពីស្ថានភាព និងបច្ចុប្បន្នភាពនៃជំងឺកូវីដ-១៩ ក៏ដូចជារាយការណ៍ពីការរាតត្បាត និងអន្តរាគមន៍ឆ្លើយតបជំងឺនេះ។

សន្និសីទក៏នឹងផ្តល់ព័ត៌មានស្តីពីវិធានការទប់ស្កាត់នៃការផ្ទុះឡើងនៃជំងឺកូវីដ១៩ និងបញ្ហាពាក់ព័ន្ធផងដែរ។

សូមបញ្ជាក់ថា ការសម្រេចធ្វើសន្និសីទសារព័ត៌មាននេះ បានធ្វើឡើងបន្ទាប់ពីលោកនាយករដ្ឋមន្រ្ដី ហ៊ុន សែន បានណែនាំក្នុងសន្និសីទសារព័ត៌មានកាលពីថ្ងៃទី៧ ខែមេសា ឆ្នាំ២០២០ម្សិលមិញនេះ ៕

សន្និសីទសារព័ត៌មាន សម្តេចតេជោ ហ៊ុន សែន ស្តីពីបច្ចុប្បន្នភាព និងវិធានការនានា របស់រាជរដ្ឋាភិបាលក្នុងការប្រយុទ្ធប្រឆាំង ជំងឺកូវីដ - ១៩ នៅព្រះរាជាណាចក្រកម្ពុជា

សន្និសីទសារព័ត៌មាន សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជាស្តីពីបច្ចុប្បន្នភាព និងវិធានការនានា របស់រាជរដ្ឋាភិបាលក្នុងការប្រយុទ្ធប្រឆាំង ជំងឺកូវីដ - ១៩ នៅព្រះរាជាណាចក្រកម្ពុជា

ថ្ងៃអង្គារ ទី៧ ខែមេសា ឆ្នាំ ២០២០

#ហ៊ុនសែន #កម្ពុជា #អរគុណសន្តិភាព #COVID19

ក្រសួងសុខាភិបាលប្រកាសថា អ្នកជម្ងឺកូវីដ១៩បានព្យាបាលជាសះស្បើយថ្មីចំនួន៥នាក់បន្ថែមទៀត រកឃើញអ្នកឆ្លងថ្មី២នាក់ សរុបអ្នកជាសះស្បើយកើនឡើងដល់៦៣នាក់ និងកំពុងបន្តព្យាបាល៥៤នាក់

នៅព្រឹកថ្ងៃទី៨ ខែមេសា ឆ្នាំ២០២០នេះ ក្រសួងសុខាភិបាលបានជូនព័ត៌មានថា បានព្យាបាលអ្នកជម្ងឺកូវីដបានជាសះស្បើយចំនួន៥នាក់ថ្មីបន្ថែមទៀត រកឃើញអ្នកឆ្លងថ្មី២ករណី ដូចនេះ សរុបអ្នកបានព្យាបាលជាសះស្បើយពីជំងឺកូវីដ១៩ កើនរហូតដល់៦៣នាក់ហើយគិតមកដល់ថ្ងៃនេះ  និងអ្នកជម្ងឺកំពុងបន្តព្យាបាលចំនួន៥៤នាក់ នៃអ្នកឆ្លងជម្ងឺកូវីដ១៩ សរុបចំនួន១១៧នាក់។

សូមអានសេចក្តីជូនព័ត៌មានរបស់ក្រសួងសុខាភិបាល៖

លោកនាយករដ្ឋមន្ត្រី ហ៊ុន សែន ប្រតិកម្មធ្ងន់ៗ ឆ្លើយតបទៅនឹងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន

លោកនាយករដ្ឋមន្ត្រី ហ៊ុន សែន បានប្រតិកម្មឆ្ងន់ៗ ឆ្លើយតបចំពោះការលើកឡើងមួយចំនួន ដែលថាកម្ពុជាមិនគួរ បង្កើតច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ននៅពេលនេះ។ លោក បានសង្កត់ពាក្យឆ្ងន់ៗ ជាថ្មីដល់ក្រុមមនុស្សមួយចំនួនទាំងអស់នោះ ថាហេតុអ្វីបានជាបារម្ភខ្លាំងម្លេះពីរឿងនេះ? ក្នុងនាមជាថ្នាក់ដឹកនាំ គឺលោក បានដឹងច្បាស់ណាស់ថាពេលវេលាណាត្រូវប្រើច្បាប់នេះនោះ ប៉ុន្តែសំខាន់គឺកម្ពុជាត្រូវមានច្បាប់នេះជាមុនសិន។ លោកនាយករដ្ឋមន្រ្ដី ហ៊ុន សែន បានថ្លែងបែបនេះ នៅព្រឹកថ្ងៃទី០៧ ខែមេសា ឆ្នាំ២០២០នេះ ក្នុងឱកាសអញ្ជើញធ្វើសន្និសីទសន្និសីទព័ត៌មានជាលើកទី៤ ពាក់ព័ន្ធបច្ចុប្បន្នភាពនៃជំងឺកូវីដ១៩ នៅវិមានសន្តិភាព។

