ហ្វេសប៊ុកចៅចាក់ស្មុក៖ យំមិនចេញ!

នៅថ្ងៃទី២២ ខែមីនា ឆ្នាំ២០១៧ ទំព័រហ្វេសប៊ុកចៅចាក់ស្មុក បានបង្ហោះផ្សាយបញ្ជាក់ជូន​សាធារណជនថា គណបក្សសង្រ្គោះជាតិ បានភ្លាត់ស្នៀតធ្វើខុសលក្ខន្តិកៈផ្ទៃក្នុងរបស់បក្ស ដែលមានខ្លឹមសារដូចខាងក្រោម៖

ចៅចាក់ស្មុកចេះតែអង្គុយឆ្ងល់ថា បន្ទាយព្រះអាទិត្យទាំងមូល ដែលធ្លាប់បានស្រែកអួតអាងពីធនធានមនុស្ស អ្នកយុទ្ធសាស្ត្រចាញ់មកអួតអាងពីរឿងនេះរឿងនោះ តែទីបំផុតខ្វិតនឹងតម្រិះខ្លួនឯង។ គិតទៅ ដំរីជើងបួនគង់តែមានភ្លាត់មែន!

ហេតុអ្វីបានជាវង្វេងវង្វាន់មើលមិនយល់ ដឹងមិនច្បាស់ពីលក្ខន្តិកៈដែលខ្លួនឯងសរសេរអ៊ីចឹង? ជាពិសេសប្រការ ៤៧ នៃលក្ខន្តិកៈបក្សទាំងថ្មីទាំងចាស់។ ទោះបីជាអនុវត្ត ខុសប្រាសចាកពីគម្ពីរធំរបស់ខ្លួនក៏ចេះតែនាំគ្នាទះដៃអបអរសាទរទៅរួច!

ហេតុអ្វីបានជាធនធានមនុស្ស បន្ទាយនេះអន់ដល់ធ្នាក់នេះ? ឬមួយមានអ្នកដឹងដែរ តែធ្វើជាមិនដឹងព្រោះ បើនិយាយប្រាប់នាំឱ្យកែស្ថានការណ៍បាន កឹម សុខា ដែលទទួលពរជ័យពីទេវតា លេបបក្សបានសម្រេច នឹងទទួលបានជោគជ័យ១០០%។ អ៊ីចឹងមានតែរុញទូកបណ្តោយទឹកមួយគ្រាសិនចុះព្រោះមិនអាចទប់ចរន្តកឹម សុខា បានឡើយ តែនៅពេលអស់មួយខ្យល់ នឹងអាចទាញមកវិញបាន ក៏នាំគ្នាទះដៃហៃអើៗ! ដំបូងសម រង្ស៊ី ធ្លាក់ទឹក ហើយឥឡូវនេះ ហៃអើៗ! កឹម សុខា ធ្លាក់ទឹក!

ចាំមើលៗ! តើរាជការក្រសួងមហាផ្ទៃបកស្រាយយ៉ាងម៉េចលើសមាជវិសាមញ្ញរបស់បន្ទាយព្រះអាទិត្យធ្វើឡើងនៅថ្ងៃទី០២ ខែមីនា ឆ្នាំ២០១៧ កន្លងទៅនោះ? ត្រឹមត្រូវតាមលក្ខន្តិកៈ ឬក៏ខុសលក្ខន្តិកៈ បក្សដែលជាច្បាប់កំពូលរបស់ខ្លួន។ បើរាជការបកស្រាយថាខុសលក្ខន្តិកៈមែន ពិតជាយំមិនចេញហើយ ហើយសម រង្ស៊ី ដែលកំពុងមានទោសជាប់ខ្លួន អួតក្តែងៗថាលាលែងពីប្រធានបក្សដើម្បីជួយសង្គ្រោះបក្ស កុំឱ្យរលាយនោះ ក្លាយទៅជាស្លឹកចេកគ្មានតម្លៃ គេបោះចោល ជាពលីកម្មដ៏គ្មានន័យ។

ពេលនេះបើទោះបីចង់យំស្រែក ក៏យំមិនចេញ មានតែយកដៃគក់ទ្រូង ណែនក្នុងឱរ៉ា! ចៅចាក់ស្មុក បានប្រាប់ជាមុនហើយថា វាខុសច្បាប់។ តែនៅតែចចេស! ចឹងស្តេចសង្គ្រាមមានតែត្រូវទ្រាំទទួលយកជើងសេះទេវតាធាក់បីបួនជើងផ្ទប់ជញ្ជាំងសិនទៅ! ហើយបក្សីត្រដាងស្លាបគៀសចូលរណ្តៅមរណៈតែម្តង!!!