ទន្ទឹមនឹងនេះ លោកនាយករដ្ឋមន្រ្តី ហ៊ុន សែន បានលើកឡើងថាមនុស្សដែលតែងតែរិៈគន់ទាំងនោះភាគច្រើនមិនចេះដឹងពីច្បាប់គ្រប់គ្រងប្រទេសនោះទេ។ លោកបញ្ជាក់ថា ក្នុងនាមជាប្រមុខដឹកនាំប្រទេស ពិតណាស់ មិនចង់ប្រើច្បាប់នេះនោះទេ ពីព្រោះវានឹងប៉ះពាល់ទៅដល់សេដ្ឋកិច្ចជាតិ ប៉ុន្តែច្បាប់នេះ គេត្រូវតែមានដើម្បីបង្ការទុកជាមុន នៅពេលបញ្ហាកើតមានឡើងគឺគេដាក់អនុវត្តភ្លាមតែម្តង។ សូមជំរាបថា សេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន នៅពេលនេះបានបញ្ជូនដល់រដ្ឋសភានៅព្រឹកថ្ងៃទី៧ខែមេសានេះ ហើយគណៈកម្មាធិការអចិន្ត្រៃយ៍រដ្ឋសភា បានបញ្ជូនសេចក្តីព្រាងច្បាប់នេះឲ្យដល់ដៃគណៈកម្មការនីតិកម្ម និងយុត្តិធម៌នៃរដ្ឋសភាពិនិត្យសិក្សាផងដែរ៕

លោកនាយករដ្ឋមន្រ្តី ហ៊ុន សែន៖ ស្ថាប័ន្ថរដ្ឋនិងឯកជនធ្វើការងារធម្មតាក្នុងឱកាសបុណ្យចូលឆ្នាំខ្មែរ ហើយនឹងអនុញ្ញាតឱ្យឈប់សងវិញ៥ថ្ងៃក្នុងពេលសមស្រប

លោកនាយករដ្ឋមន្រ្តី ហ៊ុន សែន ក្រៅពីប្រកាសសម្រេចផ្អាកប្រារព្ធពិធីបុណ្យចូលឆ្នាំថ្មីប្រពៃណីជាតិខ្មែរខាងមុខនេះ លោក ក៏បានលើកឡើងថាស្ថាប័ន្ថរដ្ឋនិងឯកជនធ្វើការងារធម្មតាក្នុងឱកាសបុណ្យចូលឆ្នាំខ្មែរ ហើយនឹងអនុញ្ញាតឱ្យឈប់សងវិញ៥ថ្ងៃក្នុងពេលសមស្របណាមួយនៅពេលដែលស្ថានភាពជំងឺកូវីដ១៩នេះបានបញ្ចប់។ លោកបានថ្លែងដូចនេះនៅព្រឹកថ្ងៃទី៧ ខែមេសា ឆ្នាំ២០២០ ក្នុងឱកាសអញ្ជើញធ្វើសន្និសីទសារព័ត៌មាន ពាក់ព័ន្ធបច្ចុប្បន្នភាពនៃជំងឺកូវីដ១៩ ដែលធ្វើឡើងទៅ នៅវិមានសន្តិភាព រាជធានីភ្នំពេញ។

លោកនាយករដ្ឋមន្រ្តី ហ៊ុន សែន ក៏សុំការយោគយល់ពីប្រជាពលរដ្ឋទូទៅគ្រប់ស្រទាប់វណ្ណៈ ពីការលំបាករបស់ប្រទេសជាតិ ពីការលំបាករបស់រាជរដ្ឋាភិបាលក្នុងឱកាសកំពុងតែប្រយុទ្ធនឹងជំងឺកូវីដ១៩ដ៏កាចសាហាវនេះ ហើយលោក ក៏បានអំពាវនាវដល់កម្មករកម្មការិនីនៅបន្តធ្វើការងារយកប្រាក់សិនចាំឈប់នៅពេលក្រោយ។

លោកនាយករដ្ឋមន្រ្តី ហ៊ុន សែន ក៏បានណែនាំឱ្យទីស្តីការគណៈរដ្ឋមន្រ្តីចេញសេចក្តីណែនាំអំពីបញ្ហានេះសម្រាប់មន្រ្តីរាជការទាំងអស់ ហើយក្រសួងការងារ និងបណ្តុះបណ្តាលវិជ្ជាជីវៈ ចេញសេចក្តីណែនាំដល់បណ្តាក្រុមហ៊ុន និងរោងចក្រសហគ្រាសផងដែរ៕