ដោយ៖ចៅចាក់ស្មុក

ក្រសួងមហាផ្ទៃ ÷ សមាជវិសាមញ្ញជ្រើសរើសប្រធាន និងអនុប្រធានថ្មីរបស់គណបក្សសង្រ្គោះជាតិ​ ខុសច្បាប់

ក្រសួងមហាផ្ទៃ បានចេញសេចក្តីជូនដំណឹងដ៏សំខាន់មួយដោយប្រកាសថា សមាជវិសាមញ្ញជ្រើស រើសប្រធាន និងអនុប្រធានថ្មី របស់គណបក្សសង្រ្គោះជាតិ កាលពីថ្ងៃទី០២ ខែមីនាកន្លងទៅគឺខុសច្បាប់ នេះបើយោងតាមលិខិតដែលក្រសួងមហាផ្ទៃផ្ញើជូនលោក យឹម សុវណ្ណប្រធានគណកម្មាធិការប្រតិបត្តិគណបក្សសង្គ្រោះជាតិចុះថ្ងៃទី២២ ខែមីនា នេះ។
ជាមួយគ្នានេះក្រសួងមហាផ្ទៃក៏បានស្នើឲ្យគណបក្សសង្រ្គោះជាតិ ដូរពាក្យស្លោករបស់ខ្លួន ព្រោះសារ នយោបាយរបស់គណបក្សសង្រ្គោះជាតិ «ដូរមេឃុំបម្រើបក្ស ដាក់មេឃុំបម្រើរាស្រ្ត» មានខ្លឹមសារផ្ទុយនឹងស្មារតីរដ្ឋធម្មនុញ្ញឆ្នាំ១៩៩៣ ច្បាប់ស្តីពីគណបក្សនយោបាយ ច្បាប់ស្តីពីការបោះឆ្នោតជ្រើសរើសក្រុមប្រឹក្សាឃុំ សង្កាត់ និងច្បាប់ស្តីពីការគ្រប់គ្រងរដ្ឋបាលឃុំ សង្កាត់ ពិសេសរបបប្រជាធិបតេយ្យសេរីពហុបក្សនៅកម្ពុជា និងគោលការណ៍នៃប្រព័ន្ធបោះឆ្នោតសមាមាត្រ៕

ប្រមុខរដ្ឋស្តីទី លោក សាយ ឈុំ អញ្ជើញគោរពវិញ្ញាណក្ខន្ធសព លោកឧបនាយករដ្ឋមន្រ្តី សុខ អាន

នៅល្ងាចថ្ងៃទី១៦ ខែមីនា ឆ្នាំ២០១៧ ប្រមុខរដ្ឋស្តីទី លោក សាយ ឈុំ បានអញ្ជើញ គោរពវិញ្ញាណក្ខ័ន្ធ និងរំលែកទុក្ខ គ្រួសារសព លោកឧបនាយករដ្ឋមន្រ្តី សុខ អាន រដ្ឋមន្រ្តីទទួលបន្ទុក​ទីស្ដីការគណៈរដ្ឋមន្រ្តី ដែលបានទទួលមរណភាពពី វេលាម៉ោង១៨.៣២នាទី ថ្ងៃពុធ ទី១៥ ខែមីនា ឆ្នាំ២០១៧ នៅមន្ទីពេទ្យទីក្រុងប៉េកាំង សាធារណរដ្ឋប្រជាមានិតចិន ដោយរោគាពាធ ក្នុងជន្មាយុ ៦៦ឆ្នាំ ។

ក្នុងឱកាសដ៏សែនក្រៀមក្រំនេះ លោក សាយ ឈុំ សូមចូលរួមរំលែកទុក្ខ ប្រកបដោយសេចក្ដីសោកស្ដាយអាឡោះអាល័យជាទីបំផុត ជាមួយលោកស្រី អាន្នី សុខ អាន ព្រមទាំងក្រុមគ្រួសារ ចំពោះការបាត់បង់ លោកឧបនាយករដ្ឋមន្រ្តី សុខ អាន ដែលជាអ្នកដឹកនាំដ៏ឆ្នើមមួយរូបរបស់ ប្រជាជាតិខ្មែរយើង ដែលបានយកអស់កម្លាំងកាយចិត្ត ប្រាជ្ញា ស្មារតីពុះពារជម្នះឧបសគ្គគ្រប់បែបយ៉ាង និងគ្រប់កាលៈទេសៈ ប្រកបដោយទឹកចិត្តស្វាមីភក្តិជានិច្ចចំពោះជាតិ សាសនា ព្រះមហាក្សត្រ ក្នុងការរួមចំណែកជាមួយរាជរដ្ឋាភិបាលក្រោមការដឹកនាំ ប្រកប​ដោយគតិបណ្ឌិតរបស់ លោកនាយករដ្ឋមន្រ្តី ហ៊ុន សែន ដើម្បីស្ដារ កសាង អភិ​វឌ្ឍ ប្រទេសជាតិ លើគ្រប់វិស័យទទួលបាននូវសុខសន្តិភាព ឯកភាពជាតិ ស្ថិរភាពសង្គម ស្ថិរភាពនយោបាយ រក្សាការពារបានឯករាជ្យ អធិបតេយ្យជាតិ បូរណភាពទឹកដី ប្រជាធិបតេយ្យ និងនីតិរដ្ឋ៕

មរណភាព របស់ លោកឧបនាយករដ្ឋមន្រ្តី សុខ អាន គឺជាការបាត់បង់ ឧត្តមស្វាមី ឪពុក ឪពុកក្មេក និងជីតា ជាទីគោរពស្រឡាញ់ប្រកបដោយព្រហ្មវិហារធម៌ និងទឹកចិត្តសណ្តោសប្រណីដ៏ថ្លៃថ្លាមិនចេះរីងស្ងួត ចំពោះលោកជំទាវ បុត្រា បុត្រី ហើយក៏ជាការបាត់បង់ ឥស្សរជនដ៏ឆ្នើមរបស់ជាតិមួយរូប ពោរពេញដោយគុណធម៌ សច្ចៈធម៌ បានធ្វើពលិកម្មជាច្រើន បូជាកម្លាំងកាយ ចិត្ត ប្រាជ្ញា ចូលរួមចំណែកយ៉ាងសកម្មប្រកបដោយស្នាដៃដ៏ត្រចះត្រចង់ច្រើនឥតគណនា ក្នុងការស្តារ កសាងប្រទេសឲ្យមានសុខសន្តិភាព ស្ថិរភាពនយោបាយ វឌ្ឍនភាព វិបុលភាព និងការរីកចម្រើនឥតឈប់ឈរ ដើម្បីឧត្តមប្រយោជន៍ ជាតិ សាសនា ព្រះមហាក្សត្រ៕

នៅល្ងាចថ្ងៃទី១៦ ខែមីនា ឆ្នាំ២០១៧ ប្រមុខរដ្ឋស្តីទី លោក សាយ ឈុំ បានអញ្ជើញ គោរពវិញ្ញាណក្ខ័ន្ធ និងរំលែកទុក្ខ គ្រួសារសព លោកឧបនាយករដ្ឋមន្រ្តី សុខ អាន រដ្ឋមន្រ្តីទទួលបន្ទុក​ទីស្ដីការគណៈរដ្ឋមន្រ្តី ដែលបានទទួលមរណភាពពី វេលាម៉ោង១៨.៣២នាទី ថ្ងៃពុធ ទី១៥ ខែមីនា ឆ្នាំ២០១៧ នៅមន្ទីពេទ្យទីក្រុងប៉េកាំង សាធារណរដ្ឋប្រជាមានិតចិន ដោយរោគាពាធ ក្នុងជន្មាយុ ៦៦ឆ្នាំ ។
ក្នុងឱកាសដ៏សែនក្រៀមក្រំនេះ លោក សាយ ឈុំ សូមចូលរួមរំលែកទុក្ខ ប្រកបដោយសេចក្ដីសោកស្ដាយអាឡោះអាល័យជាទីបំផុត ជាមួយលោកស្រី អាន្នី សុខ អាន ព្រមទាំងក្រុមគ្រួសារ ចំពោះការបាត់បង់ លោកឧបនាយករដ្ឋមន្រ្តី សុខ អាន ដែលជាអ្នកដឹកនាំដ៏ឆ្នើមមួយរូបរបស់ ប្រជាជាតិខ្មែរយើង ដែលបានយកអស់កម្លាំងកាយចិត្ត ប្រាជ្ញា ស្មារតីពុះពារជម្នះឧបសគ្គគ្រប់បែបយ៉ាង និងគ្រប់កាលៈទេសៈ ប្រកបដោយទឹកចិត្តស្វាមីភក្តិជានិច្ចចំពោះជាតិ សាសនា ព្រះមហាក្សត្រ ក្នុងការរួមចំណែកជាមួយរាជរដ្ឋាភិបាលក្រោមការដឹកនាំ ប្រកប​ដោយគតិបណ្ឌិតរបស់ លោកនាយករដ្ឋមន្រ្តី ហ៊ុន សែន ដើម្បីស្ដារ កសាង អភិ​វឌ្ឍ ប្រទេសជាតិ លើគ្រប់វិស័យទទួលបាននូវសុខសន្តិភាព ឯកភាពជាតិ ស្ថិរភាពសង្គម ស្ថិរភាពនយោបាយ រក្សាការពារបានឯករាជ្យ អធិបតេយ្យជាតិ បូរណភាពទឹកដី ប្រជាធិបតេយ្យ និងនីតិរដ្ឋ៕

គណៈប្រតិភូកាកបាទក្រហមកម្ពុជា ចូលរួមគោរពវិញ្ញាណក្ខន្ធសព លោកឧបនាយករដ្ឋមន្រ្តី សុខ អាន

នៅរសៀលថ្ងៃទី​ ១៦​ ខែមីនា​ ឆ្នាំ២០១៧​ ​ គណៈប្រតិភូ​ កាកបាទក្រហមកម្ពុជា​ បានចូលរួមគោរពវិញ្ញាណក្ខន្ធ​ និងរំលែកទុក្ខយ៉ាងក្រៀមក្រំបំផុតចំពោះមរណភាព​ លោកឧប​នាយក​រដ្ឋ​មន្រ្តី​ សុខ​ អាន​ សមាជិករដ្ឋសភា ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី ដែលបានទទួលមរណភាព នៅវេលាម៉ោង ១៨ម៉៣២ ថ្ងៃពុធ ៣រោច ខែផល្គុន ឆ្នាំវក អដ្ឋស័ក ព.ស. ២៥៦០ ត្រូវនឹងថ្ងៃទី១៥ ខែមីនា ឆ្នាំ២០១៧ ក្នុងជន្មាយុ ៦៦ឆ្នាំ ដោយរោគាពាធ។

ក្នុងមរណទុក្ខដ៏ក្រៀមក្រំក្តុកក្តួលនេះ​ គណៈប្រតិភូ​ បានប្រគល់លិខិតរំលែកទុក្ខយ៉ាងក្រៀមក្រំជាទីបំផុតរបស់លោកស្រី ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូន លោកស្រី អាន្នី​ សុខ អាន​ ឧត្តមភរិយា ​ និងក្រុមគ្រួសារ​ និងសូមឧទ្ទិសបួងសួងដល់គុណបុណ្យព្រះរតន ត្រ័យ និងវត្ថុស័ក្តិសិទ្ធិទាំងឡាយក្នុងលោក សូមប្រោសព្រំដួងវិញ្ញាណក្ខន្ធ លោកឧប​នាយក​រដ្ឋមន្រ្តី សុខ អាន បានទៅកាន់សុគតិភព កុំបីឃ្លៀងឃ្លាតឡើយ។

 មរណភាព របស់ លោកឧបនាយករដ្ឋមន្រ្តី សុខ អាន គឺជាការបាត់បង់ ឧត្តមស្វាមី ឪពុក ឪពុកក្មេក និងជីតា ជាទីគោរពស្រឡាញ់ប្រកបដោយព្រហ្មវិហារធម៌ និងទឹកចិត្តសណ្តោសប្រណីដ៏ថ្លៃថ្លាមិនចេះរីងស្ងួត ចំពោះលោកជំទាវ បុត្រា បុត្រី ហើយក៏ជាការបាត់បង់ ឥស្សរជនដ៏ឆ្នើមរបស់ជាតិមួយរូប ពោរពេញដោយគុណធម៌ សច្ចៈធម៌ បានធ្វើពលិកម្មជាច្រើន បូជាកម្លាំងកាយ ចិត្ត ប្រាជ្ញា ចូលរួមចំណែកយ៉ាងសកម្មប្រកបដោយស្នាដៃដ៏ត្រចះត្រចង់ច្រើនឥតគណនា ក្នុងការស្តារ កសាងប្រទេសឲ្យមានសុខសន្តិភាព ស្ថិរភាពនយោបាយ វឌ្ឍនភាព វិបុលភាព និងការរីកចម្រើនឥតឈប់ឈរ ដើម្បីឧត្តមប្រយោជន៍ ជាតិ សាសនា ព្រះមហាក្សត្រ៕

ប្រមុខរាជរដ្ឋាភិបាលកម្ពុជា ចាត់ទុកលោកឧបនាយករដ្ឋមន្រ្តី សុខ អាន គឺជាឥស្សរជនមួយរូប

ប្រមុខរាជរដ្ឋាភិបាលកម្ពុជា លោកនាយករដ្ឋមន្រ្តី ហ៊ុន សែន បានចាត់ទុកលោកឧបនាយករដ្ឋមន្រ្តី សុខ អាន រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តីគឺជាឥស្សរជនមួយរូបដែលមាន គុណបំណាច់ធំធេងចំពោះជាតិមាតុភូមិ។

នៅក្នុងសារលិខិតរំលែកទុក្ខដែលសរសេរដោយផ្ទាល់ដៃនោះ លោកនាយករដ្ឋមន្រ្តី ហ៊ុន សែន បានបញ្ជាក់ថា «យើងនៅចងចាំមិនភ្លេចឡើយនូវអនុស្សាវរីយ៍ដែលសម្តេចវិបុលបញ្ញា សុខ អាន បានឆ្លងកាត់ជាមួយយើងជាង ៣៨ឆ្នាំ ក្នុងបុព្វហេតុបម្រើជាតិ សាសនា និងព្រះមហាក្សត្រនៅពេលដែលសម្តេច នៅមានជីវិត»។ លោកនាយករដ្ឋមន្រ្តី ហ៊ុន សែន ក៏បានបញ្ជាក់នៅក្នុងលិខិតថា សកម្មភាព ស្នាដៃ និងគុណបំណាច់ទាំងឡាយ របស់លោកឧបនា​យករដ្ឋមន្រ្តី សុខ អាន នឹងត្រូវចងក្រងទុកនៅក្នុងចិត្ត ដែលនឹងត្រូវបានចរឹកទុកនៅក្នុងទំព័រប្រវត្តិសាស្រ្តនៃប្រទេសកម្ពុជាយើង។

សូមបញ្ជាក់ថា លោកឧបនាយករដ្ឋមន្រ្តី សុខ អាន បានទទួលមរណភាពនៅវេលាម៉ោង៦និង ៣២នាទីល្ងាចថ្ងៃទី១៥ ខែមីនា ឆ្នាំ២០១៧ នៅក្រុងប៉េកាំង ប្រទេសចិន ដោយ រោគាពាធ ក្នុងជន្មាយុ៦៦ឆ្នាំ ហើយភ្លាមៗនោះរាជរដ្ឋាភិបាលកម្ពុជា ក៏បានសម្រេចបង្កើត គណៈកម្មការមួយដើម្បីរៀបចំបុណ្យសព ដែលគណៈកម្មការនេះមានឯកឧត្តមឧបនាយករដ្ឋ មន្រ្តី ប៊ិន ឈិន ជាប្រធាន និងសម្តេចព្រះពោធិវង្ស អំ លឹមហេង ព្រះសង្ឃនាយករងទី២ ជាអនុប្រធាន រួមទាំងសមាជិកជាច្រើនទៀត៕

កម្រងសកម្មភាព សម្តេច​វិបុលបញ្ញា សុខ អាន ឧបនាយ​ក​រដ្ឋមន្រ្តី​ និងជា​ប្រធាន​​សម័យ​​ប្រជុំពេញ​​អង្គ​លើក​ទី៣៧ នៃគណៈ​​កម្មាធិការ​​បេតិ​កភណ្ឌ​​ពិភព​លោក​ នាស​ម័យ​​ប្រជុំ​ពេញ​​អង្គលើក​​ទី៣៧​ នៃ​គណៈ​ក​ម្មា​ធិកា​រ​បេតិ​កភណ្ឌ​​ពិភពលោក​​ (១៦ – ២៧ មិថុនា ២០១៣)